വടകര: പനിബാധിച്ച് മരിച്ച വയോധികന് എച്ച്1 എൻ1 ബാധയെന്ന് സ്ഥിരീകരണം. ഏറാമല പഞ്ചായത്ത് പതിനാലാം വാർഡ് ഓർക്കാട്ടേരി വൈക്കിലശ്ശേരി റോഡ് നെടൂളി രാമചന്ദ്രൻ (72) ആണ് മരിച്ചത്. പനിബാധിച്ചതിനെ തുടർന്ന് ഓർക്കാട്ടേരി സാമൂഹികാരോഗ്യ കേന്ദ്രത്തിലും വടകര സ്വകാര്യ ആശുപത്രിയിലും ചികിത്സതേടിയിരുന്നു. അസുഖം മൂർച്ഛിച്ചതിനെ തുടർന്ന് കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു.
ചികിത്സയിലിരിക്കെയാണ് തിങ്കളാഴ്‌ച മരിച്ചത്. ഹൃദയസംബന്ധമായ അസുഖവും പ്രമേഹവും കാരണം ചികിത്സയിലായിരുന്നു. മേഖലയിൽ ആരോഗ്യപ്രവർത്തകർ പ്രതിരോധ, ബോധവത്കരണ പ്രവർത്തനങ്ങളും പനി സർവേയും നടത്തി.
പനിയും മറ്റ് ലക്ഷണങ്ങളും ഉള്ളവർക്ക് പ്രതിരോധമരുന്നുകൾ നൽകാൻ മെഡിക്കൽ ഓഫിസർ ഡോ. ഉസ്മാൻ നിർദേശം നൽകി. ഭയപ്പെടേണ്ട സാഹചര്യമില്ലെന്നും പ്രദേശം ആരോഗ്യപ്രവർത്തകരുടെ നിരീക്ഷണത്തിലാണെന്നും തുടർപ്രവർത്തനങ്ങൾ നടന്നുവരുന്നതായും അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.