സിഗ്നൽ പ്രവർത്തിക്കുന്നില്ല; അപകട മുനമ്പായി പഴയതെരുവ്​

കോ​ഴ​ഞ്ചേ​രി: പ​ഴ​യ​തെ​രു​വി​ൽ വീ​ണ്ടും അ​പ​ക​ടം. നേ​ര​ത്തേ അ​പ​ക​ട പ​ര​മ്പ​ര ന​ട​ന്ന ഇ​വി​ടെ സി​ഗ്ന​ൽ വി​ള​ക്കു​ക​ൾ സ്ഥാ​പി​ച്ച​തോ​ടെ​യാ​ണ് ഇ​ത് കു​റ​ക്കാ​ൻ ക​ഴി​ഞ്ഞ​ത്. ശ​നി​യാ​ഴ്ച രാ​വി​ലെ പ​തി​നൊ​ന്നോ​ടെ ബൈ​ക്ക് യാ​ത്ര​ക്കാ​ര​ൻ അ​പ​ക​ട​ത്തി​ൽ​പെ​ട്ടു. നാ​ര​ങ്ങാ​നം റോ​ഡി​ൽ​നി​ന്ന്​ സം​സ്ഥാ​ന പാ​ത​യി​ലേ​ക്ക് വാ​ഹ​ന​ങ്ങ​ൾ ക​യ​റു​മ്പോ​ഴാ​ണ് അ​പ​ക​ടം സം​ഭ​വി​ക്കു​ന്ന​ത്. ഇ​പ്പോ​ൾ സി​ഗ്ന​ൽ പ്ര​വ​ർ​ത്ത​നം നി​ല​ച്ചി​ട്ട് ര​ണ്ടാ​ഴ്ച ക​ഴി​ഞ്ഞു.

എ​ന്നി​ട്ടും അ​ധി​കാ​രി​ക​ൾ മൗ​ന​ത്തി​ലാ​ണ്. സി​ഗ്ന​ൽ ഇ​ല്ലാ​ത്ത​ത് കാ​ര​ണം വാ​ഹ​ന​ങ്ങ​ൾ ത​ല​ങ്ങും വി​ല​ങ്ങും പാ​യു​ന്നു. ആ​ർ​ക്കും യാ​തൊ​രു ഉ​ത്ത​ര​വാ​ദി​ത്ത​വും ഇ​ല്ലാ​ത്ത സ്ഥി​തി​യാ​ണെ​ന്ന് പൗ​രാ​വ​ലി പ്ര​സി​ഡ​ന്‍റ്​ ജോ​ജി കാ​വും​പ​ടി​ക്ക​ൽ പ​റ​ഞ്ഞു. സി​ഗ്ന​ൽ നി​ല​ച്ചി​ട്ടും ഇ​വി​ടേ​ക്ക് ഗ​താ​ഗ​ത നി​യ​ന്ത്ര​ണ​ത്തി​ന് ട്രാ​ഫി​ക് വാ​ർ​ഡ​നെ നി​യ​മി​ച്ച​തു​മി​ല്ല. പൊ​തു​മ​രാ​മ​ത്തും പ​ഞ്ചാ​യ​ത്തും പൊ​ലീ​സും അ​വ​രു​ടെ ഉ​ത്ത​ര​വാ​ദി​ത്ത​ത്തി​ൽ​നി​ന്ന് ഒ​ഴി​ഞ്ഞു​മാ​റു​ക​യാ​ണ്.

അ​പ​ക​ടം പ​തി​വാ​യ​തോ​ടെ​യ​ണ് നി​ര​ന്ത​ര സ​മ​ര​ങ്ങ​ൾ​ക്കൊ​ടു​വി​ൽ ആ​ന്റോ ആ​ന്റ​ണി എം.​പി​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ൽ​നി​ന്ന്​ തു​ക അ​നു​വ​ദി​ച്ച്​ സി​ഗ്ന​ൽ പ്രാ​വ​ർ​ത്തി​ക​മാ​ക്കി​യ​ത്. കെ​ൽ​ട്രോ​ൺ സ്ഥാ​പി​ച്ച സി​ഗ്ന​ലി​ന്റെ നി​ർ​വ​ഹ​ണ ചു​മ​ത​ല ഗ്രാ​മ​പ​ഞ്ചാ​യ​ത്തി​നും പൊ​തു​മ​രാ​മ​ത്ത്​ വ​കു​പ്പി​നു​മാ​ണ്.

സിഗ്നൽ ലൈറ്റ് നോക്കുകുത്തി; അപകടം ക്ഷണിച്ചു വരുത്തി സെൻട്രൽ ജങ്​ഷൻ

മ​ല്ല​പ്പ​ള്ളി: സെ​ൻ​ട്ര​ൽ ജ​ങ്​​ഷ​നി​ൽ ഗ​താ​ഗ​തം സു​ഗ​മ​മാ​ക്കു​ന്ന​തി​നും അ​പ​ക​ട​ര​ഹി​ത​മാ​ക്കു​ന്ന​തി​നും പ​തി​റ്റാ​ണ്ടു​ക​ൾ​ക്ക് മു​മ്പ്​ സ്ഥാ​പി​ച്ച ട്രാ​ഫി​ക് സി​ഗ്ന​ൽ ലൈ​റ്റ് പ്ര​വ​ർ​ത്ത​ന​ര​ഹി​ത​മാ​യി​ട്ട് വ​ർ​ഷ​ങ്ങ​ൾ ക​ഴി​ഞ്ഞു. ഇ​തോ​ടെ ടൗ​ണി​ൽ കൂ​ടി​യു​ള്ള ഗ​താ​ഗ​തം തോ​ന്നി​യ പോ​ലെ​യാ​യ​തി​നാ​ൽ അ​പ​ക​ട​സാ​ധ്യ​ത​യും വ​ർ​ധി​ച്ചു.

പ്ര​ധാ​ന റോ​ഡാ​യ കോ​ട്ട​യം-​കോ​ഴ​ഞ്ചേ​രി സം​സ്ഥാ​ന പാ​ത​യി​ലാ​ണെ​ങ്കി​ലും സി​ഗ്ന​ൽ ലൈ​റ്റ് ന​ന്നാ​ക്കാ​ൻ അ​ധി​കാ​രി​ക​ൾ ത​യാ​റാ​കാ​ത്ത​ത് അ​പ​ക​ടം ക്ഷ​ണി​ച്ചു വ​രു​ത്തു​ന്ന​തി​ന് കാ​ര​ണ​മാ​കു​ക​യാ​ണ്. കെ.​എ​സ്.​ആ​ർ.​ടി ചെ​യി​ൻ സ​ർ​വി​സും സ്വ​കാ​ര്യ ബ​സു​ക​ളും ഉ​ൾ​പ്പെ​ടെ ഒ​ട്ടേ​റെ വാ​ഹ​ന​ങ്ങ​ളാ​ണ് ഓ​രോ തി​മി​ഷ​വും സെ​ൻ​ട്ര​ൽ ജ​ങ്​​ഷ​നി​ൽ​കൂ​ടി ക​ട​ന്നു​പോ​കു​ന്ന​ത്. ഇ​തി​നു പു​റ​മെ അ​മി​ത​ഭാ​രം ക​യ​റ്റി​യ ടി​പ്പ​റു​ക​ളു​ടെ മ​ര​ണ​പ്പാ​ച്ചി​ലും.

സി​ഗ്ന​ൽ ലൈ​റ്റ് പ്ര​കാ​ശി​ക്കാ​ത്ത​തി​നാ​ൽ ഇ​വ​ർ​ക്ക് തോ​ന്നി​യ പോ​ലെ ടൗ​ണി​ലൂ​ടെ ക​ട​ന്നു​പോ​കാ​ൻ വ​ഴി​യൊ​രു​ങ്ങി​യി​രി​ക്കു​ക​യാ​ണ്. മ​റ്റ് ചെ​റു വാ​ഹ​ന​ങ്ങ​ളും കാ​ൽ​ന​ട​ക്കാ​രും അ​പ​ക​ട​ഭീ​തി​യി​ലാ​ണ് ജ​ങ്​​ഷ​ൻ ക​ട​ക്കു​ന്ന​ത്. താ​ലൂ​ക്ക് വി​ക​സ​ന സ​മി​തി യോ​ഗ​ങ്ങ​ളി​ൽ നേ​ര​ത്തേ സി​ഗ്ന​ൽ ലൈ​റ്റ് പ്ര​കാ​ശി​പ്പി​ക്കാ​ൻ ന​ട​പ​ടി ഉ​ണ്ടാ​ക​ണ​മെ​ന്ന ആ​വ​ശ്യം ഉ​യ​ർ​ന്നി​രു​ന്നു. എ​ന്നാ​ൽ, ന​ട​പ​ടി ഉ​ണ്ടാ​കാ​താ​യ​തോ​ടെ എ​ല്ലാ​വ​രും പാ​ടെ ഉ​പേ​ക്ഷി​ച്ച നി​ല​യി​ലാ​യി. ഇ​തോ​ടെ ടൗ​ന്നി​ലെ ട്രാ​ഫി​ക് സി​ഗ്ന​ൽ ലൈ​റ്റ് നോ​ക്കു​കു​ത്തി​യാ​യി​രി​ക്കു​ക​യാ​ണ്.