പുനലൂർ: വിവാഹ ചടങ്ങിനിടെയുള്ള കൂട്ടത്തല്ലിൽ നിരവധിപേർക്ക് പരിക്ക്. ആര്യങ്കാവ് ശ്രീധർമശാസ്ത ക്ഷേത്രത്തിൽ ഞായറാഴ്ച ഉച്ചക്ക് നടന്ന വിവാഹത്തിലാണ് തല്ലുണ്ടായത്. ആര്യങ്കാവിലെ യുവതിയുടെയും കടയ്ക്കലിൽ നിന്നുള്ള വരെൻറയുമായിരുന്നു വിവാഹം.
സദ്യ വിളമ്പുന്നതിനിടെ വധുവിെൻറ ഭാഗത്തുള്ള യുവാവിനെ വരെൻറ ആളുകളിൽപെട്ട ചിലർ മർദിച്ചു. ഇത് ചോദ്യം ചെയ്ത് മറുവിഭാഗവും രംഗത്തെത്തിയതോടെ കൂട്ടത്തല്ലായി. അരമണിക്കൂറോളം സംഘർഷമുണ്ടായി. സ്ത്രീകളും കുട്ടികളും ഉൾപ്പെടെ നിരവധിപേർക്ക് നിസ്സാര പരിക്കേറ്റു. സംഭവമറിഞ്ഞ് തെന്മല പൊലീസെത്തിയെങ്കിലും അടിയുണ്ടാക്കിയവർ രക്ഷപ്പെട്ടു.
മദ്യപിച്ചെത്തിയ വരെൻറ ആളുകളിൽപെട്ടവരാണ് സംഘർഷമുണ്ടാക്കിയതെന്ന് വധുവിെൻറ ബന്ധുക്കൾ ആരോപിച്ചു. ഇവർ നൽകിയ പരാതിയെത്തുടർന്ന് കടയ്ക്കലിൽനിന്ന് വിവാഹത്തിനെത്തിയ ആറുപേരെ തെന്മല പൊലീസ് കസ്റ്റഡിയിലെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.