ലിഫ്റ്റ് കൊടുത്ത് വീട്ടമ്മയെ കബളിപ്പിച്ച്​ പണവും മൊബൈലും തട്ടിയെടുത്തു

ശാ​സ്താം​കോ​ട്ട: പ​രി​ച​യം ഭാ​വി​ച്ച്​ വീ​ട്ട​മ്മ​യെ ബൈ​ക്കി​ൽ ക​യ​റ്റി പ​ണ​വും മൊ​ബൈ​ൽ ഫോ​ണും അ​പ​ഹ​രി​ച്ച​താ​യി പ​രാ​തി. ശൂ​ര​നാ​ട് തെ​ക്ക് തൃ​ക്കു​ന്ന​പ്പു​ഴ തോ​ണ്ട​ലി​ൽ​ത​റ വീ​ട്ടി​ൽ ശാ​ന്ത​കു​മാ​രി​യാ​ണ് ക​ബ​ളി​പ്പി​ക്ക​പ്പെ​ട്ട​ത്. ക​ഴി​ഞ്ഞ​ദി​വ​സം രാ​വി​ലെ 10.30ന് ​സ്വ​കാ​ര്യ പ​ണ​യ സ്ഥാ​പ​ന​ത്തി​ൽ​പോ​യി വ​രും​വ​ഴി പ​താ​രം ഹൈ​സ്കൂ​ൾ ജ​ങ്​​ഷ​നി​ൽ ബൈ​ക്കി​ൽ വ​ന്ന യു​വാ​വാ​ണ്​ ക​ബ​ളി​പ്പി​ച്ച​ത്. അ​ടു​ത്തി​ടെ ഭ​ർ​ത്താ​വ് മ​ര​ണ​പ്പെ​ട്ട വി​വ​രം പ​റ​ഞ്ഞ് വീ​ടി​ന് സ​മീ​പ​മി​റ​ക്കാ​മെ​ന്ന് പ​റ​യു​ക​യും ചെ​യ്തു.

ന​ട​ക്കാ​ൻ പ്ര​യാ​സ​മു​ള്ള ശാ​ന്ത​കു​മാ​രി ബൈ​ക്കി​ൽ ക​യ​റാ​ൻ തു​ട​ങ്ങി​യ​പ്പോ​ൾ ക​വ​റും പ​ഴ്സും ഇ​യാ​ൾ വാ​ങ്ങി ബൈ​ക്കി​ന് മു​ന്നി​ൽ ​െവ​ച്ചു. തു​ട​ർ​ന്ന് ബൈ​ക്ക് യാ​ത്ര​ക്കി​ടെ പ്ലാ​സ്​​റ്റി​ക് ക​വ​ർ റോ​ഡി​ൽ ഇ​ട്ടു. മു​ന്നോ​ട്ട് നി​ർ​ത്തി ക​വ​ർ എ​ടു​ക്കാ​ൻ ശാ​ന്ത​കു​മാ​രി​യെ റോ​ഡി​ലി​റ​ക്കി. ഇവർ പി​റ​കോ​ട്ട് ന​ട​ന്നതിനിടെ ഇ​യാ​ൾ ബൈക്ക്​ അ​തി​വേ​ഗ​ത്തി​ൽ ഓ​ടി​ച്ച് പോ​വു​ക​യാ​യി​രു​ന്നു.

ശാ​ന്ത​കു​മാ​രി​യു​ടെ നി​ല​വി​ളി കേ​ട്ട്​ സ​മീ​പ​ത്തു​ള്ള​വ​ർ പൊ​ലീ​സി​നെ വി​വ​ര​മ​റി​യി​ച്ചു. പൊ​ലീ​സ്​ സ​മീ​പ​ത്തെ ക​ട​ക​ളി​ലെ സി.​സി.​റ്റി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചു. മാ​സ്കും ഹെ​ൽ​മ​റ്റും ധ​രി​ച്ചി​രു​ന്ന​തി​നാ​ൽ മു​ഖം വ്യ​ക്ത​മാ​യി​ട്ടി​ല്ല. പ​ഴ്സി​ൽ 2800 രൂ​പ​യും മൊ​ബൈ​ൽ ഫോ​ണു​മാ​ണ് ഉ​ണ്ടാ​യി​രു​ന്ന​ത്. ശൂ​ര​നാ​ട് പൊ​ലീ​സ് അ​േ​ന്വ​ഷ​ണം ആ​രം​ഭി​ച്ചു. മു​മ്പ്​​കു​ന്ന​ത്തൂ​രി​ലും സ​മാ​ന​മാ​യ രീ​തി​യി​ൽ വീ​ട്ട​മ്മ​യെ ക​ബ​ളി​പ്പി​ച്ച സം​ഭ​വ​മു​ണ്ടാ​യി​രു​ന്നു.