വാഗമൺ റോഡിൽ കുഴികൾ; ഉറവയുള്ള പ്രദേശങ്ങളിൽ ടൈൽ പാകണമെന്ന്

ഈ​രാ​റ്റു​പേ​ട്ട: ഉ​ദ്ഘാ​ട​നം ക​ഴി​ഞ്ഞ് ഒ​രു മാ​സം പി​ന്നി​ട്ട​പ്പോ​ഴേ​ക്കും വാ​ഗ​മ​ൺ റോ​ഡ് ത​ക​ർ​ന്ന​തി​നെ​തി​രെ പ്ര​തി​ഷേ​ധം ശ​ക്ത​മാ​വു​ന്നു. വി​നോ​ദ​സ​ഞ്ചാ​ര കേ​ന്ദ്ര​മാ​യ വാ​ഗ​മ​ണി​ലേ​ക്കു​ള്ള റോ​ഡ് നി​ർ​മാ​ണം സം​ബ​ന്ധി​ച്ച പ്ര​ശ്ന​ങ്ങ​ൾ ഹൈ​കോ​ട​തി​വ​രെ എ​ത്തി​യി​രു​ന്നു. ആ​ദ്യ​ത്തെ ക​രാ​റു​കാ​ര​ൻ പാ​തി​വ​ഴി​യി​ൽ നി​ർ​ത്തി​യ​പ്പോ​ൾ ഊ​രാ​ളു​ങ്ക​ൽ ലേ​ബ​ർ സൊ​സൈ​റ്റി​യാ​ണ് ടെ​ൻ​ഡ​റെ​ടു​ത്ത് പൂ​ർ​ത്തി​യാ​ക്കി​യ​ത്. 20 കോ​ടി രൂ​പ മു​ട​ക്കി​യാ​ണ് ഊ​രാ​ളു​ങ്ക​ലി​നെ ക​രാ​ർ ഏ​ൽ​പി​ച്ച​ത്.

പൊ​തു​മ​രാ​മ​ത്ത് വ​കു​പ്പും ക​രാ​റു​കാ​രു​മെ​ല്ലാം വി​ശ​ദ​പ​ഠ​നം ന​ട​ത്തി​യാ​ണ് ടാ​റി​ങ്​ പൂ​ർ​ത്തി​യാ​ക്കി​യ​തെ​ന്ന് പ​റ​യു​ന്നു​ണ്ടെ​ങ്കി​ലും റോ​ഡ് ത​ക​ർ​ന്നു. പ​ല​യി​ട​ത്തും കു​ഴി​ക​ൾ രൂ​പ​പ്പെ​ട്ടു. വ​ർ​ഷ​കാ​ല​ത്ത് ശ​ക്ത​മാ​യ ഉ​റ​വ​യു​ള്ള പ്ര​ദേ​ശ​ങ്ങ​ളി​ൽ ടൈ​ൽ പാ​കാ​തെ​യാ​ണ് നി​ർ​മാ​ണം പൂ​ർ​ത്തി​യാ​ക്കി​യ​ത്. വേ​ല​ത്തു​ശ്ശേ​രി​യി​ൽ മൂ​ന്നി​ട​ങ്ങ​ളി​ൽ ഉ​റ​വ​യെ​ത്തു​ട​ർ​ന്ന് ടാ​റി​ങ്​ ത​ക​ർ​ന്നു. സ​മീ​പ​ത്തു​ത​ന്നെ വി​ള്ള​ലു​മു​ണ്ടാ​കു​ന്നു​മു​ണ്ട്. തു​ട​ർ​ച്ച​യാ​യി വാ​ഹ​ന​ങ്ങ​ൾ സ​ഞ്ച​രി​ക്കു​മ്പോ​ൾ ബാ​ക്കി​ഭാ​ഗം കൂ​ടി ത​ക​രും.

സം​ഭ​വം ശ്ര​ദ്ധ​യി​ൽ​പെ​ട്ട​തോ​ടെ പൊ​തു​മ​രാ​മ​ത്ത് വ​കു​പ്പ് അ​ധി​കൃ​ത​ർ സ്ഥ​ലം സ​ന്ദ​ർ​ശി​ച്ചു. ത​ക​രാ​ർ പ​രി​ഹ​രി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്കു​മെ​ന്ന്​ ഈ​രാ​റ്റു​പേ​ട്ട അ​സി. എ​ൻ​ജി​നീ​യ​ർ അ​റി​യി​ച്ചു.

ശാ​സ്ത്രീ​യ പ​ഠ​നം ഇ​ല്ലാ​തെ ടാ​റി​ങ്​ ന​ട​ത്തി​യ​താ​ണ് റോ​ഡ് ത​ക​രാ​ൻ കാ​ര​ണ​മാ​യ​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ഈ ​ഭാ​ഗ​ത്തെ ടാ​റി​ങ്​ മാ​റ്റി ടൈ​ൽ പാ​ക​ണ​മെ​ന്നും പ​ല​യി​ട​ങ്ങ​ളി​ലും ക​ലു​ങ്ക് നി​ർ​മാ​ണം പൂ​ർ​ണ​മ​ല്ലെ​ന്നും പൊ​തു​പ്ര​വ​ർ​ത്ത​ക​നാ​യ ഹ​രി മ​ണ്ണു​മ​ഠം പ​റ​ഞ്ഞു.