ടിറ്റോ ഇവിടെയുണ്ട്, ജീവിക്കുന്ന നിപ രക്തസാക്ഷിയായി

കോ​ഴി​ക്കോ​ട്: പെ​റ്റ​മ്മ​യെ​പ്പോ​ലും തി​രി​ച്ച​റി​യാ​നാ​വാ​തെ, ക​ണ്ണി​മ തു​റ​ക്കാ​തെ, സ്വ​ന്ത​മാ​യി ഒ​രി​റ്റ് കു​ടി​നീ​ർ ഇ​റ​ക്കാ​ൻ പോ​ലും ക​ഴി​യാ​തെ നി​പ പ്ര​തി​രോ​ധ​ത്തി​ന്‍റെ ജീ​വി​ക്കു​ന്ന ര​ക്ത​സാ​ക്ഷി​യാ​യി ടി​റ്റോ തോ​മ​സ് ഇ​വി​ടെ​യു​ണ്ട്. ജീ​വി​ച്ച് തു​ട​ങ്ങും​മു​മ്പേ ജീ​വി​ത താ​ളം ന​ഷ്ട​മാ​യി കോ​മാ​വ​സ്ഥ​യി​ലാ​യ 24കാ​ര​ൻ. എ​ട്ട് മാ​സ​ത്തോ​ള​മാ​യി കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യു​ടെ ഡീ​ല​ക്സ് മു​റി​ക​ളി​ലൊ​ന്നി​ൽ ച​ല​ന​മ​റ്റ് കി​ട​ക്കു​ക​യാ​ണ് ഈ ​ക​ർ​ണാ​ട​ക സ്വ​ദേ​ശി. വ​യ​റി​ൽ ട്യൂ​ബി​ട്ടാ​ണ് ഭ​ക്ഷ​ണം ന​ൽ​കു​ന്ന​ത്. തൊ​ണ്ട​യി​ൽ ഘ​ടി​പ്പി​ച്ച ട്യൂ​ബി​ലൂ​ടെ​യാ​ണ് ശ്വാ​സോ​ച്ഛാ​സം. അ​മ്മ​യെ​പ്പോ​ലും തി​രി​ച്ച​റി​യാ​ൻ ക​ഴി​യാ​തെ കി​ട​ക്കു​ന്ന ടി​റ്റോ​യെ ക​ണ്ടാ​ൽ ആ​രു​ടെ​യും ഉ​ള്ള​കം പി​ട​യും. ഇ​തേ ആ​ശു​പ​ത്രി​യി​ൽ അ​ത്യാ​ഹി​ത വി​ഭാ​ഗ​ത്തി​ൽ ന​ഴ്സാ​യി​രി​ക്കെ, രോ​ഗീ​പ​രി​ച​ര​ണ​ത്തി​നി​ടെ നി​പ പി​ടി​പെ​ടു​ക​യും പാ​ർ​ശ്വ​ഫ​ല​മാ​യി നി​പ എ​ൻ​സ​ഫ​ലൈ​റ്റി​സ് ബാ​ധി​ക്കു​ക​യു​മാ​യി​രു​ന്നു ടി​റ്റോ​ക്ക്.

ക​ർ​ണാ​ട​ക മം​ഗ​ളൂ​​രു മ​ർ​ദാ​ല സ്വ​ദേ​ശി​യാ​യ ടി​റ്റോ രോ​ഗം പി​ടി​പെ​ടു​ന്ന​തി​ന് എ​ട്ടു​മാ​സം മു​മ്പാ​ണ് ആ​ശു​പ​ത്രി​യി​ൽ ന​ഴ്സാ​യി എ​ത്തി​യ​ത്. ക​ഴി​ഞ്ഞ ആ​ഗ​സ്റ്റി​ൽ നി​പ ബാ​ധി​ച്ച് ഇ​വി​ടെ മ​രി​ച്ച​യാ​ളി​ൽ​നി​ന്ന് നി​പ ബാ​ധി​ച്ച​തെ​ന്നാ​ണ് അ​നു​മാ​നം. മ​ര​ണ​ശേ​ഷം ന​ട​ത്തി​യ പ​രി​ശോ​ധ​ന​യി​ൽ ആ ​രോ​ഗി​ക്ക് നി​പ സ്ഥി​രീ​ക​രി​ച്ചി​രു​ന്നു. ക​ടു​ത്ത പ​നി​യു​മാ​യി ആ​ശു​പ​ത്രി​യി​ൽ എ​ത്തി​യ രോ​ഗി​യെ പ​രി​ച​രി​ച്ച ടി​റ്റോ​യെ​യും പി​ന്നീ​ട് രോ​ഗം പി​ടി​കൂ​ടി. രോ​ഗ മു​ക്തി​നേ​ടി ടി​റ്റോ വീ​ണ്ടും ജോ​ലി​യി​ൽ പ്ര​വേ​ശി​ച്ചെ​ങ്കി​ലും ഡി​സം​ബ​റി​ൽ ശ​ക്ത​മാ​യ ത​ല​വേ​ദ​ന അ​നു​ഭ​വ​പ്പെ​ട്ടു. തു​ട​ർ​ന്ന് ന​ട​ത്തി​യ പ​രി​ശോ​ധ​യി​ൽ നി​പ എ​ൻ​സ​ഫ​ലൈ​റ്റി​സ് ബാ​ധി​ച്ച​താ​യി ക​ണ്ടെ​ത്തി. ഇ​തോ​ടെ ടി​റ്റോ​യു​ടെ ചി​കി​ത്സ പൂ​ർ​ണ​മാ​യി ആ​ശു​പ​​ത്രി മാ​നേ​ജ്മെ​ന്‍റ് ഏ​റ്റെ​ടു​ത്തു. ചി​കി​ത്സ തു​ട​രു​ന്ന​തി​നി​ടെ കോ​മാ​വ​സ്ഥ​യി​ലാ​വു​ക​യാ​യി​രു​ന്നു.

ടി​റ്റോ​യെ പ​രി​ച​രി​ക്കാ​ൻ ജോ​ലി ഉ​പേ​ക്ഷി​ച്ച് കോ​ഴി​ക്കോ​ട്ട് ആ​ശു​പ​ത്രി​യി​ൽ വ​ന്നു​നി​ൽ​ക്കു​ക​യാ​ണ് ഏ​ക സ​ഹോ​ദ​ര​ൻ ഷി​ജോ തോ​മ​സും അ​മ്മ ലി​സി എ​ന്ന ഏ​ലി​യാ​മ്മ​യും. അ​ച്ഛ​ൻ ടി.​സി. തോ​മ​സും മ​ക​നെ പ​രി​ച​രി​ക്കാ​ൻ മ​ർ​ദാ​ല​യി​ൽ​നി​ന്ന് ഇ​ട​ക്കി​ടെ വ​രും. പു​ണെ വൈ​റോ​ള​ജി ഇ​ൻ​സ്റ്റി​റ്റ്യൂ​ട്ടി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് നി​പ എ​ൻ​സ​ഫ​ലൈ​റ്റി​സ് സ്ഥി​രീ​ക​രി​ച്ച​തെ​ന്ന് കു​ടും​ബം പ​റ​ഞ്ഞു. ബോ​ധം ന​ഷ്ട​പ്പെ​ട്ട ടി​റ്റോ​യു​ടെ ആ​രോ​ഗ്യ​സ്ഥി​തി വീ​ണ്ടും വ​ഷ​ളാ​വു​ക​യാ​യി​രു​ന്നു. ഇ​തി​ന​കം 40 ല​ക്ഷ​ത്തോ​ളം രൂ​പ ചി​കി​ത്സ​ക്കാ​യി മാ​നേ​ജ്മെ​ന്‍റ് ചെ​ല​വ​ഴി​ച്ചു. ആ​

രോ​ഗ്യ​സ്ഥി​തി​യി​ൽ പു​രോ​ഗ​തി​യു​ണ്ടാ​വാ​ൻ സാ​ധ്യ​ത​യി​ല്ലെ​ന്നാ​ണ് ചി​കി​ത്സി​ക്കു​ന്ന ഡോ​ക്ട​ർ​മാ​രു​ടെ അ​ഭി​പ്രാ​യം. എ​ന്നാ​ൽ, ടി​റ്റോ ജീ​വി​ത​ത്തി​ലേ​ക്ക് മ​ട​ങ്ങി​വ​രു​മെ​ന്ന പ്ര​തീ​ക്ഷ​യി​ലാ​ണ് മ​താ​പി​താ​ക്ക​ളും സ​ഹോ​ദ​ര​നും. ടി​റ്റോ​യെ അ​ങ്ങ​നെ ഉ​പേ​ക്ഷി​ക്കാ​ൻ ത​നി​ക്ക് ക​ഴി​യി​ല്ലെ​ന്നും എ​ന്ത് ത്യാ​ഗം സ​ഹി​ക്കേ​ണ്ടി​വ​ന്നാ​ലും അ​വ​നെ ജീ​വി​ത​ത്തി​ലേ​ക്ക് മ​ട​ക്കി​ക്കൊ​ണ്ടു​വ​ര​ണ​മെ​ന്നും ഷി​ജോ പ​റ​യു​ന്നു.

മൂ​ന്ന് ത​വ​ണ മെ​ഡി​ക്ക​ൽ കോ​ള​ജി​ൽ​നി​ന്ന് ഡോ​ക്ട​ർ​മാ​ർ വ​ന്ന് നോ​ക്കി​യ​ത​ല്ലാ​തെ സം​സ്ഥാ​ന സ​ർ​ക്കാ​റി​ന്‍റെ ഭാ​ഗ​ത്തു​നി​ന്ന് കു​ടും​ബ​ത്തി​ന് സ​ഹാ​യ​മൊ​ന്നും ല​ഭി​ച്ചി​ട്ടി​ല്ല. ചി​കി​ത്സ​ക്ക് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് മാ​റ്റാ​മെ​ന്ന് സ​ർ​ക്കാ​ർ അ​റി​യി​ച്ചി​രു​ന്നെ​ങ്കി​ലും കു​ടും​ബ​ത്തി​ന് സ്വീ​കാ​ര്യ​മാ​യി​ല്ല. അ​തി​നാ​ൽ ഇ​വി​ടെ​ത​ന്നെ തു​ട​രു​ക​യാ​യി​രു​ന്നു.

വി​ദ​ഗ്ധ ചി​കി​ത്സ​ക്കാ​യി കേ​ര​ള​ത്തി​ന് പു​റ​ത്തേ​ക്ക് കൊ​ണ്ടു​പോ​കാ​നാ​ണ് കു​ടും​ബ​ത്തി​ന്‍റെ ആ​ലോ​ച​ന. അ​തി​ന് സ​ർ​ക്കാ​റി​ന്‍റെ ഭാ​ഗ​ത്തു​നി​ന്ന് സ​ഹാ​യം വേ​ണ​മെ​ന്നും കു​ടും​ബം ആ​വ​ശ്യ​പ്പെ​ടു​ന്നു. ചി​കി​ത്സ​ക്കു​ള്ള സാ​മ്പ​ത്തി​ക സ​ഹാ​യം അ​ട​ക്കം സ​ർ​ക്കാ​ർ ഏ​റ്റെ​ടു​ക്ക​ണ​മെ​ന്ന് യു​നൈ​റ്റ​ഡ് ന​ഴ്സ​സ് അ​സോ​സി​യേ​ഷ​നും ആ​വ​ശ്യ​മു​ന്ന​യി​ക്കു​ന്നു.