ഇനിയും വന്നില്ല നഗരത്തിൽ ആധുനിക അറവുശാല

കോ​ഴി​ക്കോ​ട്​: ന​ഗ​ര​ത്തി​ൽ ആ​ധു​നി​ക അ​റ​വു​ശാ​ല നി​ർ​മി​ക്കാ​ൻ ന​ഗ​ര​സ​ഭ ആ​ലോ​ച​ന തു​ട​ങ്ങി 10 കൊ​ല്ല​ത്തി​ലേ​റെ​യാ​യെ​ങ്കി​ലും ഇ​തു​വ​രെ യാ​ഥാ​ർ​ഥ്യ​മാ​യി​ല്ല. മാം​സ​ക്ക​ച്ച​വ​ട​ക്കാ​രും നാ​ട്ടു​കാ​രും തൊ​ഴ​ി​ലാ​ളി​ക​ളും നി​ര​ന്ത​രം ആ​വ​ശ്യ​പ്പെ​ടു​ന്ന​താ​ണ്​ ആ​ധു​നി​ക അ​റ​വു​​ശാ​ല.

ശാ​സ്​​ത്രീ​യ​മാ​യ അ​റ​വി​ന്​ സൗ​ക​ര്യ​മി​ല്ലാ​ത്ത​തി​നാ​ൽ വ​ർ​ഷ​ങ്ങ​ൾ​ക്ക്​ മു​മ്പ്​ കോ​ഴി​ക്കോ​ട്​​ കോ​ട​തി ന​ഗ​ര​ത്തി​ൽ അ​റ​വ്​ നി​രോ​ധി​ക്കു​ക​പോ​ലു​മു​ണ്ടാ​യി. അ​റ​വു​ശാ​ല ഉ​ട​ൻ യാ​ഥാ​ർ​ഥ്യ​മാ​വു​മെ​ന്ന്​ അ​ന്ന്​ കോ​ട​തി​യി​ൽ ന​ൽ​കി​യ ഉ​റ​പ്പ്​ പാ​ലി​ക്ക​പ്പെ​ട്ടി​ട്ടി​ല്ല.

നി​യ​മ​പ​ര​മാ​യി അ​റ​വി​ന് മു​മ്പും ശേ​ഷ​വും ഡോ​ക്ട​ര്‍മാ​ര്‍ പ​രി​ശോ​ധി​ച്ച് ഗു​ണ​നി​ല​വാ​രം ഉ​റ​പ്പു​വ​രു​ത്തി​യാ​ൽ മാ​ത്ര​മേ ഭ​ക്ഷ്യാ​വ​ശ്യ​ങ്ങ​ള്‍ക്ക് ഉ​പ​യോ​ഗി​ക്കാ​വൂ എ​ന്നാ​ണ് 2011ലെ ​ഭ​ക്ഷ്യ​സു​ര​ക്ഷാ​നി​യ​മം അ​നു​ശാ​സി​ക്കു​ന്ന​ത്. ഇ​ക്കാ​ര്യ​മാ​ണ്​ ഇ​തു​വ​രെ ന​ഗ​ര​ത്തി​ൽ ന​ട​പ്പാ​ക്കാ​നാ​വാ​ത്ത​ത്.

അ​റ​വു​ശാ​ല വ​ന്നാ​ൽ പ​രി​ശോ​ധ​ന​യും ഗു​ണ​നി​ല​വാ​രം ഉ​റ​പ്പാ​ക്കാ​നാ​വും. ഇ​പ്പോ​ൾ ന​ഗ​ര​ത്തി​ൽ പ​ല​യി​ട​ത്താ​യാ​ണ്​ അ​റ​വ്​ ന​ട​ക്കു​ന്ന​ത്. അ​റ​വു​ശാ​ല വ​രു​ന്ന​തോ​ടെ മാ​ലി​ന്യം ഒ​രി​ട​ത്തു​ത​ന്നെ സം​സ്​​ക​രി​ക്കാ​നും കൃ​ത്യ​മാ​യ പ​രി​ശോ​ധ​ന ന​ട​ത്തി ആ​രോ​ഗ്യ​സു​ര​ക്ഷ ഉ​റ​പ്പാ​ക്കാ​നു​മാ​വും.

കോ​ർ​പ​റേ​ഷ​ൻ ഉ​ട​മ​സ്​​ഥ​ത​യി​ൽ കോ​തി​യി​ലു​ള്ള ഒ​രേ​ക്ക​റി​ലേ​റെ സ്ഥ​ല​ത്ത് അ​റ​വു​ശാ​ല നി​ര്‍മി​ക്കാ​നാ​ണ് തീ​രു​മാ​നം. എ​ന്നാ​ൽ, ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന തീ​ര​മേ​ഖ​ല​യി​ല്‍ അ​റ​വു​ശാ​ല വ​ന്നാ​ല്‍ ഞെ​ളി​യ​ന്‍പ​റ​മ്പി​​െൻറ അ​വ​സ്​​ഥ വ​രു​മെ​ന്ന ഭീ​തി നാ​ട്ടു​കാ​ർ​ക്കു​ണ്ട്. അ​റ​വു​ശാ​ല കോ​തി​യി​ൽ വ​രു​ന്ന​തി​നെ​തി​രെ പ്ര​തി​ഷേ​ധ​വും സ​ജീ​വ​മാ​ണ്.10 കോ​ടി​യു​ടെ ന​ഗ​ര​സ​ഭ മു​ന്നോ​ട്ടു​വെ​ച്ച അ​റ​വു​ശാ​ല പ​ദ്ധ​തി കി​ഫ്​​ബി സ​ഹാ​യം​ ഉ​പ​യോ​ഗി​ച്ച്​ പ​ണി​യാ​ൻ അ​നു​മ​തി ല​ഭി​ച്ച​താ​ണ്.

സാ​േ​ങ്ക​തി​ക അ​നു​മ​തി​ക​ൾ നേ​ടി പ​ദ്ധ​തി​ക്ക്​ ടെ​ൻ​ഡ​ർ വി​ളി​ക്കു​ക​യാ​ണ്​ ഇ​നി വേ​ണ്ട​ത്. ന​ഗ​ര​സ​ഭ 2019ലാ​ണ്​ കി​ഫ്​​ബി​ക്ക്​ ഡി.​പി.​ആ​ർ ന​ൽ​കി​യ​ത്. മൊ​ത്തം 9.2 കോ​ടി​യി​ൽ 7.5 കോ​ടി കി​ഫ്​​ബി​യി​ൽ​നി​ന്ന്​ ല​ഭ്യ​മാ​ക്കു​ക​യാ​ണ്​ ല​ക്ഷ്യം.കോ​തി​യി​ലെ ഒ​രേ​ക്ക​ർ സ്​​ഥ​ല​ത്ത്​ ആ​ധു​നി​ക അ​റ​വു​ശാ​ല​ക്കു​ള്ള​ ഡി.​പി.​ആ​ർ ആ​ണ്​ കി​ഫ്​​ബി​ക്ക്​ ന​ൽ​കി​യ​ത്. കാ​ലി​ക​ൾ​ക്കു​ള്ള വി​ശ്ര​മ​സ്​​ഥ​ലം, ആ​ടു​ക​ൾ​ക്കു​ള്ള​യി​ടം, മാ​ലി​ന്യം സം​സ്​​ക​രി​ക്കാ​നു​ള്ള പ്ലാ​ൻ​റ്, മ​ണ്ണി​ര ക​േ​മ്പാ​സ്​​റ്റ്​ ശാ​ല, ജീ​വ​ന​ക്കാ​ർ​ക്കു​ള്ള ക്വാ​ർേ​ട്ട​ഴ്​​സ്, ദി​വ​സം 100 എം.​എ​ൽ.​ഡി മ​ലി​ന​ജ​ലം സം​സ്​​ക​രി​ക്കു​ന്ന പ്ലാ​ൻ​റ്​ തു​ട​ങ്ങി​യ​വ​യെ​ല്ലാം ല​ക്ഷ്യ​മി​ടു​ന്നു.

ര​ക്​​തം, തൊ​ലി, ത​ല, കൈ​കാ​ലു​ക​ൾ എ​ന്നി​വ സൂ​ക്ഷി​ക്കാ​നും സം​സ്​​ക​രി​ക്കാ​നും പ്ര​ത്യേ​ക സൗ​ക​ര്യ​മൊ​രു​ക്കും. വ​ലി​യ ശീ​തീ​ക​ര​ണ സം​വി​ധാ​നം, വി​പു​ല​മാ​യ ഓ​വു​ചാ​ലു​ക​ൾ എ​ന്നി​വ​യു​മു​ണ്ടാ​വും. ദി​വ​സം 100 മൃ​ഗ​ങ്ങ​ളെ​യും 25 മു​ത​ൽ 50 വ​രെ ചെ​റു​മൃ​ഗ​ങ്ങ​ളെ​യും ക​ശാ​പ്പു​ചെ​യ്യാ​നാ​വു​ന്ന​താ​ണ്​ അ​റ​വു​ശാ​ല.