മരം മുറിച്ച്​ മരുഭൂമിയാക്കി; റോഡ്​ നവീകരണത്തെ ബാധിക്കാത്ത മരങ്ങളും വെട്ടിവീഴ്ത്തുന്നു

 കോ​ഴി​ക്കോ​ട്: റോ​ഡ് ന​വീ​ക​ര​ണ​മെ​ന്ന സ​ദ്പ്ര​വൃ​ത്തി​യും മ​രം​മു​റി​യെ​ന്ന ക്രൂ​ര​ത​യും ഒ​രു​മി​ച്ച് ന​ട​ത്തു​ക​യാ​ണ് പൊ​തു​മ​രാ​മ​ത്ത് വ​കു​പ്പ്. ജി​ല്ല​യി​ൽ സാ​ധാ​ര​ണ റോ​ഡ് മു​ത​ൽ ദേ​ശീ​യ​പാ​ത വ​രെ​യു​ള്ള വി​ക​സ​ന​ത്തി​നാ​യി നി​ർ​ബ​ന്ധ​മാ​യും മു​റി​ക്കേ​ണ്ട​വ​ക്ക്​ പു​റ​മെ നി​രു​പ​ദ്ര​വ​കാ​രി​ക​ളാ​യ മ​ര​ങ്ങ​ളും വെ​ട്ടി​വീ​ഴ്ത്തു​ക​യാ​ണ്.

കോ​ടി​ക​ൾ വി​ല​യു​ള്ള മ​ര​ങ്ങ​ൾ ചു​ളു​വി​ൽ ത​ട്ടി​യെ​ടു​ക്കാ​ൻ പ്ര​ത്യേ​ക ലോ​ബി​യും രം​ഗ​ത്തു​ണ്ട്. നൂ​റ്റാ​ണ്ടോ​ളം പ്രാ​യ​മു​ള്ള, ച​രി​ത്ര​ത്തി​നൊ​പ്പം ത​ല​യു​യ​ർ​ത്തി നി​ന്ന മ​ര​ങ്ങ​ൾ വെ​ട്ടി​യി​ട്ട​ത് കാ​ണ​ണ​മെ​ങ്കി​ൽ കൊ​യി​ലാ​ണ്ടി - താ​മ​ര​ശ്ശേ​രി - എ​ട​വ​ണ്ണ സം​സ്ഥാ​ന പാ​ത​യി​ലൂ​ടെ സ​ഞ്ച​രി​ച്ചാ​ൽ മ​തി. റോ​ഡ് വീ​തി കൂ​ട്ടു​മ്പോ​ൾ ചി​ല മ​ര​ങ്ങ​ൾ മു​റി​ച്ചു മാ​റ്റേ​ണ്ട​ത് അ​ത്യാ​വ​ശ്യ​മാ​ണ്. എ​ന്നാ​ൽ റോ​ഡി​ന്റെ അ​തി​രു​ക​ളി​ൽ ആ​ർ​ക്കും ഉ​പ​ദ്ര​വ​മി​ല്ലാ​ത്ത മ​ര​ങ്ങ​ളും നി​ലം​പ​തി​ച്ചു ക​ഴി​ഞ്ഞു.

സം​ര​ക്ഷി​ത മ​ര​ങ്ങ​ളി​ൽ​പെ​ടു​ന്ന നാ​ട്ടു​മാ​വു​ക​ൾ നി​റ​ഞ്ഞ​താ​യി​രു​ന്നു ഈ ​സം​സ്ഥാ​ന​പാ​ത. മാ​വി​ൻ ചോ​ട്, ചീ​നി മു​ക്ക് തു​ട​ങ്ങി മ​ര​ങ്ങ​ളു​ടെ പേ​രി​ൽ അ​റി​യ​പ്പെ​ടു​ന്ന ബ​സ് സ്റ്റോ​പു​ക​ളും ഈ ​റൂ​ട്ടി​ലു​ണ്ട്. ച​രി​ത്രം പേ​റു​ന്ന ഈ ​വൃ​ക്ഷ മു​ത്ത​ശ്ശി​ക​ൾ​ക്കെ​ല്ലാം കോ​ടാ​ലി വീ​ണു. വാ​ക​യു​ൾ​പ്പെ​ടെ അ​പ​ക​ട​സാ​ധ്യ​ത​യു​ള്ള മ​ര​ങ്ങ​ൾ മു​റി​ക്ക​ണ​മെ​ന്ന്​ നേ​ര​ത്തേ ആ​വ​ശ്യ​മു​യ​ർ​ന്നി​രു​ന്നു. എ​ന്നാ​ൽ, എ​ല്ലാ മ​ര​ങ്ങ​ളും വേ​രോ​ടെ പി​ഴു​തി​രി​ക്കു​ക​യാ​ണ്.

ത​ണ​ൽ വി​രി​ച്ച മ​ര​ങ്ങ​ൾ ഇ​ല്ലാ​താ​യ​​തോ​ടെ അ​ങ്ങാ​ടി​ക​ളും നി​ര​ത്തു​ക​ളും മ​രു​ഭൂ​മി​ക്ക് തു​ല്യ​മാ​യി. പ​രി​സ്ഥി​തി സം​ഘ​ട​ന​ക​ള​ട​ക്കം ആ​രു​ടെ​യും എ​തി​ർ​പ്പി​ല്ലാ​തെ​യാ​ണ് റോ​ഡ​രി​കി​ലെ മ​ര​ങ്ങ​ൾ വെ​ട്ടി​യ​ത്. വ​നം വ​കു​പ്പി​ന്‍റെ സാ​മൂ​ഹി​ക വ​ന​വ​ത്ക​ര​ണ വി​ഭാ​ഗ​മാ​ണ് റോ​ഡ​രി​കി​ലെ മ​രം മു​റി​ക്കാ​ൻ അ​നു​വ​ദി​ക്കു​ന്ന​ത്. വ​നം വ​കു​പ്പ് ഉ​ദ്യോ​ഗ​സ്ഥ​ർ അ​ട​യാ​ള​പ്പെ​ടു​ത്തി, വി​ല​യി​ട്ട് ന​ൽ​കു​ന്ന മ​ര​ങ്ങ​ളാ​ണ് പൊ​തു​മ​രാ​മ​ത്ത് വ​കു​പ്പ് ലേ​ലം ചെ​യ്തു വി​ൽ​ക്കു​ന്ന​ത്. എ​ന്നാ​ൽ, ഈ ​ലേ​ല​ത്തി​ൽ കൃ​ത്യ​ത​യും സു​താ​ര്യ​ത​യു​മി​ല്ലെ​ന്ന ആ​ക്ഷേ​പം ശ​ക്ത​മാ​ണ്. ഈ​ട്ടി, തേ​ക്ക് തു​ട​ങ്ങി​യ രാ​ജ​കീ​യ വൃ​ക്ഷ​ങ്ങ​ൾ​ക്ക് നി​ല​വി​ലു​ള്ള വി​ല ല​ഭി​ക്കാ​റി​ല്ല. വ​നം​വ​കു​പ്പ്​ അ​ട​യാ​ള​പ്പെ​ടു​ത്താ​ത്ത മ​ര​ങ്ങ​ളും മു​റി​ച്ചു നീ​ക്കി​യി​ട്ടു​ണ്ട്. ന​വീ​ക​ര​ണ​ത്തി​ന്​ ത​ട​സ്സ​മാ​കാ​ത്ത മ​ര​ങ്ങ​ളും ഇ​തി​ലു​ൾ​പ്പെ​ടും.

കോ​ഴി​ക്കോ​ട്​ ബൈ​പാ​സ്​ ആ​റു​വ​രി​യാ​ക്കു​ന്ന​തി​ന്‍റെ ഭാ​ഗ​മാ​യി ഇ​ടി​മൂ​ഴി​ക്ക​ൽ മു​ത​ൽ വെ​ങ്ങ​ളം വ​രെ​യു​ള്ള 28 കി​ലോ​മീ​റ്റ​റി​ലെ 3354 മ​ര​ങ്ങ​ൾ മു​റി​ച്ചു​മാ​റ്റി​യി​ട്ടു​ണ്ട്. സം​സ്ഥാ​ന​പാ​ത​ക​ളി​ൽ​നി​ന്ന്​ വ്യ​ത്യ​സ്ത​മാ​യി വീ​തി​കൂ​ട്ടു​ന്ന​തി​ന്​ ആ​വ​ശ്യ​മാ​യ മ​ര​ങ്ങ​ൾ മാ​ത്ര​മാ​ണ്​ ദേ​ശീ​യ​പാ​ത​യി​ൽ മു​റി​ച്ചു​മാ​റ്റി​യ​ത്. പ​ന്തീ​രാ​ങ്കാ​വ്​ മു​ത​ൽ രാ​മ​നാ​ട്ടു​ക​ര വ​രെ​യാ​യി​രു​ന്നു ഏ​റ്റ​വും കൂ​ടു​ത​ൽ മ​ര​ങ്ങ​ളു​ണ്ടാ​യി​രു​ന്ന​ത്. പ​ക​രം മ​ര​ങ്ങ​ൾ വെ​ച്ചു​പി​ടി​പ്പി​ക്കാ​ൻ സാ​മൂ​ഹി​ക വ​ന​വ​ത്ക​ര​ണ വി​ഭാ​ഗ​ത്തി​ന്​ 1.60 കോ​ടി രൂ​പ ദേ​ശീ​യ​പാ​ത അ​തോ​റി​റ്റി ​കൈ​മാ​റി​യി​ട്ടു​ണ്ട്. അ​ഴി​യൂ​ർ-​വെ​ങ്ങ​ളം റീ​ച്ചി​ലെ ദേ​ശീ​യ​പാ​ത ന​വീ​ക​ര​ണ​ത്തി​ന്‍റെ ഭാ​ഗ​മാ​യും ത​ണ​ൽ മ​ര​ങ്ങ​ൾ​ക്ക്​ ​കോ​ടാ​ലി വീ​ണു. സം​സ്ഥാ​ന പാ​ത​ക​ളി​ൽ ഇ​തി​നു​ള്ള നീ​ക്ക​ങ്ങ​ൾ തു​ട​ങ്ങി​യി​ട്ടി​ല്ലെ​ന്നാ​ണ്​ വ​നം​വ​കു​പ്പി​ൽ നി​ന്നു​ള്ള വി​വ​രം. മു​റി​ച്ചു​മാ​റ്റി​യ​തി​ന്‍റെ പ​ത്തി​ര​ട്ടി മ​ര​ങ്ങ​ൾ വെ​ച്ചു​പി​ടി​പ്പി​ക്ക​ണ​മെ​ന്നാ​ണ്​ ച​ട്ടം.

എ​ന്നാ​ൽ, റോ​ഡി​ന്​ വീ​തി കൂ​ടു​ന്ന​തോ​ടെ മ​രം ​വെ​ച്ചു​പി​ടി​പ്പി​ക്കാ​ൻ സ്ഥ​ല​മി​ല്ലെ​ന്ന​താ​ണ്​ യാ​ഥാ​ർ​ഥ്യം. ഉ​ങ്ങ്, ബ​ദാം തു​ട​ങ്ങി​യ ത​ണ​ൽ മ​ര​ങ്ങ​ൾ വെ​ച്ചു​പി​ടി​പ്പി​ക്ക​ണ​മെ​ന്നാ​ണ്​ നാ​ട്ടു​കാ​രു​ടെ ആ​വ​ശ്യം. അ​തേ​സ​മ​യം, കു​ണ്ടു​പ​റ​മ്പ്​-​കാ​ര​പ്പ​റ​മ്പ്​ മി​നി ബൈ​പാ​സ്​ റോ​ഡി​ൽ ന​ട​പ്പാ​ത​യി​ൽ ന​ട്ട മ​ര​ങ്ങ​ൾ മു​റി​ച്ചു​മാ​റ്റ​ണ​മെ​ന്ന്​ നാ​ട്ടു​കാ​ർ ആ​വ​ശ്യ​മു​യ​ർ​ത്തി​യി​ട്ടു​ണ്ട്. യാ​​ത്ര​ക്കാ​ർ​ക്ക്​ ഭീ​ഷ​ണി​യാ​ണെ​ന്നാ​ണ്​ ആ​ക്ഷേ​പം.