പരിക്കേറ്റ നിലയിൽ കണ്ടെത്തിയ മൂങ്ങ
പന്തീരാങ്കാവ്: വഴിയരികിൽ പരിക്കേറ്റുകിടന്ന മൂങ്ങക്ക് ദമ്പതികൾ രക്ഷകരായി. വ്യാഴാഴ്ച രാത്രി 8.30ഓടെ മെഡിക്കൽ കോളജ് പെയിൻ ആൻഡ് പാലിയേറ്റിവ് ഐ.പി റോഡിൽനിന്നാണ് പന്തീരാങ്കാവ് സ്വദേശി ടി.എം. അനൂപും ഭാര്യ രവിതയും പരിക്കേറ്റുകിടന്ന മൂങ്ങയെ കണ്ടെടുത്തത്.
പാലിയേറ്റിവ് ക്ലിനിക്കിൽ നവീകരണ പ്രവൃത്തികളുടെ കരാറെടുത്ത അനൂപ് രാത്രി ഭാര്യക്കൊപ്പം കാറിൽ പോവുമ്പോഴാണ് വഴിയരികിൽ മൂങ്ങയെ കണ്ടത്. ചിറകിന് പരിക്കേറ്റ മൂങ്ങയെ രാത്രി വീട്ടിലെത്തിച്ച് തത്തയുടെ കൂട്ടിലിട്ട് ഭക്ഷണം നൽകി.
വെള്ളിയാഴ്ച രാവിലെ സന്നദ്ധ പ്രവർത്തകനായ മഠത്തിൽ അബ്ദുൽ അസീസ് മൂങ്ങയെ മാത്തോട്ടം വനശ്രീയിലെത്തിച്ചു. അവശനിലയിലായിരുന്ന മൂങ്ങ ഭക്ഷണം ലഭിച്ചതോടെ സുഖംപ്രാപിച്ചുവരുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.