പ്ലാസ്റ്റിക് ഉപയോഗിച്ചാൽ ഉദ്യോഗസ്ഥർക്കും പിഴ

പൊ​ന്നാ​നി: പ്ലാ​സ്റ്റി​ക് ഉ​പ​യോ​ഗി​ച്ചാ​ൽ ഉ​ദ്യോ​ഗ​സ്ഥ​ർ​ക്കും പി​ഴ വീ​ഴും. പൊ​ന്നാ​നി ന​ഗ​ര​സ​ഭ ചെ​യ​ർ​മാ​ൻ വി​ളി​ച്ചു​ചേ​ർ​ത്ത വി​വി​ധ ഓ​ഫി​സ് മേ​ധാ​വി​ക​ളു​ടേ​യും സ്കൂ​ൾ-​കോ​ള​ജ് പ്ര​ധാ​നാ​ധ്യാ​പ​ക​രു​ടെ​യും മെ​ഡി​ക്ക​ൽ ഓ​ഫി​സ​ർ​മാ​രു​ടെ​യും യോ​ഗ​ത്തി​ലാ​ണ് അ​ത​ത് സ്ഥാ​പ​ന​ങ്ങ​ൾ കേ​ന്ദ്രീ​ക​രി​ച്ച് ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്താ​നും ഗ്രീ​ൻ പ്രോ​ട്ടോ​കോ​ൾ ക​ർ​ശ​ന​മാ​യി പാ​ലി​ക്കാ​നും ക​ർ​മ​പ​ദ്ധ​തി​ക്ക് രൂ​പം ന​ൽ​കി​യ​ത്. ഇ​ത​നു​സ​രി​ച്ച് വി​ദ്യാ​ല​യ​ങ്ങ​ളി​ൽ ശു​ചി​ത്വ അ​സം​ബ്ലി, ര​ക്ഷാ​ക​ർ​തൃ സം​ഗ​മ​ങ്ങ​ൾ, ബോ​ധ​വ​ത്ക​ര​ണ പ​രി​പാ​ടി​ക​ൾ എ​ന്നി​വ സം​ഘ​ടി​പ്പി​ക്കും. മൈ​ന​ർ ഇ​റി​ഗേ​ഷ​ൻ വ​കു​പ്പി​ന്റെ ആ​ഭി​മു​ഖ്യ​ത്തി​ൽ തോ​ടു​ക​ളു​ടെ​യും ജ​ലാ​ശ​യ​ങ്ങ​ളു​ടെ​യും ശു​ചീ​ക​ര​ണ​ത്തി​ന് പ​ദ്ധ​തി ത​യാ​റാ​ക്കും. തെ​രു​വി​ൽ മാ​ലി​ന്യം വ​ലി​ച്ചെ​റി​യു​ന്ന​വ​രെ പി​ടി​കൂ​ടി ശി​ക്ഷി​ക്കാ​ൻ പൊ​ലീ​സ്, ന​ഗ​ര​സ​ഭ ആ​രോ​ഗ്യ​വി​ഭാ​ഗം എ​ന്നി​വ​രു​ടെ സം​യു​ക്താ​ഭി​മു​ഖ്യ​ത്തി​ൽ രാ​ത്രി​കാ​ല പ​ട്രോ​ളി​ങ് ഏ​ർ​പ്പെ​ടു​ത്തും. തെ​രു​വു​ക​ളി​ൽ മാ​ലി​ന്യം ത​ള്ളു​ന്ന​വ​രെ ക​ണ്ടെ​ത്തി ഫോ​ണി​ൽ ദൃ​ശ്യ​ങ്ങ​ൾ പ​ക​ർ​ത്തി അ​റി​യി​ക്കു​ന്ന​വ​ർ​ക്ക് 2500 രൂ​പ പാ​രി​തോ​ഷി​കം പ്ര​ഖ്യാ​പി​ച്ചി​രു​ന്നു. ഇ​ത്ത​രം സാ​മൂ​ഹി​ക​വി​രു​ദ്ധ​രെ ക​ണ്ടെ​ത്തു​ന്ന​തി​ന് പൊ​തു​ജ​ന​ങ്ങ​ളു​ടെ സ​ഹ​ക​ര​ണം ഉ​റ​പ്പു​വ​രു​ത്തും. ഫി​ഷ​റീ​സ്, തീ​ര​ദേ​ശ പൊ​ലീ​സ് എ​ന്നി​വ​രു​ടെ നേ​തൃ​ത്വ​ത്തി​ൽ തീ​ര​പ്ര​ദേ​ശ​ത്ത് ബോ​ധ​വ​ത്ക​ര​ണ-​ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ സം​ഘ​ടി​പ്പി​ക്കും.

ഓ​ഫി​സു​ക​ളി​ൽ ജീ​വ​ന​ക്കാ​ർ ഗ്രീ​ൻ പ്രോ​ട്ടോ​കോ​ൾ പാ​ലി​ക്ക​ണ​മെ​ന്നും പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ ഉ​പ​യോ​ഗി​ക്കു​ന്ന ജീ​വ​ന​ക്കാ​രെ ക​ണ്ടെ​ത്തി ആ​ദ്യ​ഘ​ട്ട​ത്തി​ൽ താ​ക്കീ​ത് ന​ൽ​ക്കാ​നും പി​ഴ ചു​മ​ത്താ​നും ഓ​ഫി​സ് മേ​ധാ​വി​ക​ൾ​ക്ക് നി​ർ​ദേ​ശം ന​ൽ​കി. യോ​ഗ​ത്തി​ൽ ന​ഗ​ര​സ​ഭ ചെ​യ​ർ​മാ​ൻ ശി​വ​ദാ​സ് ആ​റ്റു​പു​റം അ​ധ്യ​ക്ഷ​ത വ​ഹി​ച്ചു.

വൈ​സ് ചെ​യ​ർ​മാ​ൻ ബി​ന്ദു സി​ദ്ധാ​ർ​ഥ​ൻ, സ്ഥി​രം​സ​മി​തി ചെ​യ​ർ​മാ​ന്മാ​രാ​യ ഷീ​ന സു​ദേ​ശ​ൻ, മു​ഹ​മ്മ​ദ് ബ​ഷീ​ർ, ര​ജീ​ഷ് ഊ​പ്പാ​ല, ഡെ​പ്യൂ​ട്ടി ത​ഹ​സി​ൽ​ദാ​ർ സു​രേ​ഷ്, ഡോ. ​ആ​ഷി​ക് അ​മ​ൻ, അ​ധ്യാ​പ​ക​രാ​യ ബ​ദ​റു​ന്നീ​സ, സു​ധ തു​ട​ങ്ങി​യ​വ​ർ സം​സാ​രി​ച്ചു. ക്ലീ​ൻ സി​റ്റി മാ​നേ​ജ​ർ സു​ബ്ര​ഹ്മ​ണ്യ​ൻ സ്വാ​ഗ​ത​വും ഷീ​ന സു​ദേ​ശ​ൻ ന​ന്ദി​യും പ​റ​ഞ്ഞു.