മേലുകാവ് കാഞ്ഞിരംകവല കൊച്ചോലിമാക്കൽ മേഴ്സിയുടെ വീട്ടിലേക്ക് ടോറസ് ലോറി ഇടിച്ചുകയറിയപ്പോൾ
ഈരാറ്റുപേട്ട: കരിങ്കല്ല് കയറ്റിവന്ന വന്ന ടോറസ് ലോറി നിയന്ത്രണംവിട്ട് വീട്ടിനുള്ളിലേക്ക് ഇടിച്ചുകയറി. മേലുകാവ് കാഞ്ഞിരംകവല കൊച്ചോലിമാക്കൽ മേഴ്സിയുടെ വീട്ടിലേക്കാണ് ലോറി കയറിയത്. അപകടത്തിൽ വീടിന് സാരമായ കേടുപാട് സംഭവിച്ചു.
അപകടസമയത്ത് മേഴ്സിയും മകൻ ജിജോയും ബന്ധുവീട്ടിലായിരുന്നു. ബുധനാഴ്ച വൈകീട്ട് ആേറാടെയാണ് അപകടം. ലോറി ഓടിച്ചിരുന്ന ആലപ്പുഴ സ്വദേശി അനൂപ് നിസാര പരിക്കുകളോടെ രക്ഷപ്പെട്ടു. മണ്ണഞ്ചേരി സ്വദേശിയുടെ ലോറിയാണ് അപകടത്തിൽപെട്ടത്.
നെല്ലാപ്പാറയിലെ കരിങ്കൽ ക്വാറിയിൽനിന്നുള്ള ടോറസ് ലോറിയാണ് അപകടമുണ്ടാക്കിയത്. അപകടസമയത്ത് വീട്ടുമുറ്റത്ത് നിർത്തിയിട്ടിരുന്ന രണ്ട് കാറുകൾക്കും രണ്ട് ഇരുചക്ര വാഹനങ്ങൾക്കും കേടുപാട് സംഭവിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.