ഉദ്​ഘാടനം കാത്ത് കു​റ്റ്യാ​ടി താലൂക്ക് ആശുപത്രി സ്ത്രീകളുടെയും കുട്ടികളുടെയും ബ്ലോക്ക്

കു​റ്റ്യാ​ടി: ഗ​വ. താ​ലൂ​ക്ക്​ ആ​ശു​പ​ത്രി​യോ​ട​നു​ബ​ന്ധി​ച്ച്​ പ​ണി​ത സ്​​ത്രീ​ക​ളു​ടെ​യും കു​ട്ടി​ക​ളു​ടെ​യും ബ്ലോ​ക്ക്​ ഉ​ദ്​​ഘാ​ട​നം നീളുന്നു. ഒ​രു കോ​ടി രൂ​പ വ​ക​യി​രു​ത്തി ക​ഴി​ഞ്ഞ ബ്ലോ​ക്ക്​ പ​ഞ്ചാ​യ​ത്ത്​ ഭ​ര​ണ​സ​മി​തി​യു​ടെ കാ​ല​ത്ത്​ നി​ർ​മാ​ണം തു​ട​ങ്ങി​യ​താ​ണ്. നി​ർ​മാ​ണ​ത്തി​ലെ മെ​ല്ലെ​പ്പോ​ക്ക് വി​മ​ർ​ശ​ന​ത്തി​ന്​ ഇ​ട​യാ​ക്കി​യി​രു​ന്നു. അ​ടു​ത്ത കാ​ല​ത്താ​ണ് നി​ർ​മാ​ണം പൂ​ർ​ത്തി​യാ​യ​ത്.

ഇ​പ്പോ​ൾ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ന്ന കു​ട്ടി​ക​ളെ സ്ത്രീ ​വാ​ർ​ഡി​ന്​ സ​മീ​പം​ ചെ​റി​യ സ്ഥ​ല​ത്താ​ണ്​ കി​ട​ത്തു​ന്ന​ത്.

പു​തി​യ കെ​ട്ടി​ടം തു​റ​ന്നാ​ൽ ഇ​വ​ർ​ക്ക്​ വി​പു​ല​മാ​യ സൗ​ക​ര്യ​മു​ള്ള വാ​ർ​ഡ്​ ല​ഭി​ക്കു​മെ​ന്ന്​ ബ​ന്ധ​പ്പെ​ട്ട​വ​ർ പ​റ​ഞ്ഞു. സ്​​ത്രീ​ക​ൾ​ക്കും കൂ​ടു​ത​ൽ സൗ​ക​ര്യം ല​ഭി​ക്കും.

അ​തേ​സ​മ​യം, പെ​യി​ന്റി​ങ്​ ന​ട​ക്കാ​ത്ത​താ​ണ്​ കെ​ട്ടി​ടം തു​റ​ക്കു​ന്ന​തി​ന്​ ത​ട​സ്സ​മെ​ന്ന്​ കു​ന്നു​മ്മ​ൽ ബ്ലോ​ക്ക്​ പ​ഞ്ചാ​യ​ത്ത്​ പ്ര​സി​ഡ​ന്റ്​ കെ.​പി. ച​ന്ദ്രി പ​റ​ഞ്ഞു. ആ​രോ​ഗ്യ വ​കു​പ്പി​ൽ​നി​ന്ന്​ അ​ടു​ത്തി​ടെ​യാ​ണ്​ ക​ള​ർ കോ​ഡ്​ കി​ട്ടി​യ​ത്.

അ​ത്​ ക​രാ​റു​കാ​ര​നെ ഏ​ൽ​പി​ച്ചി​ട്ടു​ണ്ട്. മേ​യി​ൽ കെ​ട്ടി​ടം ഉ​ദ്​​ഘാ​ട​നം ചെ​യ്യാ​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. കു​ന്നു​മ്മ​ൽ സാ​മൂ​ഹി​കാ​രോ​ഗ്യ കേ​ന്ദ്രം, കു​റ്റ്യാ​ടി ഡ​യാ​ലി​സി​സ് ​സെ​ന്റ​ർ, കു​ന്നു​മ്മ​ൽ ബ്ലോ​ക്ക്​ ഓ​ഫി​സ്​ കെ​ട്ടി​ടം എ​ന്നി​വ​യും ഉ​ദ്​​ഘാ​ട​ന​ത്തി​ന്​ ത​യാ​റാ​വു​ന്നു​ണ്ടെ​ന്നും അ​വ​ർ പ​റ​ഞ്ഞു.