എടക്കര: സമൂഹ മാധ്യമങ്ങളിൽ പൊലീസിനെതിരെ രൂക്ഷവിമര്‍ശനം നടത്തുകയും കുറ്റം ചെയ്യാൻ മറ്റുള്ളവരെ പ്രചോദിപ്പിക്കുകയും ചെയ്തെന്ന കേസിൽ യുവാവ് പിടിയില്‍. പോത്തുകൽ കോടാലിപൊയിൽ മുണ്ടമ്പ്ര അബ്ദുറഹ്മാനെയാണ് (36) പോത്തുകൽ പൊലീസ് അറസ്റ്റ് ചെയ്തത്.
മാസങ്ങള്‍ക്കു മുമ്പ് ഒരു കേസുമായി ബന്ധപ്പെട്ട് അബ്ദുറഹ്മാന്‍ സമൂഹ മാധ്യമങ്ങളിലൂടെ പൊലീസിനെതിരെ രൂക്ഷ വിമര്‍ശനമുന്നയിച്ചിരുന്നു. അനാവശ്യമായി കേസ് എടുത്താല്‍ വിവരമറിയുമെന്ന് ഭീഷണിപ്പെടുത്തുകയും ചെയ്തു. ഇതിെൻറ അടിസ്ഥാനത്തില്‍ പൊലീസ് ഇയാള്‍ക്കെതിരെ കേസ് എടുത്തിരുന്നു.
കോഴിക്കോട് കേന്ദ്രീകരിച്ച് ഇടിയപ്പം കമ്പനി നടത്തുകയായിരുന്ന ഇയാള്‍ ചൊവ്വാഴ്ച വൈകീട്ട് കോടാലിപൊയിലിലെ വീട്ടില്‍ വന്നപ്പോഴാണ് പിടിയിലായത്. പോത്തുകൽ എസ്.ഐ കെ. അബ്ബാസിെൻറ നേതൃത്വത്തില്‍ എസ്.സി.പി.ഒമാരായ അബ്ദുൽ സലിം, സുരേഷ് ബാബു, സി.പി.ഒമാരായ കൃഷ്ണദാസ്, സജീവ് എന്നിവരടങ്ങുന്ന സംഘമാണ് പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.