വീട് പ്രവൃത്തിക്കിടെ വാൾ തകർന്ന് അപകടമുണ്ടായ പൂളക്കൽ പാട്ടശ്ശേരി സജീവിന്റെ വീട്
വണ്ടൂർ: വീട് പുതുക്കിപ്പണിയുന്നതിനിടയിൽ ഷോ വാൾ തകർന്ന് വീണ് രണ്ട് കെട്ടിട നിർമാണ തൊഴിലാളികൾക്ക് ഗുരുതര പരിക്കേറ്റു. വണ്ടൂർ പൂളക്കൽ മാങ്ങാതൊടി വിനീഷ്, മാങ്ങാതൊടി മണികണ്ഠൻ എന്നിവർക്കാണ് പരിക്ക്. ഇവരെ ആദ്യം വണ്ടൂരിലെ സ്വകാര്യ ആശുപത്രിയിലും പിന്നീട് പെരിന്തൽമണ്ണയിലെ സ്വകാര്യ ആശുപത്രിയിലും പ്രവേശിപ്പിച്ചു.
ശനിയാഴ്ച രാവിലെ 7.30 ഓടെയാണ് സംഭവം. പൂളക്കൽ അംഗൻവാടിക്കു സമീപത്തെ പാട്ടശ്ശേരി സജീവിന്റെ വീടിന്റെ രണ്ടാം നിലയുടെ മുകളിൽ പണിത ഷോവാളാണ് തകർന്നത്. ഇത് ഇരുവരുടെയും ദേഹത്തേക്ക് മറിഞ്ഞു വീഴുകയായിരുന്നു. ഇവരോടൊപ്പം മൂന്ന് ജോലിക്കാർ വേറെയും ഉണ്ടായിരുന്നു. ഇവർ പരിക്കേൽക്കാതെ രക്ഷപെട്ടു. എല്ലാവരും ജോലിക്കെത്തി പണി തുടങ്ങുന്നതിനിടയിലായിരുന്നു അപകടം. തുടർന്ന് തിരുവാലിയിൽ നിന്നെത്തിയ അഗ്നിരക്ഷാസേന വാൾ കട്ട് ചെയ്താണ്പരിക്കേറ്റവരെ പുറത്തെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.