വാട്ടർ ഫെസ്റ്റ്; ബേപ്പൂരിന് ലഭിച്ചത് ടൂറിസം ചാകര

ഫ​റോ​ക്ക്: ടൂ​റി​സം രം​ഗ​ത്ത് അ​ന​ന്ത​സാ​ധ്യ​ത​ക​ളു​മാ​യി അ​ന്താ​രാ​ഷ്ട്ര വാ​ട്ട​ർ ഫെ​സ്റ്റ് പു​തു​ച​രി​ത്രം കു​റി​ച്ചു. ആ​കാ​ശ​ത്തും ക​ട​ലി​ലും ക​ര​യി​ലു​മാ​യി അ​ഞ്ച് നാ​ൾ നീ​ണ്ട പ​രി​പാ​ടി വ​ൻ ജ​ന​പ​ങ്കാ​ളി​ത്തം നി​റ​ഞ്ഞ​താ​യി​രു​ന്നു. സം​സ്ഥാ​ന വി​നോ​ദ സ​ഞ്ചാ​ര വ​കു​പ്പി​ന് കീ​ഴി​ൽ ന​ട​ന്ന ബേ​പ്പൂ​ർ വാ​ട്ട​ർ ഫെ​സ്റ്റ്, വ്യോ​മ, നാ​വി​ക - ക​ര സേ​നാം​ഗ​ങ്ങ​ളു​ടെ അ​ഭ്യാ​സ പ്ര​ക​ട​ന​ങ്ങ​ൾ, സേ​ന​യു​ടെ യു​ദ്ധ​ക്ക​പ്പ​ൽ പ്ര​ദ​ർ​ശ​നം, അ​ന്താ​രാ​ഷ്ട്ര പ​ട്ടം പ​റ​ത്ത​ൽ, സം​ഗീ​ത വി​രു​ന്ന് എ​ന്നി​വ കാ​ണി​ക​ൾ​ക്ക് വി​സ്മ​യ​വും ആ​വേ​ശ​വും ആ​സ്വാ​ദ​ന​വും പ​ക​ർ​ന്നു.

ബേ​പ്പൂ​രി​ന് പു​റ​മെ ചാ​ലി​യ​ത്തും, കോ​ഴി​ക്കോ​ട് ക​ട​പ്പു​റ​ത്തും വാ​ട്ട​ർ ഫെ​സ്റ്റി​ന്റെ ഭാ​ഗ​മാ​യി സൈ​ക്കി​ൾ സ​വാ​രി, വ​നി​ത​ക​ളു​ടെ രാ​ത്രി ന​ട​ത്തം, ഡാ​ൻ​ഡ് ആ​ർ​ട്ട് ശി​ൽ​പം, കാ​ർ​ണി​വെ​ൽ എ​ന്നി​വ​യും സം​ഘ​ടി​പ്പി​ച്ചി​രു​ന്നു. ബേ​പ്പൂ​ർ മ​റീ​ന ബീ​ച്ചി​ൽ ഭി​ന്ന​ശേ​ഷി​ക്കാ​ർ​ക്കാ​യി ന​ട​ത്തി​യ ക്രി​സ്മ​സ് ആ​ഘോ​ഷം ക​രു​ണ​യു​ടെ സം​ഗ​മ​മാ​യി.

സാം​സ്കാ​രി​ക ഘോ​ഷ​യാ​ത്ര, ഫു​ഡ് ആ​ൻ​ഡ് ഫ്ലീ ​മാ​ർ​ക്ക​റ്റ്, പാ​രാ​മോ​ട്ടോ​ർ ഗ്ലൈ​ഡ​ർ, ഫോ​ട്ടോ പ്ര​ദ​ർ​ശ​നം, ഫു​ഡ് ഫെ​സ്റ്റ്, കൈ​റ്റ് ഫെ​സ്റ്റി​വെ​ൽ, ജ​ല​സാ​ഹ​സി​ക കാ​ഴ്ച ഒ​രു​ക്കി സ​ർ​ഫി​ങ് ഡെ​മോ, സീ​റാ​ഫ്റ്റി​ങ്, ബാം​ബു​റാ​ഫ്റ്റി​ങ്, വ​ല​വീ​ശ​ൽ മ​ത്സ​രം, കാ​ണി​ക​ൾ​ക്കാ​യി ചൂ​ണ്ട​യി​ൽ മ​ത്സ​രം, ചാ​ലി​യം പു​ളി​മു​ട്ട് തീ​ര​ത്ത് കാ​ർ​ണി​വ​ൽ തു​ട​ങ്ങി​യ​വ​യും വാ​ട്ട​ർ ഫെ​സ്റ്റി​ന്റെ ആ​ക​ർ​ഷ​ണ​മാ​യി​രു​ന്നു.

ജ​ല കാ​യി​ക​മേ​ള ആ​ശ്ച​ര്യ​വും കൗ​തു​ക കാ​ഴ്ച​യു​മൊ​രു​ക്കി. ടൂ​റി​സം മ​ന്ത്രി പി.​എ. മു​ഹ​മ്മ​ദ് റി​യാ​സി​ന്റെ മു​ഴു​സ​മ​യ സാ​ന്നി​ധ്യ​വും സം​ഘാ​ട​ക സ​മി​തി​യു​ടെ പ്ര​വ​ർ​ത്ത​ന​വു​മാ​ണ് ഫെ​സ്റ്റി​ന്റെ വി​ജ​യ​ത്തി​നു കാ​ര​ണം.

ബേപ്പൂരിന്റെ മാമാങ്കമായി ജലഘോഷയാത്ര

ബേ​പ്പൂ​ർ: ജ​ല​മേ​ള​യു​ടെ സ​മാ​പ​ന​ത്തോ​ട​നു​ബ​ന്ധി​ച്ച് ന​ട​ത്തി​യ ദീ​പാ​ലം​കൃ​ത ജ​ല​ഘോ​ഷ​യാ​ത്ര ബേ​പ്പൂ​രി​ന്റെ മാ​മാ​ങ്ക​മാ​യി മാ​റി. വി​വി​ധ​ങ്ങ​ളാ​യ ക​ലാ​രൂ​പ​ങ്ങ​ളാ​ണ് ഘോ​ഷ​യാ​ത്ര​യി​ൽ ഒ​രു​ക്കി​യ​ത്. മ​യൂ​ര​നൃ​ത്തം, ക​ഥ​ക​ളി, ഭ​ര​ത​നാ​ട്യം, മ​യി​ലാ​ട്ടം, പു​ലി​ക​ളി, ക​ള​രി, ഒ​പ്പ​ന, തെ​യ്യം, മാ​ർ​ഗം​ക​ളി തു​ട​ങ്ങി ഉ​ത്സ​വ​വേ​ള​ക​ളി​ൽ മാ​ത്രം കാ​ണാ​റു​ള്ള ക​ലാ​രൂ​പ​ങ്ങ​ൾ പ്ര​ക​ട​മാ​യി.

ചാ​ലി​യ​ത്തു​നി​ന്നു ആ​രം​ഭി​ച്ച് ബേ​പ്പൂ​രി​ലെ​ത്തു​മ്പോ​ൾ ബേ​പ്പൂ​ർ ഇ​തു​വ​രെ കാ​ണാ​ത്ത ദൃ​ശ്യ​വി​സ്മ​യ​മാ​ണ് കാ​ഴ്ച​ക്കാ​ർ​ക്ക് സ​മ്മാ​നി​ച്ച​ത്. തീ​ര​സം​ര​ക്ഷ​ണ സേ​ന​യു​ടെ ബോ​ട്ടു​ക​ൾ മു​ത​ൽ ത​ദ്ദേ​ശീ​യ മീ​ൻ​പി​ടി​ത്ത ബോ​ട്ടു​ക​ളും ജ​ല​ഘോ​ഷ​യാ​ത്ര​യി​ൽ പ​ങ്കാ​ളി​ക​ളാ​യി.

ആരോഗ്യവിഭാഗത്തിനും അംഗീകാരം

ബേ​പ്പൂ​ർ: ജ​ല​മേ​ള​യു​ടെ വി​ജ​യ​ത്തി​ൽ ആ​രോ​ഗ്യ​വി​ഭാ​ഗ​ത്തി​നും അം​ഗീ​കാ​രം. അ​ഞ്ചു ദി​വ​സ​ങ്ങ​ളി​ൽ ല​ക്ഷ​ങ്ങ​ളെ​ത്തി​യ ബേ​പ്പൂ​രി​ലും മ​റു​ക​ര​യാ​യ ചാ​ലി​യ​ത്തും ചി​കി​ത്സാ സം​വി​ധാ​ന​ങ്ങ​ളും സ​ജ്ജീ​ക​ര​ണ​ങ്ങ​ളും ഒ​രു​ക്കി​യാ​ണ് ആ​രോ​ഗ്യ​വി​ഭാ​ഗം ശ്ര​ദ്ധ​നേ​ടി​യ​ത്.

ചെ​റു​വ​ണ്ണൂ​ർ സാ​മൂ​ഹി​കാ​രോ​ഗ്യ കേ​ന്ദ്രം, ബേ​പ്പൂ​ർ എ​ഫ്.​എ​ച്ച്.​സി, കെ.​എം.​സി.​ടി മെ​ഡി​ക്ക​ൽ കോ​ള​ജ്, മെ​യ്ത്ര, മെ​ട്രോ​മ്ഡ് എ​ന്നീ ആ​ശു​പ​ത്രി​ക​ളി​ലെ വി​ദ​ഗ്ധ​ര​ട​ങ്ങു​ന്ന ഡോ​ക്ട​ർ​മാ​രും ന​ഴ്സ് അ​നു​ബ​ന്ധ ജീ​വ​ന​ക്കാ​രും മൂ​ന്ന് ആം​ബു​ല​ൻ​സും രാ​ത്രി വൈ​കും​വ​രെ സേ​വ​ന​ത്തി​നു​ണ്ടാ​യി. കോ​വി​ഡ് രൂ​ക്ഷ​ത​യി​ൽ ബേ​പ്പൂ​ർ മ​ണ്ഡ​ല​ത്തി​ൽ ദേ​ശീ​യ​ശ്ര​ദ്ധ നേ​ടി​യ ‘അ​പ്പോ​ത്തി​ക്കി​രി’ എ​ന്ന പ​ദ്ധ​തി ന​ട​പ്പി​ലാ​ക്കു​ന്ന​തി​ന് നേ​തൃ​ത്വം ന​ൽ​കി​യ ഡോ. ​അ​നീ​ഷ് അ​റ​ക്ക​ൽ ചെ​യ​ർ​മാ​നാ​യ ക​മ്മി​റ്റി​യാ​ണ് ആ​രോ​ഗ്യ​വി​ഭാ​ഗം നി​യ​ന്ത്രി​ച്ച​ത്.

ഡോ​ക്ട​ർ​മാ​രാ​യ ഹൈ​ഫ മൊ​യ്തീ​ൻ, ദീ​പ, സൂ​ര്യ​ദേ​വ്, നി​മി​ഷ രാ​ജേ​ന്ദ്ര​ൻ, ഹെ​ൽ​ത്ത് ഇ​ൻ​സ്പെ​ക്ട​ർ സ​ലീ​ഷ്, ഡ​ബി​ൻ​ദാ​സ്, പ്ര​വീ​ൺ, സ​ലീം പാ​ഴൂ​ർ എ​ന്നി​വ​രും സേ​വ​ന​സ​ന്ന​ദ്ധ​രാ​യി.

സമാപനദിവസം ജനലക്ഷങ്ങൾ

ബേ​പ്പൂ​ർ: അ​ന്താ​രാ​ഷ്ട്ര ജ​ല​മേ​ള​യു​ടെ അ​ഞ്ചാം ദി​വ​സ​മാ​യ ബു​ധ​നാ​ഴ്ച ബേ​പ്പൂ​രി​ലേ​ക്ക് ഒ​ഴു​കി​യെ​ത്തി​യ​ത് ജ​ന​ല​ക്ഷ​ങ്ങ​ൾ. ഉ​ച്ച​മു​ത​ലേ നാ​ടി​ന്റെ നാ​നാ​ഭാ​ഗ​ത്തു​നി​ന്നും സ്ത്രീ​ക​ളും കു​ട്ടി​ക​ളു​മ​ട​ക്കം പു​ലി​മു​ട്ട് വി​നോ​ദ​സ​ഞ്ചാ​ര കേ​ന്ദ്രം ല​ക്ഷ്യ​മാ​ക്കി ഒ​ഴു​കി​യെ​ത്തി​യ​ത് മ​ണി​ക്കൂ​റു​ക​ളോ​ളം ഗ​താ​ഗ​ത കു​രു​ക്കി​ന് ഇ​ട​യാ​ക്കി. തി​ര​ക്കി​നി​ട​യി​ൽ പ​രി​ക്കു​പ​റ്റി​യ​വ​രെ​യും മോ​ഹാ​ല​സ്യ​പ്പെ​ട്ടു വീ​ണ​വ​രെ​യും ആ​ശു​പ​ത്രി​യി​ലെ​ത്തി​ക്കാ​ൻ ആം​ബു​ല​ൻ​സി​ന് ക​ട​ന്നു വ​രാ​ൻ സാ​ധി​ക്കാ​ത്ത​തി​നാ​ൽ ചു​മ​ന്നു​കൊ​ണ്ടാ​ണ് വാ​ഹ​ന​ങ്ങ​ളി​ലേ​ക്ക് എ​ത്തി​ച്ച​ത്. ബേ​പ്പൂ​ർ മ​റീ​ന ക​ട​ൽ​തീ​രം മു​ത​ൽ പ്ര​ദേ​ശ​ത്തെ എ​ല്ലാ റോ​ഡു​ക​ളും നി​റ​ഞ്ഞു​ക​വി​ഞ്ഞു.

 സമാപന ചടങ്ങുകൾ ഒഴിവാക്കി

ബേ​പ്പൂ​ർ: ബേ​പ്പൂ​ർ അ​ന്താ​രാ​ഷ്ട്ര ജ​ല​മേ​ള​യു​ടെ സ​മാ​പ​ന ച​ട​ങ്ങു​ക​ൾ ഒ​ഴി​വാ​ക്കി. സ​മാ​പ​ന പ​രി​പാ​ടി വീ​ക്ഷി​ക്കാ​ൻ ജ​ന​ല​ക്ഷ​ങ്ങ​ൾ ഒ​ഴു​കി​യെ​ത്തി​യ​തു കാ​ര​ണം, ബേ​പ്പൂ​രും പ​രി​സ​ര​വും സ്തം​ഭ​നാ​വ​സ്ഥ​യി​ലാ​വു​ക​യും വാ​ഹ​ന​ഗ​താ​ഗ​തം ത​ട​സ്സ​പ്പെ​ടു​ക​യും ചെ​യ്ത​തോ​ടെ​യാ​ണ് സ​മാ​പ​ന ച​ട​ങ്ങു​ക​ൾ വേ​ണ്ടെ​ന്നു​വെ​ച്ച​ത്.