കോഴിക്കോട്: നിലവിലെ തിരച്ചിലിൽ തൃപ്തിയുണ്ടെന്നും കണ്ടെത്തുംവരെ തിരച്ചിൽ തുടരണമെന്നും കർണാടകയിലെ ഷിരൂരിൽ കാണാതായ അർജുന്റെ സഹോദരി അഞ്ജു പറഞ്ഞു. പട്ടാളം തിരച്ചിൽ നിർത്തുകയാണെന്നു പറഞ്ഞ വേളയിലാണ് കഴിഞ്ഞ ദിവസം മാതാവ് പ്രതികരിച്ചതെന്നും ഇപ്പോൾ കാര്യങ്ങളെല്ലാം ബോധ്യപ്പെടുകയാണെന്നും തങ്ങൾ എല്ലാറ്റിനോടും പൊരുത്തപ്പെടുകയാണെന്നും അവർ പറഞ്ഞു.
ഷിരൂരിലുള്ള ബന്ധുക്കൾ നിലവിലെ തിരച്ചിലിൽ തൃപ്തരാണെന്നും പറഞ്ഞു. അമ്മക്ക് കാര്യങ്ങൾ ബോധ്യപ്പെട്ടതായും എല്ലാം വിധിയായി കരുതുകയാണിപ്പോഴെന്നും സഹോദരി പറഞ്ഞു. എല്ലാവരുടെയും പ്രാർഥനകൾ ഉള്ളത് സമാധാനം തരുകയാണെന്നും മാധ്യമ പ്രവർത്തകർ ഉൾപ്പെടെ എല്ലാവരുടെയും പിന്തുണക്ക് നന്ദി പറയുകയാണെന്നും അഞ്ജു പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.