മനമിടറി മലയോരം

എ​ട​ക്ക​ര: അം​ഗ​ഭം​ഗം വ​ന്ന ശ​രീ​ര​ങ്ങ​ള്‍, ഉ​ട​ലി​ല്‍നി​ന്ന് അ​റ്റു​പോ​യ കൈ​ക​ാലു​ക​ളും ത​ല​യും, മ​ര​ത്ത​ടി​യ​ാണോ മൃ​ത​ദേ​ഹ​മ​ാണോ എ​ന്നു​പോ​ലും തി​രി​ച്ച​റി​യാ​ന്‍ ക​ഴി​യാ​ത്ത മൃ​ത​ദേ​ഹ​ങ്ങ​ള്‍... ചാ​ലി​യാ​ര്‍ പു​ഴ​യു​ടെ വാ​ണി​യം​പു​ഴ, ത​ല​പ്പാ​ലി തീ​ര​ങ്ങ​ളി​ലെ കാ​ഴ്ച ആ​രെ​യും ക​ണ്ണീര​ണി​യി​ക്കു​ന്ന​താ​യി​രു​ന്നു.

മേ​പ്പാ​ടി മു​ണ്ട​ക്കൈ ഉ​രു​ള്‍പൊ​ട്ട​ലി​ല്‍ ചാ​ലി​യാ​റി​ലൂ​ടെ ഒ​ഴു​കി​വ​ന്ന് തീ​ര​ങ്ങ​ളി​ലും മ​ര​ത്ത​ടി​ക​ളി​ലും അ​ടി​ഞ്ഞ മൃ​ത​ദേ​ഹ​ങ്ങ​ളു​ടെ അ​വ​സ്ഥ​യാ​ണി​ത്. ത​ല​പ്പാ​ലി, വാ​ണി​യം​പു​ഴ എ​ന്നി​വി​ട​ങ്ങ​ളി​ല്‍ നി​ന്നാ​ണ് ഏ​റ്റ​വു​മ​ധി​കം മൃ​ത​ദേ​ഹ​ങ്ങ​ള്‍ ക​ണ്ടെ​ടു​ത്ത​ത്. ത​ല​പ്പാ​ലി​യി​ല്‍നി​ന്ന് നാ​ല് മൃ​ത​ദേ​ഹ​ങ്ങ​ള്‍ ല​ഭി​ച്ചു. ഇ​തി​ന് എ​തി​ര്‍വ​ശ​ത്താ​യി ചാ​ലി​യാ​ര്‍ പു​ഴ​യു​ടെ മ​റു​ക​ര​യി​ല്‍ വാ​ണി​യം​പു​ഴ ഊ​രി​നോ​ട് ചേ​ര്‍ന്ന തീ​ര​ത്ത് നി​ര​വ​ധി മൃ​ത​ദേ​ഹ​ങ്ങ​ളാ​ണ് അ​ടി​ഞ്ഞ​ത്.

അ​ഞ്ഞൂ​റ് മീ​റ്റ​റി​നു​ള്ളി​ല്‍ നി​ന്നും നി​ര​വ​ധി മൃ​ത​ദേ​ഹ​ങ്ങ​ളും മൃ​ത​ദേ​ഹ​ഭാ​ഗ​ങ്ങ​ളും ര​ക്ഷാ​പ്ര​വ​ര്‍ത്ത​ക​ര്‍ ക​ണ്ടെ​ടു​ത്തു. പു​ഴ​യു​ടെ തീ​ര​ത്ത് തി​രി​ച്ച​റി​യാ​നാ​കാ​ത്ത വി​ധം മാം​സ​ക​ഷ​ണ​ങ്ങ​ളാ​യി​രു​ന്നു ഭൂ​രി​ഭാ​ഗ​വും. ചി​ല​തൊ​ക്ക മ​ണ്ണി​ല്‍ പു​ത​ഞ്ഞ നി​ല​യി​ലു​മാ​യി​രു​ന്നു. മു​ണ്ട​ക്കൈ​യി​ല്‍നി​ന്ന് 12 കി​ലോ​മീ​റ്റ​ര്‍ ദൂ​ര​മാ​ണ് പോ​ത്തു​ക​ല്ലി​ലേ​ക്കു​ള്ള​ത്. ഉ​രു​ള്‍പൊ​ട്ട​ലി​ല്‍ പു​ഴ​യി​ലെ മ​ര​ങ്ങ​ളി​ല​ിടി​ച്ചും ക​ല്ലു​ക​ള്‍ക്കി​ട​യി​ല​മ​ര്‍ന്നും വെ​ള്ള​ച്ചാ​ട്ട​ങ്ങ​ളി​ലൂ​ടെ​യും ഒ​ലി​ച്ചെ​ത്തി​യ​വ​യാ​യി​രു​ന്നു മൃ​ത​ദേ​ഹ​ങ്ങ​ള്‍. ത​ല​പ്പാ​ലി​ക്ക് മു​ക​ളി​ല്‍ പു​ഴ​യു​ടെ തീ​ര​ങ്ങ​ളി​ല്‍ കൂ​ടു​ത​ല്‍ മൃ​ത​ദേ​ഹ​ങ്ങ​ള്‍ ഉ​ണ്ടാ​കു​മെ​ന്നാ​ണ് ക​രു​തു​ന്ന​ത്. ചു​ങ്ക​ത്ത​റ പ​ഞ്ചാ​യ​ത്തി​ലെ പൂ​ക്കോ​ട്ടു​മ​ണ്ണ, കൈ​പ്പി​നി പാ​ല​ങ്ങ​ള്‍ക്ക് സ​മീ​പ​ത്ത് നി​ന്നു​വ​രെ മൃ​ത​ദേ​ഹ​ങ്ങ​ള്‍ ക​ണ്ടെ​ത്തി.

ചാ​ലി​യാ​റി​ലെ അ​തി​ശ​ക്ത​മാ​യ ഒ​ഴു​ക്കും, പ്ര​തി​കൂ​ല കാ​ലാ​വ​സ്ഥ​യും തി​ര​ച്ചി​ലി​നെ ബാ​ധി​ച്ചി​രു​ന്നു. എ​ങ്കി​ലും രാ​വി​ലെ മു​ത​ല്‍ ഓ​രോ പ്ര​ദേ​ശ​ത്തെ​യും ആ​ളു​ക​ള്‍ ഓ​രോ സ്ഥ​ല​ങ്ങ​ളി​ല്‍ തി​ര​ച്ചി​ല്‍ ആ​രം​ഭി​ച്ചി​രു​ന്നു.