കുമളി: ഇന്ത്യ നേരിടുന്ന ഏറ്റവും വലിയ ഭീഷണി നിലവിലെ ഭരണകൂടമാണെന്ന് ഡീൻ കുര്യാക്കോസ് എം.പി അഭിപ്രായപ്പെട്ടു. കേരള മുസ്ലിം ജമാഅത്ത് ഫെഡറേഷൻ സംസ്ഥാന സമിതി കുമളിയിൽ സംഘടിപ്പിച്ച ദ്വിദിന ക്യാമ്പിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സംസ്ഥാന പ്രസിഡന്റ് കടയ്ക്കൽ അബ്ദുൽ അസീസ് മൗലവി അധ്യക്ഷതവഹിച്ചു. ജനറൽ സെക്രട്ടറി അഡ്വ.കെ.പി. മുഹമ്മദ് പ്രമേയം അവതരിപ്പിച്ചു. തൊടിയൂർ മുഹമ്മദ് കുഞ്ഞ് മൗലവി, കെ.എം.എ. ഷുക്കൂർ, കുളത്തൂപ്പുഴ സലീം, നസീർ പത്തനാപുരം, പി.എം. നൗഷാദ്, കെ.എ. സിദ്ദീഖ്, ഉമർ ഫാറൂഖ്, അബ്ദുസ്സലാം കുമളി, പി.ഇ. മുഹമ്മദ് സക്കീർ, കടയ്ക്കൽ ജുനൈദ് എന്നിവർ സംസാരിച്ചു. പാങ്ങോട് ഖമറുദീൻ മൗലവി, സിറാജുദ്ദീൻ പറമ്പത്ത് എന്നിവർ ക്ലാസ് നയിച്ചു. ഫലസ്തീൻ ഐക്യദാർഢ്യ സദസ്സും നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.