പെരിന്തൽമണ്ണ ആർ.ടി ഓഫിസർ ബിനോയ് വർഗീസ് സൂരജിന് ഡ്രൈവിങ് ലൈസൻസ് കൈമാറുന്നു
വെട്ടത്തൂർ: ഉയരക്കുറവ് പരിമിതിയല്ലെന്ന് തെളിയിച്ച് നടൻ സൂരജ് തേലക്കാടിന് ഇനി ധൈര്യമായി വാഹനമോടിക്കാം. ഏറെ നാളത്തെ ആഗ്രഹമാണ് വെള്ളിയാഴ്ച ഫോർ വീൽ ലൈസൻസ് ലഭിച്ചതോടെ സഫലമായത്.
പെരിന്തൽമണ്ണ ആർ.ടി ഓഫിസിൽനിന്നാണ് 25കാരനായ സൂരജ് ലൈസൻസ് കരസ്ഥമാക്കിയത്. സ്വന്തമായി കാർ വാങ്ങിയിരുന്നെങ്കിലും ലൈസൻസ് ഇല്ലാത്തത് ബുദ്ധിമുട്ടായിരുന്നു. ഡ്രൈവിങ്ങിനായി കാറിൽ പ്രേത്യക സജ്ജീകരണങ്ങൾ ഒരുക്കിയിട്ടുണ്ട്.
മലപ്പുറം വെട്ടത്തൂർ തേലക്കാട് സ്വദേശിയായ സൂരജ് കലോത്സവ വേദികളിൽനിന്നാണ് മിമിക്രി രംഗത്തേക്കെത്തുന്നത്. പിന്നീട്, മിനിസ്‌ക്രീനിലും എത്തി. സിനിമകളിലും സജീവമായ സൂരജ് ആൻഡ്രോയ്ഡ് കുഞ്ഞപ്പൻ, ചാർളി, ഉദാഹരണം സുജാത, വിമാനം, ക്യാപ്പുചീനോ, ഒരു അഡാർ ലൗ, അമ്പിളി, എന്നോട് പറ ഐ ലവ് യു തുടങ്ങിയ സിനിമകളിൽ അഭിനയിച്ചു.
ടി.വി ഷോകളിലും സജീവമാണ്. പെരിന്തൽമണ്ണ ആർ.ടി ഓഫിസർ ബിനോയ് വർഗീസ് സൂരജിന് ഡ്രൈവിങ് ലൈസൻസ് കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.