പേ​രാ​മ്പ്ര ബാ​ദു​ഷ ട്രേ​ഡേ​ഴ്സി​ലു​ണ്ടാ​യ തീപിടിത്തത്തോടൊപ്പം വിവാദവും കത്തുന്നു

പേ​രാ​മ്പ്ര: പേ​രാ​മ്പ്ര ബാ​ദു​ഷ ട്രേ​ഡേ​ഴ്സി​ലു​ണ്ടാ​യ തീ​പി​ടി​ത്ത​ത്തെ ചൊ​ല്ലി രാ​ഷ്ട്രീ​യ ത​ർ​ക്ക​ങ്ങ​ളും ക​ത്തു​ന്നു. ഇ​ന്ന​ർ മാ​ർ​ക്ക​റ്റി​ലു​ള്ള പ​ഞ്ചാ​യ​ത്തി​ന്റെ മാ​ലി​ന്യ​നി​ക്ഷേ​പ കേ​ന്ദ്ര​ത്തി​ൽ​നി​ന്നാ​ണ് തീ ​പ​ട​ർ​ന്ന​തെ​ന്നും ഇ​ത് പ​ഞ്ചാ​യ​ത്തി​ന്റെ അ​ശ്ര​ദ്ധ​യാ​ണെ​ന്നും പ്ര​തി​പ​ക്ഷ ക​ക്ഷി​ക​ൾ ആ​രോ​പി​ക്കു​മ്പോ​ൾ കു​റ്റ​മ​റ്റ രീ​തി​യി​ലാ​ണ് കേ​ന്ദ്രം പ്ര​വ​ർ​ത്തി​ക്കു​ന്ന​തെ​ന്ന് ഗ്രാ​മ പ​ഞ്ചാ​യ​ത്തും വ്യ​ക്ത​മാ​ക്കു​ന്നു. ഇ​രു​വി​ഭാ​ഗ​വും ആ​രോ​പ​ണ പ്ര​ത്യാ​രോ​പ​ണ​ങ്ങ​ൾ തു​ട​രു​ക​യാ​ണ്.

നഷ്ടപരിഹാരം നൽകണം –എം.എൽ.എ
പേ​രാ​മ്പ്ര: തീ​പി​ടി​ത്ത​മു​ണ്ടാ​യ ബാ​ദു​ഷ ട്രേ​ഡേ​ഴ്സി​ൽ നാ​ശ​ന​ഷ്ടം ക​ണ​ക്കാ​ക്കി ഉ​ട​മ​ക്ക് ന​ഷ്ട​പ​രി​ഹാ​രം ല​ഭി​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ടി.​പി. രാ​മ​കൃ​ഷ്ണ​ൻ എം.​എ​ൽ.​എ റ​വ​ന്യു മ​ന്ത്രി കെ. ​രാ​ജ​ന് ക​ത്ത​യ​ച്ചു. ബാ​ദു​ഷ ട്രേ​ഡേ​ഴ്സി​ന്റെ സ്ഥാ​പ​ന​ങ്ങ​ളി​ൽ തീ ​പ​ട​രാ​നു​ണ്ടാ​യ സാ​ഹ​ച​ര്യം വി​ശ​ദ​മാ​യി പ​രി​ശോ​ധി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

പ​ഞ്ചാ​യ​ത്ത് ഓ​ഫി​സിലേക്ക് ലീ​ഗ് മാ​ർ​ച്ച്

പേ​രാ​മ്പ്ര: പേ​രാ​മ്പ്ര ഇ​ന്ന​ർ മാ​ർ​ക്ക​റ്റി​ലെ പ​ഞ്ചാ​യ​ത്ത് മാ​ലി​ന്യ​സം​സ്ക​ര​ണ കേ​ന്ദ്ര​ത്തി​ൽ തീ​പി​ടി​ച്ച​തു​മൂ​ലം പ​രി​സ​ര​ത്തെ ക​ട​ക​ൾ ക​ത്തി​ന​ശി​ക്കാ​ൻ കാ​ര​ണ​മാ​യ സം​ഭ​വ​ത്തി​ൽ സ​മ​ഗ്രാ​ന്വേ​ഷ​ണം ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് പേ​രാ​മ്പ്ര പ​ഞ്ചാ​യ​ത്ത് മു​സ്‍ലിം ലീ​ഗ് ക​മ്മി​റ്റി നേ​തൃ​ത്വ​ത്തി​ൽ ഗ്രാ​മ​പ​ഞ്ചാ​യ​ത്ത് ഓ​ഫി​സ് മാ​ർ​ച്ച് ന​ട​ത്തി. മു​സ്‍ലിം ലീ​ഗ് ജി​ല്ല സെ​ക്ര​ട്ട​റി സി.​പി.​എ. അ​സീ​സ് ഉ​ദ്ഘാ​ട​നം ചെ​യ്തു. പ​ഞ്ചാ​യ​ത്ത് ലീ​ഗ് പ്ര​സി​ഡ​ന്റ് ഇ. ​ഷാ​ഹി അ​ധ്യ​ക്ഷ​ത വ​ഹി​ച്ചു. കെ.​പി. റ​സാ​ഖ്, ആ​ർ.​കെ. മു​ഹ​മ്മ​ദ്, സി.​പി. ഹ​മീ​ദ്, പി.​വി. ന​ജീ​ർ, റ​ഷീ​ദ് പാ​ണ്ടി​ക്കോ​ട്, കെ.​സി. മു​ഹ​മ്മ​ദ്, ടി.​കെ. ന​ഹാ​സ്, സ​ലിം മി​ലാ​സ്, കെ. ​ഹാ​ഫി​സ്, നി​ഷാ​ദ് എ​ര​വ​ട്ടൂ​ർ, കൂ​ളി​ക്ക​ണ്ടി ക​രീം, പി.​കെ. റ​ഹീം, സ​യി​ദ് അ​യ​നി​ക്ക​ൽ എ​ന്നി​വ​ർ സം​സാ​രി​ച്ചു.

പേ​രാ​മ്പ്ര: തീ​പി​ടി​ത്ത​ത്തി​ന് ഉ​ത്ത​ര​വാ​ദി​ക​ൾ പേ​രാ​മ്പ്ര ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി​യാ​​ണെ​ന്നും പേ​രാ​മ്പ്ര പ​ഞ്ചാ​യ​ത്ത് പ്ര​സി​ഡ​ന്റ് ഈ ​കാ​ര്യ​ത്തി​ൽ നി​സ്സം​ഗ​ത വെ​ടി​ഞ്ഞ് പ്ര​ശ്ന​ത്തി​ന്റെ ഉ​ത്ത​ര​വാ​ദി​ത്തം ഏ​റ്റെ​ടു​ത്ത് അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നും മു​സ്‍ലിം ലീ​ഗ് പേ​രാ​മ്പ്ര നി​യോ​ജ​ക മ​ണ്ഡ​ലം ക​മ്മി​റ്റി ആ​വ​ശ്യ​പ്പെ​ട്ടു. മ​ഹാ​ഭാ​ഗ്യം​കൊ​ണ്ടു മാ​ത്ര​മാ​ണ് തൊ​ട്ട​ടു​ത്ത ക​ട​ക​ളി​ലേ​ക്ക് തീ ​പ​ട​രാ​തെ നി​യ​ന്ത്ര​ണ​വി​ധേ​യ​മാ​ക്കാ​നും കൂ​ടു​ത​ൽ പേ​ർ​ക്ക് നാ​ശ​ന​ഷ്ട​ങ്ങ​ൾ സം​ഭ​വി​ക്കാ​തെ ഒ​ഴി​വാ​കാ​നും സാ​ധി​ച്ച​ത്. പേ​രാ​മ്പ്ര​യി​ൽ പ​ല​യി​ട​ത്തും സ​മാ​ന​മാ​യ രീ​തി​യി​ൽ മാ​ലി​ന്യ​ങ്ങ​ൾ കൂ​ട്ടി​വെ​ച്ച​ത് പൂ​ർ​ണ​മാ​യും എ​ത്ര​യും പെ​ട്ടെ​ന്ന് നീ​ക്കം​ചെ​യ്യാ​നാ​വ​ശ്യ​മാ​യ ന​ട​പ​ടി​ക​ൾ കൈ​ക്കൊ​ള്ള​ണം. യോ​ഗ​ത്തി​ൽ പേ​രാ​മ്പ്ര നി​യോ​ജ​ക മ​ണ്ഡ​ലം മു​സ്‍ലിം ലീ​ഗ് പ്ര​സി​ഡ​ന്റ് ആ​ർ.​കെ. മു​നീ​ർ അ​ധ്യ​ക്ഷ​ത വ​ഹി​ച്ചു. ടി.​കെ.​എ. ല​ത്തീ​ഫ്, എം.​കെ.​സി. കു​ട്ട്യാ​ലി, ക​ല്ലൂ​ർ മു​ഹ​മ്മ​ദ​ലി, ഒ. ​മ​മ്മു, മു​നീ​ർ കു​ള​ങ്ങ​ര, വി.​പി. റി​യാ​സ് സ​ലാം, പി.​ടി. അ​ഷ്റ​ഫ്, പു​തു​ക്കു​ടി അ​ബ്ദു​റ​ഹ്മാ​ൻ, മൂ​സ കോ​ത്ത​മ്പ്ര എ​ന്നി​വ​ർ സം​സാ​രി​ച്ചു.

പ​ഞ്ചാ​യ​ത്തി​ന്റെ പി​ടി​പ്പു​കേ​ട്’

പേ​രാ​മ്പ്ര: പേ​രാ​മ്പ്ര​യി​ൽ ന​ട​ന്ന തീ​പി​ടി​ത്തം ഗ്രാ​മ​പ​ഞ്ചാ​യ​ത്തി​ന്റെ അ​നാ​സ്ഥ മൂ​ല​മു​ണ്ടാ​യ​താ​ണെ​ന്ന് യൂ​ത്ത് കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി​യും ഗ്രാ​മ പ​ഞ്ചാ​യ​ത്ത് പ്ര​തി​പ​ക്ഷ മെം​ബ​റു​മാ​യ പി.​കെ. രാ​ഗേ​ഷ് ആ​രോ​പി​ച്ചു. ന​ഗ​ര​മ​ധ്യ​ത്തി​ൽ എം.​സി.​എ​ഫ് സ്ഥാ​പി​ച്ച​ത് ശാ​സ്ത്രീ​യ​മാ​യ ഒ​രു പ​രി​ശോ​ധ​ന​യും കൂ​ടാ​തെ​യാ​ണ്. പേ​രാ​മ്പ്ര​പോ​ലു​ള്ള ടൗ​ണി​ന്റെ ഹൃ​ദ​യ​ഭാ​ഗ​ത്ത് ഇ​തു​പോ​ലു​ള്ള പ്ലാ​സ്റ്റി​ക് സം​ഭ​ര​ണ​കേ​ന്ദ്രം സ്ഥാ​പി​ക്കു​ന്ന​തി​നെ​തി​രെ ഭ​ര​ണ​സ​മി​തി യോ​ഗ​ത്തി​ൽ യു.​ഡി.​എ​ഫ് മെം​ബ​ർ​മാ​ർ ശ​ക്ത​മാ​യി എ​തി​ർ​പ്പ് രേ​ഖ​പ്പെ​ടു​ത്തി​യി​രു​ന്നു. ഇ​തെ​ല്ലാം അ​വ​ഗ​ണി​ച്ചാ​ണ് ഇ​ന്ന​ർ മാ​ർ​ക്ക​റ്റി​ൽ എം.​സി.​എ​ഫ് സ്ഥാ​പി​ച്ച​ത്. ഇ​തി​ന്റെ ദു​ര​ന്ത​ഫ​ല​മാ​ണ് പേ​രാ​മ്പ്ര ക​ണ്ട​ത്. ദു​ര​ന്ത​മു​ഖ​ത്തും ത​ങ്ങ​ളു​ടെ ഭാ​ഗം ന്യാ​യീ​ക​രി​ക്കാ​ൻ ശ്ര​മി​ക്കു​ന്ന എം.​എ​ൽ.​എ​യും പ​ഞ്ചാ​യ​ത്ത് പ്ര​സി​ഡ​ന്റും പേ​രാ​മ്പ്ര​യി​ലെ ജ​ന​ങ്ങ​ളു​ടെ ക്ഷ​മ പ​രീ​ക്ഷി​ക്ക​രു​തെ​ന്നും രാ​ഗേ​ഷ് പ​റ​ഞ്ഞു.

തീ​പി​ടി​ത്തം; ഭ​ര​ണ​കൂ​ട അ​നാ​സ്ഥ

പേ​രാ​മ്പ്ര: പേ​രാ​മ്പ്ര​യി​ൽ ഇ​ന്ന​ലെ​യു​ണ്ടാ​യ തീ​പി​ടി​ത്തം മാ​ലി​ന്യ​സം​സ്ക​ര​ണ​ത്തി​ലെ ഭ​ര​ണ​കൂ​ട അ​നാ​സ്ഥ​യു​ടെ തു​ട​ർ​ച്ച​യാ​ണെ​ന്ന് ഫ്ര​റ്റേ​ണി​റ്റി മൂ​വ്മെ​ന്റ് പേ​രാ​മ്പ്ര മ​ണ്ഡ​ലം പ്ര​സി​ഡ​ന്റ് മു​ജാ​ഹി​ദ് മേ​പ്പ​യൂ​ർ പ​റ​ഞ്ഞു. സ​മീ​പ​കാ​ല​ത്തു​ണ്ടാ​യ ബ്ര​ഹ്മ​പു​രം അ​ഗ്നി​ബാ​ധ അ​ട​ക്ക​മു​ള്ള അ​ഗ്നി​ദു​ര​ന്ത​ങ്ങ​ൾ എ​ടു​ത്തു​നോ​ക്കി​യാ​ൽ മാ​ലി​ന്യ​സം​സ്ക​ര​ണ​ത്തി​ന് അ​ത്യാ​ധു​നി​ക സൗ​ക​ര്യ​ങ്ങ​ൾ ഉ​ണ്ടാ​യി​ട്ടും വീ​ടു​ക​ളി​ൽ​നി​ന്നും വാ​ണി​ജ്യ സ്ഥാ​പ​ന​ങ്ങ​ളി​ൽ​നി​ന്നും പ​ണം ഈ​ടാ​ക്കി ശേ​ഖ​രി​ക്കു​ന്ന മാ​ലി​ന്യ​ങ്ങ​ൾ ജൈ​വം, അ​ജൈ​വം എ​ന്നി​ങ്ങ​നെ വേ​ർ​തി​രി​ച്ച് ശാ​സ്ത്രീ​യ​മാ​യി സം​സ്ക​രി​ക്കു​ന്ന​തി​നു പ​ക​രം ന​ഗ​ര പ​രി​സ​ര​ങ്ങ​ളി​ൽ അ​ശ്ര​ദ്ധ​മാ​യി കൂ​ട്ടി​യി​ടു​ന്ന പ്ര​വ​ണ​ത​യാ​ണ് ക​ണ്ടു​വ​രു​ന്ന​ത്. ഈ ​സ്ഥി​തി തു​ട​ർ​ന്നാ​ൽ നാ​ടി​നെ ന​ശി​പ്പി​ക്കു​ന്ന ദു​ര​ന്ത​ങ്ങ​ൾ​ക്ക് നാം ​ഇ​നി​യും സാ​ക്ഷ്യം​വ​ഹി​ക്കേ​ണ്ടി​വ​രു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. മ​ണ്ഡ​ലം ക​മ്മി​റ്റി യോ​ഗ​ത്തി​ൽ സെ​ക്ര​ട്ട​റി ഫ​ർ​ഹാ​ന ബ​ഷീ​ർ, വൈ​സ് പ്ര​സി​ഡ​ന്റ് പി.​എം. അ​ശ്വി​ൻ, ജോ​യ​ന്റ് സെ​ക്ര​ട്ട​റി​മാ​രാ​യ നി​യാ​സ് മു​തു​കാ​ട്, സ​മീ​ർ ഊ​ട്ടേ​രി എ​ന്നി​വ​ർ സം​സാ​രി​ച്ചു.

പ്ര​ചാ​ര​ണം വ​സ്തു​താ​വി​രു​ദ്ധം- പ​ഞ്ചാ​യ​ത്ത് പ്ര​സി​ഡ​ന്റ്

പേ​രാ​മ്പ്ര: തീ​പി​ടി​ത്ത​ത്തി​ന്റെ മ​റ​വി​ൽ പേ​രാ​മ്പ്ര ഗ്രാ​മ പ​ഞ്ചാ​യ​ത്തി​നെ കു​റ്റ​പ്പെ​ടു​ത്തു​ന്ന​ത് നീ​തീ​ക​രി​ക്കാ​ൻ ക​ഴി​യി​ല്ലെ​ന്ന് ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ് വി.​കെ. പ്ര​മോ​ദ് പ​റ​ഞ്ഞു. ഇ​ന്ന​ർ മാ​ർ​ക്ക​റ്റി​ലെ അ​ജൈ​വ​മാ​ലി​ന്യ​ങ്ങ​ൾ ത​രം​തി​രി​ച്ച് സം​സ്ക​ര​ണ​കേ​ന്ദ്ര​ത്തി​ലേ​ക്ക് ക​യ​റ്റി​യ​യ​ക്കു​ന്ന എം.​സി.​എ​ഫ് കെ​ട്ടി​ട​ത്തി​ൽ തീ​പി​ടി​ത്ത​മു​ണ്ടാ​യി​ട്ടു​ണ്ട്. കെ​ട്ടി​ട​ത്തി​ൽ ഹ​രി​ത​ക​ർ​മ​സേ​ന ത​രം​തി​രി​ച്ച് സൂ​ക്ഷി​ച്ച ര​ണ്ടു ലോ​ഡ് പ്ലാ​സ്റ്റി​ക്കും ത​രം​തി​രി​ക്കാ​നു​ള്ള ര​ണ്ട് ലോ​ഡ് പ്ലാ​സ്റ്റി​ക്കും ഉ​ണ്ടാ​യി​രു​ന്നു. കെ​ട്ടി​ട​ത്തി​നു പു​റ​ത്ത് മാ​ലി​ന്യ​ങ്ങ​ൾ​ത​ന്നെ നി​ക്ഷേ​പി​ച്ചി​ട്ടു​ണ്ടാ​യി​രു​ന്നി​ല്ല. ത​രം​തി​രി​ച്ച പ്ലാ​സ്റ്റി​ക് മാ​ലി​ന്യം കൊ​ണ്ടു​പോ​കു​ന്ന​തി​ന് ക്ലീ​ൻ കേ​ര​ള ക​മ്പ​നി​യോ​ട് ആ​വ​ശ്യ​പ്പെ​ട്ടി​ട്ടു​ള്ള​തും ബു​ധ​നാ​ഴ്ച മാ​ലി​ന്യം കൊ​ണ്ടു​പോ​കു​ന്ന​തി​ന് വ​രാ​മെ​ന്ന് അ​റി​യി​ച്ചി​ട്ടു​ള്ള​തു​മാ​ണ്. എം.​സി.​എ​ഫി​ൽ മാ​ലി​ന്യ​ങ്ങ​ൾ അ​കാ​ര​ണ​മാ​യി നി​ക്ഷേ​പി​ച്ചി​ട്ടു​ണ്ടാ​യി​രു​ന്നി​ല്ല. എം. ​സി.​എ​ഫി​ൽ സ്ഥാ​പി​ച്ച ബെ​യി​ലി​ങ് മെ​ഷീ​നും ക​ർ​മ​സേ​ന​യു​ടെ ഓ​ഫി​സ് രേ​ഖ​ക​ളും ക​ത്തി​ന​ശി​ച്ചി​ട്ടു​ണ്ട്. എം.​സി.​എ​ഫി​നോ​ട് ചേ​ർ​ന്ന് പ്ര​വ​ർ​ത്തി​ക്കു​ന്ന ബാ​ദു​ഷ ട്രേ​ഡേ​ഴ്സ് എ​ന്ന സ്ഥാ​പ​ന​ത്തി​ലും തീ​പി​ടി​ത്തം ഉ​ണ്ടാ​യി​ട്ടു​ണ്ട്.

എം.​സി.​എ​ഫി​ൽ നി​ല​വി​ൽ തീ ​പ​ട​ർ​ന്നു​പി​ടി​ക്കേ​ണ്ട സാ​ഹ​ച​ര്യ​മി​ല്ല. വൈ​ദ്യു​തി ക​ണ​ക്ഷ​ൻ ല​ഭി​ക്കാ​ത്ത​തി​നാ​ൽ ഷോ​ർ​ട്ട് സ​ർ​ക്യൂ​ട്ട് പോ​ലു​ള്ള അ​പ​ക​ട​ങ്ങ​ൾ എം.​സി.​എ​ഫ് കെ​ട്ടി​ട​ത്തി​ൽ ഉ​ണ്ടാ​കാ​ൻ ഒ​രു സാ​ധ്യ​ത​യു​മി​ല്ല. ആ​വ​ശ്യ​ത്തി​ന് ഫ​യ​ർ എ​ക്സ്റ്റിം​ഗ്വി​ഷ​റു​ക​ൾ, മ​ണ​ൽ നി​റ​ച്ച് ഫ​യ​ർ ബ​ക്ക​റ്റു​ക​ൾ തു​ട​ങ്ങി​യ​വ സ്ഥാ​പ​ന​ത്തി​ൽ ഉ​ണ്ടാ​യി​രു​ന്നു. തീ​പി​ടി​ത്ത​ത്തി​ൽ ദു​രൂ​ഹ​ത​യു​ള്ള​തി​നാ​ൽ പേ​രാ​മ്പ്ര എ​സ്.​എ​ച്ച്.​ഒ മു​മ്പാ​കെ പ​രാ​തി സ​മ​ർ​പ്പി​ച്ചി​ട്ടു​ണ്ട്. എം.​സി.​എ​ഫി​ലെ തീ​പി​ടി​ത്തം ഗ്രാ​മ​പ​ഞ്ചാ​യ​ത്തി​ന്റെ കെ​ടു​കാ​ര്യ​സ്ഥ​ത​കൊ​ണ്ടാ​ണെ​ന്ന പ്ര​ചാ​ര​ണം വ​സ്തു​താ​വി​രു​ദ്ധ​മാ​ണെ​ന്ന് ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ് വി.​കെ. പ്ര​മോ​ദ് പ​റ​ഞ്ഞു.