വട്ടച്ചിറ ഇടമനശ്ശേരി കുടിവെള്ള പദ്ധതി നിലച്ചു

കൂ​രാ​ച്ചു​ണ്ട്: ഗ്രാ​മ​പ​ഞ്ചാ​യ​ത്തി​ലെ പ​ത്താം വാ​ർ​ഡ് വ​ട്ട​ച്ചി​റ ഇ​ട​മ​ന​ശ്ശേ​രി കു​ടി​വെ​ള്ള പ​ദ്ധ​തി പ്ര​വ​ർ​ത്ത​ന​ര​ഹി​ത​മാ​യ​തോ​ടെ നി​ര​വ​ധി കു​ടും​ബ​ങ്ങ​ൾ ദു​രി​ത​ത്തി​ലാ​യി. പ​ഞ്ചാ​യ​ത്തി​ലെ 10, 11 വാ​ർ​ഡു​ക​ളി​ലെ എ​ഴു​പ​തോ​ളം ഗു​ണ​ഭോ​ക്താ​ക്ക​ൾ ഈ ​പ​ദ്ധ​തി​ക്കു​ണ്ട്.

ര​ണ്ടു മാ​സ​ക്കാ​ല​മാ​യി ഇ​വ​ർ​ക്ക് വെ​ള്ളം ല​ഭി​ക്കു​ന്നി​ല്ല. നി​ർ​മാ​ണ​ത്തി​ലെ അ​പാ​ക​ത​യാ​ണ് കു​ടി​വെ​ള്ള പ​ദ്ധ​തി നി​ല​ക്കാ​ൻ കാ​ര​ണം. കി​ണ​റി​ൽ​നി​ന്ന് ഏ​ക​ദേ​ശം 700 മീ​റ്റ​ർ ദൂ​ര​ത്താ​ണ് ടാ​ങ്ക് നി​ർ​മി​ച്ച​ത്. ഇ​ത് വ​ലി​യ ഉ​യ​ര​ത്തി​ലു​മാ​ണ്. അ​തി​നാ​ൽ, വെ​ള്ളം പ​മ്പ് ചെ​യ്യു​മ്പോ​ൾ പൈ​പ്പ് പൊ​ട്ടു​ന്ന​ത് തു​ട​ർ​ക്ക​ഥ​യാ​ണ്.

മോ​ട്ടോ​റി​ന് നി​ര​ന്ത​രം ത​ക​രാ​ർ സം​ഭ​വി​ക്കു​ക​യും ചെ​യ്യു​ന്നു. പൈ​പ്പ് ഗു​ണ​മേ​ന്മ കു​റ​ഞ്ഞ​താ​ണെ​ന്ന പ​രാ​തി​യും ഗു​ണ​ഭോ​ക്താ​ക്ക​ൾ​ക്കു​ണ്ട്. ഗു​ണ​ഭോ​ക്തൃ വി​ഹി​ത​മു​ൾ​പ്പെ​ടെ എ​ടു​ത്തി​ട്ടും ആ​വ​ശ്യ​ത്തി​ന് വെ​ള്ളം ല​ഭി​ക്കാ​ത്ത​തി​ൽ നാ​ട്ടു​കാ​ർ നി​രാ​ശ​യി​ലാ​ണ്. പ​ദ്ധ​തി ന​ട​ത്തി​പ്പി​ന് ജ​ന​കീ​യ ക​മ്മി​റ്റി ഉ​ണ്ടെ​ങ്കി​ലും കാ​ര്യ​ക്ഷ​മ​മ​ല്ലെ​ന്ന പ​രാ​തി​യും നി​ല​വി​ലു​ണ്ട്. കാ​ല​വ​ർ​ഷം ച​തി​ച്ച​തോ​ടെ ജ​ല​സ്രോ​ത​സ്സു​ക​ളി​ലെ വെ​ള്ളം വ​റ്റി​ത്തു​ട​ങ്ങി.

 പ്ര​ദേ​ശ​വാ​സി​ക​ൾ പ​ല​രും പ്ര​കൃ​തി​ദ​ത്ത സ്രോ​ത​സ്സു​ക​ളി​ൽ​നി​ന്ന് പൈ​പ്പ് ഉ​പ​യോ​ഗി​ച്ച് വെ​ള്ള​മെ​ടു​ക്കാ​റു​ണ്ട്. എ​ന്നാ​ൽ, ചൂ​ട് ക​ന​ത്താ​ൽ കു​ടി​വെ​ള്ള പ​ദ്ധ​തി​യെ ത​ന്നെ ആ​ശ്ര​യി​ക്കേ​ണ്ടി​വ​രും. അ​തി​നാ​ൽ ഉ​ട​ൻ പ​ദ്ധ​തി പ്ര​വ​ർ​ത്ത​ന​ക്ഷ​മ​മാ​ക്ക​ണ​മെ​ന്നാ​ണ് ഗു​ണ​ഭോ​ക്താ​ക്ക​ളു​ടെ ആ​വ​ശ്യം.