രാത്രിയിൽ ബസ് സർവിസില്ല; യാത്രാദുരിതം പേറി ജനങ്ങൾ

ഫ​റോ​ക്ക്: രാ​ത്രി എ​ട്ടു​മ​ണി ക​ഴി​ഞ്ഞാ​ൽ രാ​മ​നാ​ട്ടു​ക​ര​യി​ലേ​ക്കും കൊ​ണ്ടോ​ട്ടി​യി​ലേ​ക്കും ഫ​റോ​ക്കി​ൽ നി​ന്ന് എ​ത്ത​ണ​മെ​ങ്കി​ൽ സാ​ധാ​ര​ണ​ക്കാ​ർ ഏ​റെ ബു​ദ്ധി​മു​ട്ടു​ന്നു. പ​ക​ൽ മു​ഴു​വ​ൻ വ​ൻ​തി​ര​ക്കു​ള്ള ഫ​റോ​ക്ക് ബ​സ് സ്റ്റാ​ൻ​ഡി​ൽ രാ​ത്രി എ​ട്ടി​നു​ശേ​ഷം രാ​മ​നാ​ട്ടു​ക​ര​യി​ലേ​ക്കും കൊ​ണ്ടോ​ട്ടി​യി​ലേ​ക്കു​മു​ള്ള ബ​സ് സ​ർ​വി​സ് ഇ​ല്ലാ​ത്ത​താ​ണ് ജ​ന​ങ്ങ​ളെ ബു​ദ്ധി​മു​ട്ടി​ലാ​ക്കു​ന്ന​ത്.

ടൗ​ണി​ലെ ആ​വ​ശ്യ​ങ്ങ​ളെ​ല്ലാം കഴിഞ്ഞ് അ​വ​സാ​ന ബ​സ് ക​യ​റാ​നാ​യി​ല്ലെ​ങ്കി​ൽ മ​റ്റു ഗ​താ​ഗ​ത മാ​ർ​ഗ​ങ്ങ​ൾ അ​ന്വേ​ഷി​ക്ക​ണം. രാ​വി​ലെ ആ​റ​ര മു​ത​ൽ രാ​ത്രി എ​ട്ടു​വ​രെ അ​ഞ്ച് മി​നി​റ്റ് ഇ​ട​വേ​ള​ക​ളി​ൽ ത​ന്നെ ബ​സ് ഓ​ടു​ന്നു​ണ്ട്. ഇ​ഷ്ടാ​നു​സ​ര​ണം ട്രി​പ്പു​ക​ൾ റ​ദ്ദാ​ക്കാ​മെ​ന്ന പു​തി​യ നി​യ​മം വ​ന്ന​തോ​ടെ​യാ​ണ് ബ​സ് സ്റ്റാ​ൻ​ഡു​ക​ളി​ൽ രാ​ത്രി സ​ർ​വി​സ് കു​റ​ഞ്ഞ​ത്. രാ​ത്രി 7.50ന് ​പു​ളി​ക്ക​ൽ ഭാ​ഗ​ത്തേ​ക്കു​ള്ള ബ​സ് ക​ഴി​ഞ്ഞാ​ൽ സ്റ്റാ​ൻ​ഡി​ൽ​നി​ന്ന് ബ​സ് സ​ർ​വി​സി​ല്ല.

പി​ന്നീ​ട് ഫ​റോ​ക്ക് സ്റ്റാ​ൻ​ഡി​ലെ​ത്തു​ന്ന കൊ​ണ്ടോ​ട്ടി യാ​ത്ര​ക്കാ​ർ​ക്ക് പേ​ട്ട​വ​രെ ഓ​ട്ടോ​യി​ൽ പോ​യി ബ​സ് ക​യ​റ​ണ​ണം. മു​മ്പ് രാ​ത്രി​യി​ൽ ഒ​മ്പ​തി​ന് ശേ​ഷ​വും രാ​മ​നാ​ട്ടു​ക​ര ഭാ​ഗ​ത്തേ​ക്ക് സ​ർ​വി​സ് ഉ​ണ്ടാ​യി​രു​ന്നു. ഇ​പ്പോ​ൾ യാ​ത്ര​ക്കാ​ർ കു​റ​ഞ്ഞ​താ​ണ് രാ​ത്രി​യി​ൽ ബ​സു​ക​ൾ സ​ർ​വി​സ് നി​ർ​ത്താ​ൻ പ്ര​ധാ​ന കാ​ര​ണ​മെ​ന്ന് ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ൻ പ്ര​സി​ഡ​ന്റ് അ​ബ്ദു​ല്ല ജോ. ​സെ​ക്ര​ട്ട​റി ഇ​ബ്രാ​ഹിം എ​ന്നി​വ​ർ പ​റ​ഞ്ഞു. എ​ട്ടു മ​ണി​ക്ക് ശേ​ഷ​മു​ള്ള സ​ർ​വി​സ് പു​ന​രാ​രം​ഭി​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആവ​ശ്യം.