കുറ്റിക്കാട്ടൂർ: പ്രദേശത്ത് ആറുപേർക്ക് തെരുവുനായുടെ കടിയേറ്റു. കുറ്റിക്കാട്ടൂർ ഹയർ സെക്കൻഡറി സ്കൂളിനടുത്താണ് സംഭവം. വ്യാഴാഴ്ച രാവിലെ മുതൽ നായ് ഓടിനടന്ന് കടിക്കുകയായിരുന്നുവെന്ന് നാട്ടുകാർ പറഞ്ഞു. പലരെയും കടിക്കാനായി ഓടിക്കുകയും ചെയ്തു.
കടിയേറ്റ മേലടിക്കൽ ക്വാർട്ടേഴ്സിലെ വിലാസിനി, അഭിരൂപ് (15), ദൈവത്തുംകണ്ടി ധർമരാജൻ (72), തടപറമ്പിൽ യശോദ (63), തടപറമ്പിൽ ശ്യാം എന്നിവരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സ്കൂൾ പരിസരത്ത് ഏറെക്കാലമായി തെരുവുനായ് ശല്യം രൂക്ഷമാണ്. വിദ്യാർഥികളെ കടിച്ച സംഭവം നേരത്തേ ഉണ്ടായിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.