പുട്ടിയ സി.എഫ്.ടി.കെ അക്കാദമിക് േബ്ലാക്ക് കെട്ടിടം
കോന്നി: പതിനൊന്ന് വർഷം മുമ്പ് കോന്നി പെരിഞ്ഞൊട്ടക്കൽ സി.എഫ്.ആർ.ഡി (ഫുഡ് ടെക്നോളജി) കോളജിൽ നിർമിച്ച സി.എഫ്.ടി.കെ അക്കാദമിക് ബ്ലോക്ക് കെട്ടിടം കാടുകയറി നശിക്കുന്നു.
പെരിഞ്ഞൊട്ടക്കലിൽ സിഎഫ്ആർഡിയുടെ നേതൃത്വത്തിൽ 2009 ലാണ് പതിനഞ്ച് കുട്ടികളെ ചേർത്ത് എംഎസ്.സി ഫുഡ് ടെക്നോളജി ആൻഡ് ക്വാളിറ്റി അഷ്വറൻസ് കോഴ്സ് ആരംഭിക്കുന്നത്. കാമ്പസിലെ പഴയ കെട്ടിടത്തിലാണ് ക്ലാസ് ആരംഭിച്ചത്. 2009ൽ മുപ്പത് കുട്ടികളെ ചേർത്ത് ബി.എസ് സി കോഴ്സും ആരംഭിച്ചു. അതോടൊപ്പം അന്ന് അക്കാദമിക് ബ്ലോക്കിന്റെ നിർമാണം ആരംഭിച്ച് 2013 ൽ കെട്ടിടം ഉദ്ഘാടനം ചെയ്യുകയും ചെയ്തു. ഈ കെട്ടിടമാണ് ഇപ്പോൾ കാടുകയറി നശിക്കുന്നത്. ലബോറട്ടറി മേൽക്കൂര ചോർന്ന് ഒലിക്കാൻ തുടങ്ങിയതോടെ ക്ലാസ് ഇവിടെനിന്ന് മാറ്റുകയായിരുന്നു.
സിഎഫ്ആർഡി കോളജിൽ പ്രിൻസിപ്പൽ ഇല്ലാതെയായിട്ട് ഒരു വർഷം കഴിഞ്ഞു. വൈസ് പ്രിൻസിപ്പൽ ഇല്ലാത്തതിനാൽ കോളേജിലെ സീനിയർ അധ്യാപകനാണ് ചാർജ്.
മികച്ച രീതിയിൽ പ്രവർത്തിച്ചിരുന്ന കോളജിന്റെ അവസ്ഥ ഇപ്പോൾ പ്രതിസന്ധിയിൽ ആണ്. നിലവിൽ ബിഎസ് സി കോഴ്സിൽ 29 പേരും എംഎസ് സി കോഴ്സിൽ 16പേരുമാണ് ഉള്ളത്. ബിഎസ് സിക്ക് 40 സീറ്റ് ആണ് ഉള്ളതെങ്കിലും അടിസ്ഥാന സൗകര്യങ്ങളുടെ കുറവുകൾ മൂലം കുട്ടികൾ വളരെയേറെ കുറഞ്ഞിട്ടുണ്ട്. എംബിഎ കോഴ്സിനായി കെട്ടിടം നിർമിച്ചുവെങ്കിലും കെട്ടിടത്തിന് നമ്പർ ഇടുകയോ വൈദ്യുതി ലഭിക്കുകയോ ചെയ്തിട്ടില്ല. കോഴ്സും തുടങ്ങിയില്ല. ഇവിടെയാണ് ഇപ്പോൾ താൽകാലിക ക്ലാസ് നടത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.