ലൈഫ് ഭവന പദ്ധതി മുഖേന കൊടിയത്തൂരിൽ നിർമിച്ച വീടിന്റെ താക്കോൽ ദാനം പഞ്ചായത്ത് പ്രസിഡന്റ് ദിവ്യഷിബു നിർവഹിക്കുന്നു
കൊടിയത്തൂർ: ലൈഫ് മിഷൻ ഭവനപദ്ധതി മുഖേന ഗ്രാമപഞ്ചായത്തിൽ പൂർത്തികരിച്ച വീടുകളുടെ വീടുകളുടെ താക്കോൽദാനം തൊട്ടുമുക്കത്ത് പഞ്ചായത്ത് പ്രസിഡന്റ് ദിവ്യ ഷിബു നിർവഹിച്ചു. പള്ളിത്താഴം സ്വദേശി മേരി തോണിക്കുഴിയിലിന് താക്കോൽ കൈമാറിയാണ് ഉദ്ഘാടനം നിർവഹിച്ചത്.
ലൈഫ് മിഷൻ ഭവന പദ്ധതി, ലൈഫ് പി.എം.വൈ.കെ പദ്ധതികൾ പ്രകാരം 110 വീടുകളാണ് പഞ്ചായത്തിൽ അനുവദിച്ചത്. പദ്ധതിയിൽ അർഹതയുള്ള എല്ലാവർക്കും വീട് ലഭിച്ചതോടെ കുന്ദമംഗലം ബ്ലോക്കിൽ ഏറ്റവും കൂടുതൽ വീടുകൾ ലഭിച്ചതും കൊടിയത്തൂർ ഗ്രാമപഞ്ചായത്തിലാണ്. സംസ്ഥാന വിഹിതവും ജില്ല, ബ്ലോക്ക് വിഹിതവും, ഗ്രാമപഞ്ചായത്ത് രണ്ട് കോടി രൂപ ലോണെടുത്തുമാണ് പദ്ധതി വേഗത്തിൽ പൂർത്തിയാക്കുന്നത്.
പദ്ധതി മുഖേന വീട് ലഭിച്ച എല്ലാ കുടുംബങ്ങൾക്കും ഒന്നാംഘട്ട സഹായധനം നൽകിയിട്ടുണ്ട്. വൈസ് പ്രസിഡന്റ് ഫസൽ കൊടിയത്തൂർ അധ്യക്ഷത വഹിച്ചു. ചെയർമാൻമാരായ ബാബു പോലുകുന്നത്ത്, ആയിഷ ചേലപ്പുറത്ത്, ബ്ലോക്ക് അംഗം അഡ്വ. സുഫിയാൻ ചെറുവാടി, മെംബർമാരായ ഷിഹാബ് മാട്ടുമുറി, കരീം പഴങ്കൽ, മജീദ് രിഹ്ല, ഷംലൂലത്ത്, രാഷ്ട്രീയ പ്രതിനിധികൾ എന്നിവർ ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.