ചങ്ങരംകുളം: തൃശ്ശൂർ -കുറ്റിപ്പുറം സംസ്ഥാന പാതയിൽ നിർത്തിയിട്ട ചരക്ക് ലോറിയിൽ വാൻ ഇടിച്ച് ആറ് പേർക്ക് പരിക്ക്. ബുധനാഴ്ച പുലർച്ചെ മൂന്നരയോടെ താടിപ്പടിയിലെ പെട്രോൾ പമ്പിന് മുന്നിൽ നിർത്തിയിട്ട ചരക്ക് ലോറിയിലാണ് 10 അംഗ സംഘം സഞ്ചരിച്ച സ്കോർപിയോ വാഹനം നിയന്ത്രണം വിട്ട് ഇടിച്ചത്. എറണാംകുളം കേന്ദ്രീകരിച്ച് പ്രവർത്തിക്കുന്ന ഫാഷൻഷോ ടീം അംഗങ്ങളും സുഹൃത്തുക്കളുമാണ് അപകടത്തിൽ പെട്ട വാഹനത്തിൽ ഉണ്ടായിരുന്നത്. മലപ്പുറം കോട്ടക്കലിൽ നിന്ന് ഫാഷൻ ഷോ പ്രോഗ്രാം കഴിഞ്ഞ് മടങ്ങുകയായിരുന്നു ഇവർ.
അപകടത്തിൽ പരിക്കേറ്റ തൃശ്ശൂർ സ്വദേശി ആൽബർട്ട് (20), കൊല്ലം ചടയമംഗലം സ്വദേശികളായ സുഹൈദ്(19), അസ്ലം(20), കോട്ടയം എരുമേലി സ്വദേശി ജെഫിൻ(21), കോട്ടയം കുറുവിലങ്ങാട് സ്വദേശി ഹേമന്ത്(19) തൃശ്ശൂർ കേച്ചേരി സ്വദേശി നവാഫ് (19) എന്നിവർക്കാണ് പരിക്കേറ്റത്.
വാഹനത്തിൽ കുടുങ്ങിയ ഡ്രൈവർ ആൽബർട്ടിനെ ഫയർഫോഴ്സെത്തി വാഹനം വെട്ടിപ്പൊളിച്ചാണ് പുറത്തെടുത്തത്. ആൽബർട്ടിൻെറ പരിക്ക് ഗുരുതരമാണ്. ഇയാളെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. മറ്റുള്ളവർ ചങ്ങരംകുളത്തെ സ്വകാര്യ ആശുപത്രിയിൽ ചികിത്സയിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.