ടി.എസ്. മണിവർണൻ
കുണ്ടറ: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയ കേസിൽ പഞ്ചായത്ത് അംഗത്തെ അറസ്റ്റു ചെയ്തു. സ്‌കൂള്‍ നാടക പരിശീലനവുമായി ബന്ധപ്പെട്ട് പരിചപ്പെട്ട പെണ്‍കുട്ടിയെയാണ് തട്ടിക്കൊണ്ട് പോയത്. കൊറ്റങ്കര പഞ്ചായത്ത് 21ാം വാര്‍ഡ് അംഗവും സ്‌കൂള്‍ നാടക പരിശീലകനുമായ ടി.എസ്. മണിവര്‍ണനാണ് പിടിയിലായത്. പ്ലസ് വണ്‍ വിദ്യാർഥിനിയുടെ വീട്ടുകാരുടെ പരാതിയിലാണ് അറസ്റ്റുണ്ടായത്.
കഴിഞ്ഞ 24ന് വൈകീട്ട് 4.30ഓടെ കുട്ടിയെ വീട്ടില്‍നിന്ന് കാണാതായിരുന്നു. തുടര്‍ന്ന് വീട്ടുകാര്‍ കുണ്ടറ പൊലീസില്‍ പരാതി നല്‍കി. തുടര്‍ന്ന് കുടുംബാംഗങ്ങള്‍ നടത്തിയ അന്വേഷണത്തില്‍ മണിവര്‍ണന്‍ കാറില്‍ കയറ്റിക്കൊണ്ട് പോയതായി കണ്ടെത്തി. മണിവര്‍ണന്‍ തന്നെ കൂട്ടികൊണ്ട് പോയി എന്ന് പൊലീസിന് പെണ്‍കുട്ടി മൊഴിനല്‍കിയതോടെ അറസ്റ്റ് ചെയ്യുകയായിരുന്നു. ജുവനൈല്‍ ജസ്റ്റിസ് ആക്ട് വകുപ്പുകള്‍ പ്രകാരമാണ് അറസ്റ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.