എകരൂല്‍: പെട്രോള്‍പമ്പ് ജീവനക്കാരിയായ യുവതിയെ യുവാവ് കുത്തിപ്പരിക്കേൽപിച്ചു. എസ്റ്റേറ്റ്മുക്കിലെ പമ്പില്‍ ജോലിചെയ്യുന്ന ഫിദക്കാണ് (26) കഴുത്തില്‍ കുത്തേറ്റത്.
തിങ്കളാഴ്ച വൈകീട്ട് നാലരയോടെ ബൈക്കില്‍ പെട്രോള്‍പമ്പിലെത്തിയ കുന്നുമ്മല്‍ പ്രസാദ് (33) എന്നയാള്‍ ഫിദയുമായി വാക്കേറ്റമുണ്ടാവുകയും കൈയില്‍ കരുതിയ കത്തി ഉപയോഗിച്ച് കഴുത്തില്‍ കുത്തി മുറിവേൽപിക്കുകയുമായിരുന്നു.
മുറിവേറ്റ യുവതി തൊട്ടടുത്ത കടയിലേക്ക് ഓടുകയും നാട്ടുകാര്‍ പൂനൂരിലെ സ്വകാര്യ ആശുപത്രിയില്‍ എത്തിച്ച് പ്രാഥമിക ശുശ്രൂഷ നല്‍കുകയും ചെയ്തു. പിന്നീട് ബന്ധുക്കളെത്തി കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പ്രസാദിനെ നാട്ടുകാര്‍ പിടികൂടി ബാലുശ്ശേരി പൊലീസിന് കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.