തലയും വലുതാകുന്നു; ശസ്ത്രക്രിയക്ക് പണമില്ലാതെ ഫുഹാദ്​

കക്കോടി: ബ്രെയിൻ ട്യൂമർകൊണ്ട് വേദനയിൽ പുളയുന്ന യുവാവ് ശസ്ത്രക്രിയക്ക് സഹായം തേടുന്നു. കക്കോടി കോളശ്ശേരി ബഷീറി​െൻറ മകൻ ഫുഹാദി​െൻറ അടിയന്തര ശസ്ത്രക്രിയക്കാണ് ബന്ധുക്കളും സുഹൃത്തുക്കളും രണ്ടു ലക്ഷം രൂപ സഹായം തേടുന്നത്. രണ്ട് വർഷം മുമ്പായിരുന്നു അസുഖത്തി​െൻറ ലക്ഷണങ്ങൾ കണ്ടത്. ജീവൻ നിലനിർത്താൻ ലക്ഷങ്ങൾ മുടക്കി ശസ്ത്രക്രിയ ചെയ്ത കുടുംബത്തിന് അടിയന്തര ശസ്ത്രക്രിയക്കുള്ള െചലവ് വഹിക്കാൻ കഴിയാത്ത അവസ്ഥയിലാണ്​.

രോഗത്തി​െൻറ മൂന്നാം ഘട്ടത്തിലൂടെ കടന്നുപോകുന്ന ഫുഹാദിന് വേദനമൂലം കിടക്കാനോ ഇരിക്കാനോ കഴിയാത്ത അവസ്ഥയിലാണ്. ഓരോ ദിവസം കഴിയുമ്പോഴും തല വണ്ണം വെക്കുകയാണ്. ശസ്ത്രക്രിയ ഉടൻ ചെയ്യാനാണ് ഡോക്ടർമാർ നിർദേശിച്ചത്. ഹോട്ടൽ തൊഴിലാളിയായ പിതാവിന് കോവിഡ്​ കാരണം ഉള്ള ജോലിയും നഷ്​ടപ്പെട്ട അവസ്ഥയിലാണ്. ഒരാഴ്ചത്തെ മരുന്നി​െൻറ ചെലവ് 1600 രൂപയാണ്.

സെപ്റ്റംബർ 21നാണ് ശസ്ത്രക്രിയ തീരുമാനിച്ചിരിക്കുന്നത്. ഉദാരമതികൾ സഹായിക്കുമെന്ന് കരുതി ശസ്ത്രക്രിയക്കൊരുങ്ങുകയാണ് കുടുംബം. A/C NO: 0839101047211. IFSC CODE: CNRB0000839. MICR CODE: 673015007. CANARA BANK VELLIMADUKUNNU CALICUT.