ഭി​ന്ന​ശേ​ഷി ച​ട്ട​ങ്ങ​ൾ പാ​ലി​ക്കാ​തെ ത​ദ്ദേ​ശ ഓ​ഫി​സു​ക​ൾ

ഓ​മ​ശ്ശേ​രി: ഭി​ന്ന​ശേ​ഷി സൗ​ക​ര്യം ഏ​ർ​പ്പെ​ടു​ത്താ​ത്ത കെ​ട്ടി​ട​ങ്ങ​ൾ​ക്ക് അ​നു​മ​തി ന​ൽ​കാ​ത്ത ത​ദ്ദേ​ശ സ്ഥാ​പ​ന​ങ്ങ​ളു​ടെ ഓ​ഫി​സു​ക​ൾ ഭി​ന്ന​ശേ​ഷി സൗ​ഹൃ​ദ​മ​ല്ല. 2016ന് ​മു​മ്പ് നി​ർ​മി​ച്ച മു​ഴു​വ​ൻ കെ​ട്ടി​ട​ങ്ങ​ളും അ​ഞ്ച് വ​ർ​ഷം​കൊ​ണ്ട് ഭി​ന്ന​ശേ​ഷി സൗ​ഹൃ​ദ​മാ​ക്ക​ണ​മെ​ന്നും പു​തു​താ​യി നി​ർ​മി​ക്കു​ന്ന കെ​ട്ടി​ട​ങ്ങ​ൾ ഭി​ന്ന​ശേ​ഷി സൗ​ഹൃ​ദ​മ​ല്ലെ​ങ്കി​ൽ അ​നു​മ​തി ന​ൽ​ക​രു​തെ​ന്നും കേ​ന്ദ്ര പൊ​തു​മ​രാ​മ​ത്ത് വ​ർ​ഷ​ങ്ങ​ൾ​ക്കു മു​മ്പ് നി​ർ​ദേ​ശി​ച്ചി​ട്ടു​ണ്ടെ​ങ്കി​ലും അ​തു പാ​ലി​ക്ക​പ്പെ​ട്ടി​ല്ല. ഗ്രാ​മ​പ​ഞ്ചാ​യ​ത്ത് ഉ​ൾ​പ്പെ​ടെ​യു​ള്ള സ​ർ​ക്കാ​ർ സ്ഥാ​പ​ന​ങ്ങ​ൾ അ​ത് സ്വ​ന്തം കാ​ര്യ​ത്തി​ൽ​പോ​ലും അ​വ​ഗ​ണി​ക്കു​ക​യാ​ണു​ണ്ടാ​യ​ത്.

അ​തേ​സ​മ​യം സ്വ​കാ​ര്യ​സ്ഥാ​പ​ന​ങ്ങ​ളു​ടെ കാ​ര്യ​ത്തി​ൽ ച​ട്ടം പാ​ലി​ക്കാ​ൻ ശ​ക്ത​മാ​യി അ​വ​ർ ആ​വ​ശ്യ​പ്പെ​ടു​ക​യും ചെ​യ്യു​ന്നു. പു​തു​താ​യി നി​ർ​മി​ക്കു​ന്ന കെ​ട്ടി​ട​ങ്ങ​ളി​ൽ​പോ​ലും ത​ദ്ദേ​ശ സ്ഥാ​പ​ന​ങ്ങ​ൾ ഭി​ന്ന​ശേ​ഷി വി​ഭാ​ഗ​ത്തി​നു സൗ​ക​ര്യം ഏ​ർ​പ്പെ​ടു​ത്തു​ന്നി​ല്ല. ഭി​ന്ന​ശേ​ഷി സൗ​ഹൃ​ദ റാ​മ്പ്, ഇ​രി​പ്പി​ടം, സൗ​ഹൃ​ദ ടോ​യ്‍ല​റ്റ് തു​ട​ങ്ങി​യ സൗ​ക​ര്യ​ങ്ങ​ൾ എ​ന്നി​വ അ​ധി​ക സ്ഥ​ല​ങ്ങ​ളി​ലു​മി​ല്ല. മി​ക്ക ത​ദ്ദേ​ശ സ്വ​യം​ഭ​ര​ണ സ്ഥാ​പ​ന ഓ​ഫി​സു​ക​ളും സ്ഥി​തി ചെ​യ്യു​ന്ന​ത് താ​ഴെ ഷോ​പ്പി​ങ് മു​റി​ക​ളും മു​ക​ളി​ൽ ഓ​ഫി​സ് സൗ​ക​ര്യ​ങ്ങ​ളു​മാ​യി​ട്ടാ​ണ്. കോ​ണി​പ്പ​ടി​ക​ളാ​ണ് ഓ​ഫി​സി​ൽ എ​ത്തി​ച്ചേ​രാ​നു​ള്ള മാ​ർ​ഗം. റാ​മ്പോ ലി​ഫ്റ്റ് സൗ​ക​ര്യ​ങ്ങ​ളോ ഇ​വി​ടെ ല​ഭ്യ​മ​ല്ല.

ഓ​മ​ശ്ശേ​രി ഗ്രാ​മ​പ​ഞ്ചാ​യ​ത്ത്, കൃ​ഷി​ഭ​വ​ൻ, മു​ക്കം കൊ​ടു​വ​ള്ളി മു​നി​സി​പ്പാ​ലി​റ്റി​ക​ൾ തു​ട​ങ്ങി​യ ധാ​രാ​ളം ഓ​ഫി​സു​ക​ൾ ര​ണ്ടും മൂ​ന്നും നി​ല​യി​ലെ ഷോ​പ്പി​ങ് കോം​പ്ല​ക്സു​ക​ളി​ലാ​ണ് പ്ര​വ​ർ​ത്തി​ക്കു​ന്ന​ത്.