ജില്ല സ്കൂൾ കലോത്സവ സുവനീർ എൻ.കെ. പ്രേമചന്ദ്രൻ എം.പി പ്രകാശനം ചെയ്യുന്നു
കൊല്ലം: ജനുവരിയില്‍ കൊല്ലത്ത് നടത്തുന്ന സംസ്ഥാന സ്കൂള് കലോത്സവം മികച്ച രീതിയില്‍ നടത്താനായി സംഘാടനത്തില്‍ എല്ലാ വകുപ്പുകളും ഏകോപനത്തോടെ പ്രവര്‍ത്തിക്കണമെന്ന് ജില്ല വികസന സമിതിയില്‍ നിർദേശം. വേദി ഒരുക്കുന്നത് മുതല്‍ എല്ലാ മേഖലകളിലും കുറ്റമറ്റ ക്രമീകരണങ്ങളാണ് ഉണ്ടാകേണ്ടതെന്ന് അധ്യക്ഷത വഹിച്ച കലക്ടര്‍ എന്‍.ദേവിദാസ് പറഞ്ഞു.
സ്കൂള്-ഓഫിസ് സമയങ്ങളില്‍ ചരക്ക് വാഹന ഗതാഗതം നിയന്ത്രിക്കണം. പത്തനാപുരത്തെ വന്യമൃഗശല്യം രൂക്ഷമായ മേഖലയില്‍ സൗര വേലിക്കുള്ള ടെന്‍ഡര്‍ നടപടികള്‍ വേഗത്തിലാക്കണം. പൊക്കവിളക്കുകളുടെ അറ്റകുറ്റപ്പണികള്‍ സമയബന്ധിതമായി തീര്‍പ്പാക്കണമെന്നും ആവശ്യം ഉയര്‍ന്നു.
ശബരിമല തീർഥാടനവേളയിൽ പുനലൂരില്‍ പൊലീസ് എയ്ഡ്‌പോസ്റ്റ് സ്ഥാപിക്കണം. അധിക പൊലീസ് ഉദ്യോഗസ്ഥരുമുണ്ടാകണം. പുനലൂര്‍-ചെങ്കോട്ട പാതയിലെ അപകടമേഖലയില്‍ വാഹന പരിശോധന കര്‍ശനമാക്കണം. ഭൂരഹിതരില്ലാത്ത പുനലൂര്‍ പദ്ധതിയുടെ നടത്തിപ്പിനായി അധിക സര്‍വേയര്‍മാരെ വേണമെന്നും നിര്‍ദേശമുയര്‍ന്നു.
ജില്ലയിലെ സര്‍ക്കാര്‍ ആംബുലന്‍സുകളുടെ പ്രവര്‍ത്തനം കാര്യക്ഷമമാക്കണം. ചെങ്ങന്നൂര്‍-കൊല്ലം കെ.എസ്.ആർ.ടി.സി സര്‍വിസ് സമയം പുനഃക്രമീകരിക്കണം. മണ്ട്രോ തുരുത്തില്‍ പൊലീസ് ബോട്ട് ലഭ്യമാക്കണമെന്ന ആവശ്യവും ഉയർന്നു.
തഴവ സര്‍ക്കാര്‍ ഐ.എച്ച്.ആര്‍.ഡി കോളജ് കെട്ടിട നിര്‍മാണ നടപടികള്‍ ഊര്‍ജിതമാക്കണം. മാളിയേക്കല്‍ മേല്‍പ്പാലവും അപ്പ്രോച്ച് റോഡ് നിർമാണവും സമയബന്ധിതമായി നടത്തണം. ജല്‍ജീവന്‍ പദ്ധതിയുടെ പൈപ്പിടല്‍ പ്രവര്‍ത്തനങ്ങള്‍ക്കായി പൊളിച്ച റോഡുകള്‍ പുനര്‍നിര്‍മിക്കണമെന്ന് ആവശ്യമുയർന്നു.
പദ്ധതി പ്രവര്‍ത്തനങ്ങളുടെ പുരോഗതി അവലോകനവും നവകേരള സദസുമായി ബന്ധപ്പെട്ട പ്രവര്‍ത്തനപുരോഗതിയും വിലയിരുത്തി. സിറ്റി പൊലിസ് കമീഷണര്‍ വിവേക് കുമാര്‍, റൂറല്‍ എസ്.പി സാബു മാത്യു, സബ് കലക്ടര്‍ മുകുന്ദ് ഠാക്കൂര്‍, ജില്ല പ്ലാനിങ് ഓഫിസര്‍ പി.ജെ. ആമിന, ജില്ലതല ഉദ്യോഗസ്ഥർ എന്നിവരും എം.എല്‍.എമാരുടെ പ്രതിനിധികളും പങ്കെടുത്തു.
കൊല്ലം: ജില്ല സ്കൂള് കലോത്സവത്തില്‍ നിലവിലെ ജേതാക്കളായ കരുനാഗപ്പള്ളി ജോൺ എഫ്. കെന്നഡി മെമ്മോറിയൽ വി.എച്ച്.എച്ച്.എസ് ഇത്തവണയും മികച്ച സ്കൂൾ. അവസാന നിമിഷം വരെ നീണ്ട പോരാട്ടത്തിൽ 245 പോയിന്റുമായാണ് സ്കൂൾ ഒന്നാമത്തെിയത്.
മികച്ച പോരാട്ടം കാഴ്ചവച്ച കുളക്കട വെണ്ടാര്‍ എസ്.വി.എം എച്ച്.എസ്.എസ് രണ്ട് പോയന്‍റിന്‍റെ വ്യത്യാസത്തിൽ 243 പോയിന്റുമായി രണ്ടാംസ്ഥാനത്തായി. ആതിഥേയരായ കുണ്ടറ ഇളമ്പള്ളൂര്‍ എസ്.എൻ.എസ്.എം എച്ച്.എസ് 234 പോയിന്റ് നേടി മൂന്നാം സ്ഥാനം നേടി. കടയ്ക്കല്‍ ഗവ എച്ച്.എസ്.എസ് (225), അഞ്ചൽ വെസ്റ്റ് ഗവ എച്ച്.എസ്.എസ് ( 219 ) നാലും അഞ്ചും സ്ഥാനങ്ങളിലായി.
875 പോയന്‍റുമായാണ് കരുനാഗപ്പള്ളി ഉപജില്ല ഓവറോള്‍ കീരീടം നേടിയത്. ചാത്തന്നൂര്‍ 798 പോയിന്റുമായി രണ്ടാമതും പുനലൂര്‍ ഉപജില്ല 795 പോയിന്റുമായി മൂന്നാമതുമായി. കൊല്ലം (767), കുണ്ടറ (718) എന്നിവരാണ് നാലും അഞ്ചും സ്ഥാനങ്ങളിൽ.
യു.പി വിഭാഗത്തില്‍ വെളിയം ഉപജില്ല 162 പോയന്റുമായി ഒന്നാമതായി. 158 പോയന്റുമായി ചടയമംഗലം ഉപജില്ലയാണ് രണ്ടാമത്. സ്കൂളുകളിൽ 41 പോയന്റുമായി ഗവ എച്ച്.എസ്.എസ് അഞ്ചൽ വെസ്റ്റ് ഒന്നാമതും 36 പോയിന്റുമായി ജി.എച്ച്.എസ് പൂയപ്പള്ളി രണ്ടാമതുമായി. ഹൈസ്കൂള്‍ വിഭാഗത്തില്‍ 357 പോയിന്റുമായി കരുനാഗപ്പള്ളി ഉപജില്ല ചാമ്പ്യൻമാരായി. ചാത്തന്നൂര്‍ 341 പോയന്റുമായി രണ്ടാമതായി.
ജി.എച്ച്.എസ്.എസ് കടയ്ക്കൽ മികച്ച സ്കൂളായി; 113 പോയിന്റ്. ഗവ എച്ച്.എസ്.എസ് അഞ്ചൽ വെസ്റ്റ്, വിമലഹൃദയ ജി.എച്ച്.എസ്.എസ് എന്നിവ 100 പോയിന്റ് വീതം നേടി രണ്ടാമതായി. ഹയര്‍സെക്കന്‍ഡറിയിലും കരുനാഗപ്പള്ളിക്കാണ് ഒന്നാംസ്ഥാനം. 367 പോയിന്റ്. 327 പോയിന്റുമായി പുനലൂര്‍ രണ്ടാമതായി. ഇളമ്പള്ളൂര്‍ എസ്.എൻ.എസ്.എം എച്ച്.എസ് 143 പോയിന്റുമായി ഒന്നാമതും ജി.വി.എച്ച്.എസ്.എസ് പുനലൂര്‍ (130) രണ്ടാമതുമെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.