പെരിന്തൽമണ്ണ: കാറിൽ കടത്തുകയായിരുന്ന 12 ലിറ്റർ മദ്യം പെരിന്തൽമണ്ണയിൽ എക്സൈസ് സംഘം പിടികൂടി. സംഭവത്തിൽ തുവ്വൂർ പലേരി തേക്കിൻകാട്ടിൽ വീട്ടിൽ രാജീവിനെ (33) അറസ് റ്റ് ചെയ്തു.
പെരിന്തൽമണ്ണ ബൈപാസ് റോഡിൽ നടത്തിയ വാഹനപരിശോധനക്കിടെയാണ് മദ്യം പിടികൂടിയത്. ബിവറേജസ് ഔട്ട്ലറ്റുകളിൽനിന്ന് വൻതോതിൽ മദ്യം വാങ്ങി ഉൾപ്രദേശങ്ങളിൽ എത്തിച്ച് കൂടുതൽ വിലയ്ക്ക് ചില്ലറയായി വിൽക്കുന്നത് പെരിന്തൽമണ്ണയിൽ അടുത്തകാലത്തായി കൂടിയിട്ടുണ്ട്. കടത്താനുപയോഗിച്ച കാറും കസ്റ്റഡിയിലെടുത്തു. ഓണാഘോഷത്തോടനുബന്ധിച്ച് കുറ്റകൃത്യങ്ങൾ തടയുന്നതിനായി നടപ്പാക്കിയ സ്പെഷൽ ഡ്രൈവ് കാലയളവിൽ ഇതുവരെ 70 ലിറ്റർ മദ്യവും 100 ലിറ്റർ വാഷും അവ കടത്തിയ വാഹനങ്ങളും പിടികൂടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.