ജോലി വാഗ്ദാനം ചെയ്ത് മനുഷ്യക്കടത്ത്: ചിറ്റൂർ സ്വദേശി പിടിയിൽ

ചി​റ്റൂ​ർ: വി​ദേ​ശ ജോ​ലി വാ​ഗ്ദാ​നം ചെ​യ്ത് മ​നു​ഷ്യക്കട​ത്ത് ന​ട​ത്തി​യ സം​ഭ​വ​ത്തി​ൽ ചി​റ്റൂ​ർ നീ​ർ​ക്കോ​ട് സ്വ​ദേ​ശി പൊ​ലീ​സ് പി​ടി​യി​ലാ​യി. ചി​റ്റൂ​ർ ടെ​ക്നി​ക്ക​ൽ ഹൈ​സ്കൂ​ളി​ന് സ​മീ​പം നീ​ർ​ക്കോ​ട് മ​ണി​യു​ടെ മ​ക​ൻ നി​ഖി​ൽ ദാ​സ്(28) ആ​ണ് പി​ടി​യി​ലാ​യ​ത്.

ക​മ്പോ​ഡി​യ​യി​ൽ ഉ​യ​ർ​ന്ന ശ​മ്പ​ള​ത്തി​ൽ ജോ​ലി വാ​ഗ്ദാ​നം ചെ​യ്ത് ക​ല്ല​ടി​ക്കോ​ട് സ്വ​ദേ​ശി അ​ഭി​ലാ​ഷി​ൽ​നി​ന്ന് 4.20 ല​ക്ഷം രൂ​പ കൈ​ക്ക​ലാ​ക്കി​യ യു​വാ​വി​നെ​യാ​ണ് ചി​റ്റൂ​ർ പൊ​ലീ​സ്പി ​ടി​കൂ​ടി​യ​ത്. താ​യ്‌​ല​ൻ​ഡി​ൽ​നി​ന്ന് റോ​ഡ് മാ​ർ​ഗം ക​മ്പോ​ഡി​യ​യി​ലേ​ക്ക് പോ​ക​വേ വ​ഴി​യി​ൽ​വെ​ച്ച് ഒ​രു സം​ഘം ഇ​വ​രെ ത​ട​വി​ലാ​ക്കു​ക​യും മാ​സ​ങ്ങ​ൾ അ​ടി​മ വേ​ല ചെ​യ്യി​ക്കു​ക​യും ചെ​യ്തു.

വീ​ട്ടു​കാ​രു​ടെ പ​രാ​തി​യി​ൽ താ​യ്‌​ല​ൻ​ഡി​ലെ ഇ​ന്ത്യ​ൻ വി​ദേ​ശ​കാ​ര്യ​മ​ന്ത്രാ​ല​യം ഇ​ട​പെ​ട്ട​തി​നെ തു​ട​ർ​ന്നാ​ണ് അ​ഭി​ലാ​ഷ് ഉ​ൾ​പ്പെ​ടെ ആ​ളു​ക​ളു​ടെ മോ​ച​നം സാ​ധ്യ​മാ​യ​ത്. അ​ഭി​ലാ​ഷി​ന്റെ പി​താ​വി​ന്റെ പ​രാ​തി​യെ തു​ട​ർ​ന്ന് ചി​റ്റൂ​ർ പൊ​ലീ​സ് അ​ന്വേ​ഷ​ണം ന​ട​ത്തു​ക​യാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.