വന്യജീവികളുടെ ആവാസ കേന്ദ്രമായി തോട്ടങ്ങൾ

 കോ​ന്നി: കോ​ന്നി​യി​ലെ വി​വി​ധ പ​ഞ്ചാ​യ​ത്തു​ക​ളി​ൽ കാ​ടു​ക​യ​റി കി​ട​ക്കു​ന്ന സ്വ​കാ​ര്യ ഭൂ​മി​ക​ൾ വ​ന്യ​ജീ​വി​ക​ളു​ടെ ആ​വാ​സ​കേ​ന്ദ്ര​ങ്ങ​ളാ​യി മാ​റു​ന്നു.

പാ​ക​ണ്ടം, ഇ​ഞ്ച​പ്പാ​റ പ്ര​ദേ​ശ​ങ്ങ​ളി​ൽ പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ച സ്ഥ​ല​ങ്ങ​ളി​ലും ആ​ടി​നെ​യും പ​ശു​ക്കി​ടാ​വി​നെ​യും ആ​ക്ര​മി​ച്ച സ്ഥ​ല​ങ്ങ​ളും ഇ​ത്ത​ര​ത്തി​ൽ കാ​ടു​ക​യ​റി കി​ട​ക്കു​ന്ന സ്വ​കാ​ര്യ ഭൂ​മി​യു​ള്ള ഭാ​ഗ​ങ്ങ​ളാ​യി​രു​ന്നു. കാ​ടി​റ​ങ്ങി എ​ത്തു​ന്ന പു​ലി പോ​ലെ​യു​ള്ള മൃ​ഗ​ങ്ങ​ൾ​ക്ക്​ ഉ​ൾ​പ്പെ​ടെ ഒ​ളി​ച്ചി​രി​ക്കാ​ൻ പ​റ്റി​യ പ്ര​ധാ​ന താ​വ​ള​മാ​യി മാ​റു​ക​യാ​ണ് ഇ​ത്ത​രം സ്വ​കാ​ര്യ ഭൂ​മി​ക​ൾ.

കോ​ന്നി​യി​ലെ വി​വി​ധ പ്ര​ദേ​ശ​ങ്ങ​ളി​ൽ ഉ​ട​മ​സ്ഥ​ൻ നാ​ട്ടി​ലു​ള്ള​തും വി​ദേ​ശ​ത്ത് ഉ​ട​മ​സ്ഥ​ർ ഉ​ള്ള​തു​മാ​യ നി​ര​വ​ധി ഭൂ​മി​യാ​ണ് കാ​ടു​ക​യ​റി കാ​ട്ടു​പ​ന്നി ഉ​ൾ​പ്പെ​ടെ വ​ന്യ​ജീ​വി​ക​ളു​ടെ ആ​വാ​സ കേ​ന്ദ്ര​മാ​യി മാ​റി​യി​രി​ക്കു​ന്ന​ത്.

റ​ബ​ർ തോ​ട്ട​ങ്ങ​ളാ​ണ് കൂ​ടു​ത​ലും കാ​ട് ക​യ​റി​യി​രി​ക്കു​ന്ന​ത്. വ​ന​മേ​ഖ​ല​യോ​ട് ചേ​ർ​ന്ന് കി​ട​ക്കു​ന്ന ജ​ന​വാ​സ മേ​ഖ​ല​ക​ളി​ലാ​ണ് കൂ​ടു​ത​ലും സ്വ​കാ​ര്യ വ്യ​ക്തി​ക​ളു​ടെ പ​റ​മ്പു​ക​ളി​ൽ കാ​ടു​ക​ൾ വ​ള​ർ​ന്നു​നി​ൽ​ക്കു​ന്ന​ത്.

ബ​ന്ധ​പ്പെ​ട്ട ഗ്രാ​മ​പ​ഞ്ചാ​യ​ത്ത് അ​ധി​കൃ​ത​ർ ഈ ​സ്ഥ​ല​മു​ട​മ​ക​ളു​മാ​യി ബ​ന്ധ​പ്പെ​ട്ട് ഈ ​കാ​ടു​ക​ൾ നീ​ക്കം​ചെ​യ്‌​താ​ൽ​ത​ന്നെ പു​ലി ഉ​ൾ​പ്പെ​ടെ വ​ന്യ​മൃ​ഗ​ങ്ങ​ൾ നാ​ട്ടി​ൽ ഇ​റ​ങ്ങി വ​ള​ർ​ത്തു​മൃ​ഗ​ങ്ങ​ളെ കൊ​ല്ലു​ന്ന സം​ഭ​വ​ങ്ങ​ൾ​ക്ക് ഒ​രു പ​രി​ധി വ​രെ പ​രി​ഹാ​ര​മാ​കും. കാ​ട്ടു​പ​ന്നി​ക​ളും പാ​മ്പും ഉ​ൾ​പ്പെ​ടെ ഈ ​കാ​ടു​ക​ളി​ൽ വ​ള​രു​ന്നു​ണ്ട്.

കാ​ടു വെ​ട്ടി​ത്തെ​ളി​ക്കു​മെ​ന്ന് ഗ്രാ​മ​പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ചെ​ങ്കി​ലും ഒ​രു ന​ട​പ​ടി​യും ആ​യി​ട്ടി​ല്ല.