മദ്യപാനത്തിനിടെ വാക്കേറ്റം: യുവാവിന് കുത്തേറ്റു; രണ്ടു പേർ അറസ്റ്റിൽ

കൊ​ട്ടി​യം: മ​ദ്യ​പാ​ന​ത്തെ തു​ട​ർ​ന്നു​ണ്ടാ​യ വാ​ക്കേ​റ്റ​ത്തി​ൽ യു​വാ​വി​ന് കു​ത്തേ​റ്റു. ഗു​രു​ത​രാ​വ​സ്ഥ​യി​ലാ​യ യു​വാ​വി​നെ ബൈ​ക്കി​ലി​രു​ത്തി ആ​ശു​പ​ത്രി​യി​ലേ​ക്ക് കൊ​ണ്ടു​പോ​കും വ​ഴി റോ​ഡ​രി​കി​ൽ നി​ന്ന യു​വാ​ക്ക​ളെ ബൈ​ക്ക് ഇ​ടി​ച്ചു തെ​റി​പ്പി​ച്ചു. ഇ​ടി​യു​ടെ ആ​ഘാ​ത​ത്തി​ൽ ഗു​രു​ത​ര കു​ത്തേ​റ്റ യു​വാ​വും ബൈ​ക്കി​ലു​ണ്ടാ​യി​രു​ന്ന ര​ണ്ടു പേ​രും റോ​ഡി​ൽ വീ​ണു. നാ​ട്ടു​കാ​ർ വി​വ​രം അ​റി​യി​ച്ച​ത​നു​സ​രി​ച്ച് ര​ണ്ടു പേ​രെ കൊ​ട്ടി​യം പൊ​ലീ​സ് ക​സ്റ്റ​ഡി​യി​ലെ​ടു​ത്തു.

ചെ​റി​യേ​ല സ്വ​ദേ​ശി ഷെ​ഫീ​ക്കി​നാ​ണ് ക​ത്തേ​റ്റ​ത്. ചെ​റി​യേ​ല സ്വ​ദേ​ശി സു​ധീ​ർ ശ​സ്ത്ര​ക്രി​യ​ക്ക്​ ശേ​ഷം തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ൽ​സ​യി​ലാ​ണ്. സം​ഭ​വ​വു​മാ​യി ബ​ന്ധ​പ്പെ​ട്ട് ര​ണ്ടു പേ​രെ കൊ​ട്ടി​യം പൊ​ലീ​സ് അ​റ​സ്റ്റ് ചെ​യ്തു. പേ​രൂ​ർ പ​ണ്ടാ​ര​ക്കു​ള​ത്തി​ന് സ​മീ​പം ര​ജി​ത്ത് ഭ​വ​നി​ൽ വി​ഷ്ണു (28), പേ​രൂ​ർ​കോ​ട​ൻ​വി​ള വീ​ട്ടി​ൽ സെ​യ്ദ​ലി (26) എ​ന്നി​വ​രാ​ണ് അ​റ​സ്റ്റി​ലാ​യ​ത്. അ​ക്ര​മി സം​ഘ​ത്തി​ൽ​പ്പെ​ട്ട ​ഷ​ഫീ​ക്ക്​ ഒ​ളി​വി​ലാ​ണെ​ന്നും ഇ​യാ​ൾ​ക്കാ​യി തെ​ര​ച്ചി​ൽ ആ​രം​ഭി​ച്ച​താ​യും പൊ​ലീ​സ് പ​റ​ഞ്ഞു.

ചൊ​വ്വാ​ഴ്ച രാ​ത്രി പ​ത്ത​ര​യോ​ടെ ചെ​റി​യേ​ല​യി​ലാ​യി​രു​ന്നു സം​ഭ​വം. ഇ​വി​ടെ​യു​ള​ള കോ​ഴി​ക​ട​യി​ൽ സ്ഥി​ര​മാ​യി വ​രാ​റു​ള്ള സു​ധീ​റും അ​റ​സ്റ്റി​ലാ​യ​വ​രു​മാ​യി വാ​ക്കേ​റ്റം ഉ​ണ്ടാ​കു​ക​യും കു​ത്തേ​ൽ​ക്കു​ക​യു​മാ​യി​രു​ന്നു. ര​ണ്ടു കേ​സു​ക​ൾ കൊ​ട്ടി​യം പൊ​ലീ​സ് ര​ജി​സ്റ്റ​ർ ചെ​യ്തു.