110 ഹെക്ടറോളം തരിശു പാടശേഖരത്ത്​ നെ​ൽകൃഷി; കർഷകന്റെ ആനുകൂല്യം തടയുന്നെന്ന്

കു​ണ്ട​റ: കി​ഴ​ക്കേക​ല്ല​ട​യി​ല്‍ നെ​ല്ല് ക​ര്‍ഷ​ക​ന് സ​ര്‍ക്കാ​ര്‍ ആ​നു​കൂ​ല്യം ല​ഭി​ക്കു​ന്നി​ല്ലെ​ന്ന് പ​രാ​തി. 35 വ​ര്‍ഷ​മാ​യി ത​രി​ശുകി​ട​ന്ന കി​ഴ​ക്കേക​ല്ല​ട ത്രി​വേ​ണി പാ​ട​ശേ​ഖ​ര​ത്തി​ല്‍ നെ​ൽകൃ​ഷി ഇ​റ​ക്കി​യ ചെ​ന്നി​ത്ത​ല സ്വ​ദേ​ശി ജി​നു ജോ​ർജെന്ന ക​ര്‍ഷ​ക​നാ​ണ് പ​രാ​തി​യു​മാ​യി രം​ഗ​ത്ത്.

കി​ഴ​ക്കേക​ല്ല​ട​യി​ലെ ത്രി​വേ​ണി പാ​ട​ശേ​ഖ​ര സ​മി​തി​യു​ടെ സ​ഹാ​യ​ത്തോ​ടെ​യാ​ണ് 110 ഹെ​ക്ട​റി​ല്‍ ജി​നു കൃ​ഷി ഇ​റ​ക്കി​യ​ത്. നെ​ല്ല് ക​ര്‍ഷ​ക​ര്‍ക്ക് ഹെ​ക്ട​റി​ന് 40000 രൂ​പ സ​ബ്‌​സി​ഡി​യാ​യി ല​ഭി​ക്കും. ഇ​തി​നാ​യി കൃ​ഷി ഭ​വ​നി​ല്‍ അ​പേ​ക്ഷ ന​ല്‍കി​യ​പ്പോ​ള്‍ സാ​ങ്കേ​തി​ക പ്ര​ശ്‌​ന​ങ്ങ​ള്‍ പ​റ​ഞ്ഞ് സ​ബ്‌​സി​ഡി ത​ട​ഞ്ഞെ​ന്നാ​ണ് ആ​രോ​പ​ണം.

രേ​ഖ​ക​ള്‍ പ്ര​കാ​രം 15 ഹെ​ക്ട​റി​ല്‍ മാ​ത്ര​മേ കൃ​ഷി ചെ​യ്തി​ട്ടു​ള്ളൂ​വെ​ന്ന് കി​ഴ​ക്കേക​ല്ല​ട കൃ​ഷി ഭ​വ​നി​ലെ കൃ​ഷി അ​സി​സ്റ്റ​ന്റ് പ​റ​ഞ്ഞ​താ​യി ജി​നു ആ​രോ​പി​ക്കു​ന്നു. വി​ജി​ല​ന്‍സി​ന് ഉ​ള്‍പ്പെ​ടെ പ​രാ​തി ന​ല്‍കാ​നി​രി​ക്കു​ക​യാ​ണ്. സ​മ​ര്‍പ്പി​ച്ച രേ​ഖ​ക​ളി​ലെ അ​വ്യ​ക്ത​ത കാ​ര​ണ​മാ​ണ് ആ​നു​കൂ​ല്യ​ങ്ങ​ള്‍ ന​ല്‍കാ​ന്‍ ക​ഴി​യാ​ത്ത​തെ​ന്നാ​ണ് ഉ​ദ്യോ​ഗ​സ്ഥ​ര്‍ പ​റ​യു​ന്ന​ത്.