കൊല്ലം സിവില്‍ സ്‌റ്റേഷനിൽ മാലിന്യ​ മോചനത്തിന്​ വഴി തെളിയുന്നു

കൊ​ല്ലം: ഒ​ടു​വി​ൽ കൊ​ല്ലം സി​വി​ൽ സ്​​റ്റേ​ഷ​നി​ൽ​ മാ​ലി​ന്യ​ മോ​ച​ന​ത്തി​ന്​ വ​ഴി​തെ​ളി​യു​ന്നു. ഇ​ട​ക്കി​ടെ​ ശു​ചീ​ക​ര​ണ പ്ര​ഖ്യാ​പ​ന​ങ്ങ​ളും പ്ര​വ​ർ​ത്ത​ന​ങ്ങ​ളും ന​ട​ക്കു​മ്പോ​ഴും മാ​ലി​ന്യ​മു​ക്ത​മാ​കാ​ത്ത സി​വി​ൽ സ്​​റ്റേ​ഷ​നെ ഹ​രി​ത​നേ​ട്ട​ത്തി​ലേ​ക്ക്​ ന​യി​ക്കാ​നാ​ണ്​ പ​ദ്ധ​തി​യൊ​രു​ങ്ങു​ന്ന​ത്.

‘മാ​ലി​ന്യ​മു​ക്ത ന​വ​കേ​ര​ളം’ ജ​ന​കീ​യ ക്യാ​മ്പ​യി​നി​ൽ ഉ​ൾ​പ്പെ​ടു​ത്തി പ്ര​ത്യേ​കം ക​ർ​മ​പ​ദ്ധ​തി​യി​ലൂ​ടെ​യാ​ണ്​​ സി​വി​ൽ സ്​​റ്റേ​ഷ​നി​ലെ വി​വി​ധ ഓ​ഫി​സു​ക​ളെ ശു​ചി​ത്വ​വ​ഴി​യി​ലേ​ക്ക്​ ന​യി​ച്ച്​ ശു​ചി​ത്വ കോം​പ്ല​ക്‌​സ് നി​ല​വാ​ര​ത്തി​ലേ​ക്ക് ഉ​യ​ര്‍ത്തു​ന്ന​ത്. കോ​ട​തി ഉ​ള്‍പ്പെ​ടെ എ​ല്ലാ ഓ​ഫി​സു​ക​ളും ഹ​രി​ത ഓ​ഫി​സു​ക​ളാ​ക്കു​ക​യാ​ണ്​ ല​ക്ഷ്യം. 2025 ജ​നു​വ​രി 26നാ​കും ഹ​രി​ത ഓ​ഫി​സ്​ പ്ര​ഖ്യാ​പ​നം.

ശു​ചി​ത്വ മി​ഷ​ന്‍ ആ​ണ്​ വി​ശ​ദ​മാ​യ ക​ർ​മ​പ​ദ്ധ​തി അ​വ​ത​രി​പ്പി​ച്ച​ത്. പ​ദ്ധ​തി ച​ർ​ച്ച ചെ​യ്യാ​ൻ ക​ല​ക്ട​റേ​റ്റി​ൽ ഉ​ദ്യോ​ഗ​സ്ഥ യോ​ഗം ചേ​ർ​ന്നു.1200ല്‍ ​അ​ധി​കം സ​ര്‍ക്കാ​ര്‍ ജീ​വ​ന​ക്കാ​രും 1500ല്‍ ​അ​ധി​കം കോ​ട​തി ജീ​വ​ന​ക്കാ​രും 5000 ല​ധി​കം പൊ​തു​ജ​ന​ങ്ങ​ളും നി​ത്യേ​ന എ​ത്തു​ന്ന സി​വി​ല്‍ സ്റ്റേ​ഷ​ന്‍ കോം​പ്ല​ക്‌​സി​ലെ മാ​ലി​ന്യ​നി​ര്‍മാ​ര്‍ജ​നം ശാ​സ്ത്രീ​യ​മാ​യി നി​ര്‍വ​ഹി​ക്കാ​നു​ള്ള നി​ദേ​ശ​ങ്ങ​ളാ​ണ് ക​ർ​മ​പ​ദ്ധ​തി മു​ന്നോ​ട്ടു​വെ​ക്കു​ന്ന​ത്​.

ഓ​രോ ഓ​ഫി​സി​ലും ഉ​ണ്ടാ​കു​ന്ന ജൈ​വ, അ​ജൈ​വ മാ​ലി​ന്യ​ങ്ങ​ൾ ത​രം​തി​രി​ച്ച് ശേ​ഖ​രി​ക്കാ​ൻ വേ​സ്റ്റ് ബി​ന്നു​ക​ള്‍ സ്ഥാ​പി​ക്കു​ക, ഇ​വ ശേ​ഖ​രി​ക്കാ​നും ശാ​സ്ത്രീ​യ​മാ​യി സം​സ്‌​ക​രി​ക്കാ​നും മാ​ലി​ന്യ പ​രി​പാ​ല​ന തൊ​ഴി​ലാ​ളി​ക​ളെ നി​യ​മി​ക്കു​ക, ജൈ​വ​മാ​ലി​ന്യം തു​മ്പൂ​ര്‍മു​ഴി ക​മ്പോ​സ്റ്റ് യൂ​നി​റ്റി​ലേ​ക്കും അ​ജൈ​വ വ​സ്തു​ക്ക​ള്‍ എം.​സി.​എ​ഫി​ലേ​ക്കും മാ​റ്റു​ക, ഇ​വ​ര്‍ക്ക് പ്ര​തി​മാ​സ വേ​ത​നം ന​ൽ​കാ​ൻ എ​ല്ലാ ജീ​വ​ന​ക്കാ​രി​ൽ​നി​ന്നും അ​ഭി​ഭാ​ഷ​ക​രി​ല്‍നി​ന്നും പ്ര​തി​മാ​സം 50 രൂ​പ ശേ​ഖ​രി​ക്കു​ക എ​ന്നീ നി​ർ​ദേ​ശ​ങ്ങ​ളാ​ണ് മു​ന്നോ​ട്ടു​വെ​ച്ച​ത്.

ഓ​ഫി​സ് പൊ​ടി ര​ഹി​ത​മാ​യി​രി​ക്കു​ക, ഡി​സ്‌​പോ​സി​ബ്​​ള്‍ വ​സ്തു​ക്ക​ളു​ടെ ഉ​പ​യോ​ഗം ഒ​ഴി​വാ​ക്കു​ക, മാ​ലി​ന്യ​ത്തി​ന്റെ അ​ള​വ് പ​ര​മാ​വ​ധി കു​റ​ക്കു​ക, പ്ര​കൃ​തി സൗ​ഹൃ​ദ അ​ല​ങ്കാ​ര വ​സ്തു​ക്ക​ള്‍ കൊ​ണ്ട് ഓ​ഫി​സ് സൗ​ന്ദ​ര്യ​വ​ല്‍ക്ക​രി​ക്കു​ക, ഹ​രി​ത ഉ​പ​ഹാ​ര​ങ്ങ​ള്‍ ന​ല്‍കു​ക തു​ട​ങ്ങി​യ മാ​ര്‍ഗ​നി​ര്‍ദേ​ശ​ങ്ങ​ള്‍ പാ​ലി​ക്ക​ണ​മെ​ന്ന്​ നി​ർ​ദേ​ശ​മു​യ​ർ​ന്നു. പ​ദ്ധ​തി സം​ബ​ന്ധി​ച്ച്​ വി​ശ​ദ​മാ​യ ച​ര്‍ച്ച​ക്ക്​ ശേ​ഷ​മാ​കും അ​ന്തി​മ തീ​രു​മാ​നം. പ​ദ്ധ​തി യാ​ഥാ​ർ​ഥ്യ​മാ​യാ​ൽ വി​വി​ധ​യി​ട​ങ്ങ​ളി​ൽ മാ​ലി​ന്യ കൂ​മ്പാ​ര​ങ്ങ​ൾ പ്ര​ത്യ​ക്ഷ​പ്പെ​ടു​ന്ന സി​വി​ൽ സ്​​റ്റേ​ഷ​ന്​ ശു​ചി​ത്വ​പാ​ല​ന​ത്തി​ൽ പു​തു​മാ​തൃ​ക സൃ​ഷ്ടി​ക്കാ​നാ​കും.