കൊല്ലത്ത് റേ​ഷ​ൻ വ്യാ​പാ​രി​ക​ൾ​ക്ക് വേതനം ലഭിച്ചിട്ട് മൂന്ന് മാസം

കൊ​ല്ലം: റേ​ഷ​ൻ വ്യാ​പാ​രി​ക​ൾ​ക്ക് ക​മീ​ഷ​ൻ ല​ഭി​ച്ചി​ട്ട് മൂ​ന്ന് മാ​സം. കൊ​ട്ടാ​ര​ക്ക​ര, ക​രു​നാ​ഗ​പ്പ​ള്ളി, പു​ന​ലൂ​ർ, കൊ​ല്ലം താ​ലൂ​ക്കു​ക​ളി​ലെ വ്യാ​പാ​രി​ക​ൾ​ക്കാ​ണ് ആ​ഗ​സ്റ്റ് മു​ത​ലു​ള്ള ക​മീ​ഷ​ൻ ല​ഭി​ക്കാ​ത്ത​ത്. ഉ​ദ്യോ​ഗ​സ്ഥ​രോ​ട്​ അ​ന്വേ​ഷി​ച്ചാ​ൽ സോ​ഫ്റ്റ്​​വെ​യ​റി​ന്റെ കു​ഴ​പ്പ​മാ​ണെ​ന്ന മ​റു​പ​ടി​യാ​ണ്​ ല​ഭി​ക്കു​ന്ന​തെ​ന്ന്​ റേ​ഷ​ൻ വ്യാ​പാ​രി​ക​ൾ പ​റ​യു​ന്നു. ദൈ​നം​ദി​ന ചെ​ല​വി​നു​പോ​ലും പ​ണ​മി​ല്ലാ​തെ ഇ​വ​ർ ബു​ദ്ധി​മു​ട്ടു​ക​യാ​ണ്.

ഗോ​ത​മ്പി​നു​പ​ക​രം ആ​ട്ട ല​ഭ്യ​മാ​ക്കു​ന്ന പ​ദ്ധ​തി​യും ജി​ല്ല​യി​ൽ കാ​ര്യ​ക്ഷ​മ​മ​ല്ല. കാ​ർ​ഡ് ഉ​ട​മ​ക​ളു​ടെ ഗോ​ത​മ്പ് ഈ ​പേ​ര് പ​റ​ഞ്ഞ് എ​ടു​ക്കു​ന്ന​ത​ല്ലാ​തെ കൃ​ത്യ​മാ​യി ആ​ട്ട തി​രി​കെ കൊ​ടു​ക്കു​ന്നി​ല്ല. കൊ​ട്ടാ​ര​ക്ക​ര താ​ലൂ​ക്കി​ൽ പ്ര​ശ്നം ഗു​രു​ത​ര​മാ​ണ്. ക​ഴി​ഞ്ഞ​മാ​സം പ​കു​തി​യോ​ളം കാ​ർ​ഡ് ഉ​ട​മ​ക​ൾ​ക്ക് ആ​ട്ട കൊ​ടു​ത്തി​ട്ടി​ല്ല.

പ​ല ക​ട​ക​ളി​ലും ആ​ട്ട സ്റ്റോ​ക്കി​ല്ല. ഇ​ട​ക്കി​ടെ​ പ്ര​ഖ്യാ​പി​ക്കു​ന്ന സ്പെ​ഷ​ൽ അ​രി പ്ര​ഖ്യാ​പ​ന​ത്തി​ൽ ഒ​തു​ങ്ങി. മ​റ്റു വി​ഭാ​ഗ​ങ്ങ​ളി​ൽ നി​ന്ന് അ​രി വ​ക​മാ​റ്റു​മ്പോ​ൾ സാ​ധാ​ര​ണ റേ​ഷ​നും സ്പെ​ഷ​ൽ റേ​ഷ​നും വി​ത​ര​ണ​ത്തി​ന് തി​ക​യാ​തെ വ​രു​ന്ന​ത്​ വ്യാ​പ​ക​മാ​ണ്.

ക​മീ​ഷ​ൻ കു​ടി​ശ്ശി​ക ഉ​ട​ൻ വി​ത​ര​ണം ചെ​യ്യാ​തി​രി​ക്കു​ക​യും റേ​ഷ​ൻ സാ​ധ​ന​ങ്ങ​ൾ സ​മ​യ​ബ​ന്ധി​ത​മാ​യി എ​ത്തി​ക്കാ​നു​ള്ള ന​ട​പ​ടി കൈ​ക്കൊ​ള്ളാ​തി​രി​ക്കു​ക​യും ചെ​യ്താ​ൽ പ്ര​ത്യ​ക്ഷ സ​മ​ര​ത്തി​നി​റ​ങ്ങു​മെ​ന്ന്​​ കേ​ര​ള റേ​ഷ​ൻ എം​പ്ലോ​യീ​സ് യൂ​നി​യ​ൻ​ ജി​ല്ല സെ​ക്ര​ട്ട​റി ലാ​ലു കെ. ​ഉ​മ്മ​ൻ പ​റ​ഞ്ഞു.