കരിമ്പാറ മേഖലയിൽ റോഡിൽ പുലിയിറങ്ങി

നെ​ന്മാ​റ: ക​ഴി​ഞ്ഞ​ദി​വ​സം രാ​വി​ലെ​യും രാ​ത്രി​യി​ലും ക​രി​മ്പാ​റ​ക്ക് സ​മീ​പ​മു​ള്ള ര​ണ്ടി​ട​ങ്ങ​ളി​ൽ പു​ലി​യെ ക​ണ്ടു. വെ​ള്ളി​യാ​ഴ്ച രാ​വി​ലെ ക​ൽ​ച്ചാ​ടി​യി​ൽ ടാ​പ്പി​ങ്ങി​ന് പോ​യ പ്ര​ദീ​പാ​ണ് റ​ബ​ർ തോ​ട്ട​ത്തി​ന് സ​മീ​പ​ത്തു​നി​ന്നും പു​ലി ഓ​ടി​പ്പോ​കു​ന്ന​ത് ക​ണ്ട​ത്. പു​ലി​യെ ക​ണ്ട പ്ര​ദീ​പ് തൊ​ട്ട​ടു​ത്ത മ​റ്റ് തോ​ട്ട​ങ്ങ​ളി​ലെ തൊ​ഴി​ലാ​ളി​ക​ളെ​യും വി​വ​ര​മ​റി​യി​ച്ചു.

വൈ​കീ​ട്ട് കോ​പ്പ​ൻ​കു​ള​മ്പ് സ്വ​ദേ​ശി അ​സു​ഖ​ബാ​ധി​ത​നാ​യ സി​ബി​യെ ഡോ​ക്ട​റെ കാ​ണി​ച്ച് മ​ട​ങ്ങി​വ​രു​ന്ന വ​ഴി​യി​ൽ രാ​ത്രി 10 ഓ​ടെ ത​ളി​പ്പാ​ട​ത്ത് റോ​ഡ​രി​കി​ൽ പു​ലി പ​തു​ങ്ങി നി​ൽ​ക്കു​ന്ന​തു​ക​ണ്ട് ഡ്രൈ​വ​ർ എ. ​സു​ലൈ​മാ​നും സ​ഹാ​യി വി. ​ഉ​ണ്ണി​കൃ​ഷ്ണ​നും വാ​ഹ​നം നി​ർ​ത്തി​യ​തോ​ടെ റോ​ഡി​നു​കു​റു​കെ വാ​ഹ​ന​ത്തി​നു മു​ന്നി​ലൂ​ടെ പു​ലി ചാ​ടി കാ​ട്ടി​ലേ​ക്ക് പോ​യി. ത​ളി​പ്പാ​ട​ത്ത് ക​ഴി​ഞ്ഞ​ദി​വ​സം രാ​ത്രി പു​ലി​യെ ക​ണ്ട​തി​ന് തൊ​ട്ട​ടു​ത്ത ര​ണ്ടു വീ​ടു​ക​ളി​ൽ നി​ന്നാ​യി ഒ​രു മാ​സം മു​മ്പ് ആ​ടു​ക​ളെ പു​ലി പി​ടി​ച്ചി​രു​ന്നു.

രാ​വി​ലെ പു​ലി​യെ ക​ണ്ട ക​ൽ​ച്ചാ​ടി പ്ര​ദേ​ശ​വും വൈ​കി​ട്ട് പു​ലി​യെ ക​ണ്ട ത​ളി​പ്പാ​ടം പ്ര​ദേ​ശ​വും ത​മ്മി​ൽ റോ​ഡ് വ​ഴി മൂ​ന്നു കി​ലോ​മീ​റ്റ​ർ ദൂ​ര​മു​ണ്ടെ​ങ്കി​ലും ഒ​രു കു​ന്നി​ന്റെ ഇ​രു​വ​ശ​വു​മാ​ണ്. ത​ളി​പ്പാ​ടം ഭാ​ഗ​ത്ത് മു​മ്പും പു​ലി​യു​ടെ സാ​ന്നി​ധ്യ​വും ആ​ടു​ക​ളെ പി​ടി​ച്ചു കൊ​ണ്ടു പോ​യ സം​ഭ​വ​വും ഉ​ണ്ടാ​യ​തി​നാ​ൽ പ്ര​ദേ​ശ​ത്ത് രാ​ത്രി സ​ഞ്ചാ​രം ഭ​യ​പ്പാ​ടോ​ടെ​യാ​ണ്. കാ​ട്ടു​പ​ന്നി, മാ​ൻ, എ​ന്നി​വ പു​ലി​യെ​യും മ​റ്റും പേ​ടി​ച്ച് ഇ​ട​ക്കി​ടെ റോ​ഡി​ൽ വ​ന്ന് നി​ൽ​ക്കു​ന്ന​ത് മേ​ഖ​ല​യി​ൽ പ​തി​വാ​ണ്. റ​ബ്ബ​ർ തോ​ട്ട​ങ്ങ​ളി​ൽ അ​തി​രാ​വി​ലെ പു​ലി​യു​ടെ സാ​ന്നി​ധ്യം കാ​ണു​ന്ന​ത് ടാ​പ്പി​ങ് തൊ​ഴി​ലാ​ളി​ക​ൾ​ക്കും ഭീ​ഷ​ണി​യാ​കു​ന്നു​ണ്ട്. കു​റ​ച്ചു മാ​സ​ങ്ങ​ൾ​ക്കു​മു​മ്പ് ക​ൽ​ച്ചാ​ടി​ക്ക് അ​ടു​ത്തു​ള്ള ച​ള്ള​യി​ൽ​നി​ന്നാ​ണ് അ​വ​ശ​നി​ല​യി​ൽ പ​ക​ൽ സ​മ​യ​ത്ത് പു​ലി​യെ വ​നം വ​കു​പ്പ് പി​ടി​കൂ​ടി​യ​ത്.

നെ​ന്മാ​റ​യി​ൽ​നി​ന്ന് ക​രി​മ്പാ​റ​യി​ലേ​ക്ക് വ​രു​ന്ന പ്ര​ധാ​ന പാ​ത​യോ​ര​ത്താ​ണ് ക​ഴി​ഞ്ഞ​ദി​വ​സം പു​ലി​യെ ക​ണ്ട ത​ളി​പ്പാ​ടം പ്ര​ദേ​ശം. വ​ന​പ്ര​ദേ​ശ​ത്തി​ന് ചു​റ്റും വൈ​ദ്യു​ത വേ​ലി വ​നം വ​കു​പ്പ് സ്ഥാ​പി​ച്ചി​ട്ടു​ണ്ടെ​ങ്കി​ലും വ​ന്യ​മൃ​ഗ​ങ്ങ​ൾ റോ​ഡി​ൽ സ്ഥി​ര​മാ​യി ഇ​റ​ങ്ങു​ന്ന​ത് പ്ര​ദേ​ശ​വാ​സി​ക​ൾ ഭീ​തി​യോ​ടെ​യാ​ണ് കാ​ണു​ന്ന​ത്.