കൊല്ലം: ഫേസ്ബുക്കിലൂടെ വാളയാര്‍ പെൺകുട്ടികളുടെ മാതാവിനെ അപകീര്‍ത്തിപ്പെടുത്തിയ അഡ്വ. ഹരീഷ് വാസുദേവനെ അറസ്റ്റ് ചെയ്യാതെ സംരക്ഷിക്കുന്ന സര്‍ക്കാര്‍ നിയമം അട്ടിമറിക്കുകയാണെന്ന് അണ്ണ ഡി.എച്ച്.ആര്‍.എം സംസ്ഥാന പ്രസിഡൻറ് ഉഷ കൊട്ടാരക്കര. വാളയാര്‍ സ്റ്റേഷനില്‍ പരാതി നല്‍കിയിരുന്നെങ്കിലും കേസ് രജിസ്റ്റർ ചെയ്യാന്‍ പൊലീസ് തയാറായില്ല. തുടര്‍ന്ന് മണ്ണാര്‍ക്കാട് എസ്.സി- എസ്.ടി സ്‌പെഷല്‍ കോടതിയില്‍ കേസ് ഫയല്‍ ചെയ്തിനെതുടർന്ന് കേസെടുത്ത് അന്വേഷിക്കാന്‍ പൊലീസിനോട് നിര്‍േദശിക്കുകയായിരുന്നു. ജാമ്യമില്ലാ വകുപ്പായിട്ടും അറസ്റ്റ് ചെയ്യാതെ സര്‍ക്കാര്‍ സംരക്ഷിക്കുകയാണെന്നും ഇതിനെതിരെ ദലിത് സമൂഹം പ്രതിഷേധവുമായി രംഗത്തിറങ്ങുമെന്നും അവർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.