മണ്ണില്ലാ ചേനകൃഷിയിൽ നൂറുമേനി വിളവ്

മാ​വൂ​ർ: പ​രീ​ക്ഷ​ണാ​ടി​സ്ഥാ​ന​ത്തി​ൽ ന​ട്ട മ​ണ്ണി​ല്ലാ ജൈ​വ​ചേ​ന കൃ​ഷി​ക്ക് നൂ​റു​മേ​നി വി​ള​വ്. ചെ​റൂ​കു​ള​ത്തൂ​രി​ലെ പാ​ര​മ്പ​ര്യ ക​ർ​ഷ​ക​നും കെ.​എ​സ്.​ഒ​യി​ൽ​നി​ന്ന് വി​ര​മി​ച്ച ജീ​വ​ന​ക്കാ​ര​നു​മാ​യ മു​ള്ളാ​റു​വീ​ട്ടി​ൽ ച​ന്ദ്ര​െൻറ വീ​ട്ടു​മു​റ്റ​ത്ത് ചെ​യ്ത കൃ​ഷി​യി​ലാ​ണ് വി​ള​വ്. പെ​രു​വ​യ​ൽ​കൃ​ഷി ഓ​ഫി​സ​ർ ദി​വ്യ വി​ള​വെ​ടു​പ്പ് ഉ​ദ്ഘാ​ട​നം ചെ​യ്തു. അ​ഞ്ചു ചാ​ക്കി​ലാ​യി ചെ​യ്ത കൃ​ഷി​യി​ൽ​നി​ന്ന് 43.5 കി​ലോ ചേ​ന വി​ള​വ് കി​ട്ടി. സാ​ധാ​ര​ണ മ​ണ്ണി​ൽ കൃ​ഷി ചെ​യ്താ​ൽ അ​ഞ്ചോ ആ​റോ കി​ലോ തൂ​ക്ക​മു​ള്ള ചേ​ന​യാ​ണ് വി​ള​യാ​റു​ള്ള​ത്.

എ​ന്നാ​ൽ ഒ​മ്പ​ത് കി​ലോ​യോ​ളം തൂ​ക്ക​മു​ള്ള ചേ​ന​യാ​ണ് ചാ​ക്കി​ൽ​വി​ള​ഞ്ഞ​ത്. ക​ഴി​ഞ്ഞ വ​ർ​ഷം പ​രീ​ക്ഷ​ണാ​ടി​സ്ഥാ​ന​ത്തി​ലാ​യി​രു​ന്നു കൃ​ഷി. ഇ​ത് വി​ജ​യ​മാ​യ​തോ​ടെ​യാ​ണ് ഈ ​വ​ർ​ഷം കൂ​ടു​ത​ൽ ന​ട്ട​ത്. ന​ല്ല ഉ​റ​പ്പു​ള്ള​തും വെ​ള്ളം നി​ൽ​ക്കാ​ത്ത​തു​മാ​യ വ​ലി​യ പ്ലാ​സ്​​റ്റി​ക് ചാ​ക്കി​ലാ​ണ് കൃ​ഷി ചെ​യ്യു​ന്ന​ത്. ഇ​തി​ൽ പ​കു​തി​യി​ല​ധി​കം ക​രി​യി​ല​ക​ൾ നി​റ​ക്കും. അ​തി​നു​മു​ക​ളി​ൽ ചേ​ന വി​ത്ത് വെ​ച്ച​ശേ​ഷം ചാ​ണ​ക​പ്പൊ​ടി​യോ ക​മ്പോ​സ്റ്റോ ചേ​ർ​ക്കും. തു​ട​ർ​ന്ന് വീ​ണ്ടും ക​രി​യി​ല​ക​ൾ നി​റ​ച്ചു.

കൂ​ടാ​തെ, ചാ​ക്ക് അ​ൽ​പം ഉ​യ​ർ​ത്തി വെ​ക്കാ​ൻ അ​ടി​യി​ൽ ഇ​ഷ്​​ടി​ക വെ​ച്ചി​രു​ന്നു. ഇ​ട​ക്കി​ടെ ജൈ​വ​വ​ള​മാ​യ ചാ​രം, ചാ​ണ​ക വെ​ള്ളം, ക​മ്പോ​സ്​​റ്റ്,​ ബ​യോ സ്ലെ​റി നേ​ർ​പ്പി​ച്ച​ത് എ​ന്നി​വ ന​ൽ​കി​യി​രു​ന്നു. മ​ണ്ണി​ല്ലാ​ത്ത​വ​ർ​ക്കും കൃ​ഷി ഭൂ​മി​യി​ല്ലാ​ത്ത​വ​ർ​ക്കും എ​ളു​പ്പ​ത്തി​ൽ ചെ​യ്യാ​വു​ന്ന കൃ​ഷി​രീ​തി​യാ​ണി​തെ​ന്ന്​ ച​ന്ദ്ര​ൻ പ​റ​യു​ന്നു. പ​രി​സ​ര​ത്തു​മു​ള്ള ച​പ്പു​ച​വ​റു​ക​ൾ ചാ​ക്കി​ൽ നി​ക്ഷേ​പി​ക്കു​ന്ന​തി​ലൂ​ടെ പ​രി​സ​ര ശു​ചീ​ക​ര​ണ​വും സാ​ധ്യ​മാ​കും. മ​ഴ​ക്കാ​ലാ​രം​ഭ​ത്തി​ലാ​ണ് കൃ​ഷി ചെ​യ്ത​ത്.

മു​റ്റ​ത്തും പ​റ​മ്പി​ലും ടെ​റ​സി​ലും ചെ​യ്യാ​വു​ന്ന രീ​തി​യി​ലാ​ണ് കൃ​ഷി​യെ​ന്നും ച​ന്ദ്ര​ൻ പ​റ​ഞ്ഞു.