ഷൈജി
ഉള്ള്യേരി: വീട്ടമ്മയുടെ ആത്മഹത്യയിൽ വിശദമായ അന്വേഷണം ആവശ്യപ്പെട്ട് മകളുടെ പരാതി. അയൽവാസികളായ ഒരുകുടുംബത്തിലെ നാലുപേർക്കെതിരെയാണ് മകൾ അത്തോളി പൊലീസിൽ പരാതി നൽകിയിരിക്കുന്നത്.
ഉള്ള്യേരി പാലോറ കാവോട്ട് ഷൈജിയാണ് (42) ജൂൺ 19 നു പുലർച്ചെ ആത്മഹത്യ ചെയ്തത്. തലേദിവസം രാവിലെ ആരോപണവിധേയമായ കുടുംബത്തിലെ രണ്ടുപേർ വീട്ടിലെത്തി ഷിജിയെയും മക്കളെയും ഭീഷണിപ്പെടുത്തിയതായി പരാതിയിൽ പറയുന്നു. പ്രസ്തുത കുടുംബത്തിലെ സ്ത്രീയും മകളുമാണ് ഇവരുടെ വീട്ടിലെത്തിയത്. ഷിജിയുടെ ചില ഫോട്ടോകൾ മകളെ കാണിച്ചതായും ജീവിക്കാൻ അനുവദിക്കില്ലെന്ന് കുടുംബത്തെ ഭീഷണിപ്പടുത്തിയതായും ബന്ധുക്കൾ പറഞ്ഞു. ഇതിൽ മനംനൊന്താണ് ഇവർ പുലർച്ചെ വീട്ടുമുറ്റത്തെ മരത്തിൽ ഷാളിൽ തൂങ്ങിമരിച്ചത്. മരണപ്പെട്ട ഷിജിയുടെ രണ്ടു കുട്ടികളും വിദ്യാർഥികളാണ്.
പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത അത്തോളി പൊലീസ് അന്വേഷണം ആരംഭിച്ചിട്ടുണ്ട്.
പൊലീസ് അന്വേഷണം തൃപ്തികരമല്ലെങ്കിൽ ആക്ഷൻ കമ്മിറ്റി രൂപവത്കരിക്കുന്നതടക്കമുള്ള പ്രക്ഷോഭപരിപാടികൾ ആരംഭിക്കുമെന്നും ബന്ധുക്കൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.