ന​ടു​വ​ത്തും​മു​ഴി റേ​ഞ്ചി​ൽ മരം കൊള്ള; തേക്ക് ഉ​ൾ​പ്പെ​ടെ​ മുറിച്ചുകടത്തി

പ​ത്ത​നം​തി​ട്ട: കോ​ന്നി വ​നം ഡി​വി​ഷ​നി​ലെ ന​ടു​വ​ത്തും​മു​ഴി റേ​ഞ്ചി​ൽ പാ​ടം സ്റ്റേ​ഷ​ൻ പ​രി​ധി​യി​ലു​ള്ള വ​ന​ത്തി​ൽ​നി​ന്ന്​ തേ​ക്ക് ഉ​ൾ​പ്പെ​ടെ​യു​ള്ള മ​ര​ങ്ങ​ൾ മു​റി​ച്ചു ക​ട​ത്തി​യ നി​ല​യി​ൽ. ക​ല്ലേ​ലി ഹാ​രി​സ​ൺ എ​സ്റ്റേ​റ്റ് അ​തി​ർ​ത്തി​യി​ൽ, വ​ന മേ​ഖ​ല​യി​ൽ​നി​ന്നു​മാ​ണ് നി​ര​വ​ധി മ​ര​ങ്ങ​ൾ വ്യാ​പ​ക​മാ​യി മു​റി​ച്ച നി​ല​യി​ൽ ക​ണ്ടെ​ത്തി​യ​ത്.

തേ​ക്ക് ഉ​ൾ​പ്പെ​ടെ​യു​ള്ള മ​ര​ങ്ങ​ളു​ടെ മു​റി​ച്ചു​മാ​റ്റി​യ​തി​ന്റെ അ​വ​ശി​ഷ്ട​ങ്ങ​ളാ​ണ് ഇ​വി​ടെ​യു​ള്ള​ത്. പ​ല മ​ര​ക്കു​റ്റി​ക​ളും ക​ത്തി​ച്ച നി​ല​യി​ലും കാ​ണാം. മ​ര​ക്കു​റ്റി​ക​ൾ​ക്ക് പ​ഴ​ക്കം വ​രാ​നും പെ​ട്ടെ​ന്ന് ദ്ര​വി​ച്ചു പോ​കാ​നും പ​ഞ്ച​സാ​ര, മെ​ർ​ക്കു​റി ഉ​ൾ​പ്പെ​ടെ​യു​ള്ള വ​സ്തു​ക്ക​ൾ ഉ​പ​യോ​ഗി​ച്ച് ക​ത്തി​ച്ച​താ​കാ​മെ​ന്നും സം​ശ​യ​മു​ണ്ട്. നി​ല​വി​ൽ മ​രം മു​റി​ച്ചി​രി​ക്കു​ന്ന​ത് റി​സ​ർ​വ് ഭൂ​മി​യി​ൽ​നി​ന്നാ​ണ്. ഹാ​രി​സ​ൺ മ​ല​യാ​ള​ത്തി​ന്റെ എ​സ്റ്റേ​റ്റ് ഭൂ​മി​യോ​ട് ചേ​ർ​ന്നാ​ണ് ഈ ​ഭാ​ഗം. വ​നം നി​യ​മം അ​നു​സ​രി​ച്ച് വ​നം ഭൂ​മി​യി​ലേ​ക്ക് അ​നു​വാ​ദ​മി​ല്ലാ​തെ ക​ട​ക്കു​ക​യോ എ​ന്തെ​ങ്കി​ലും ഒ​രു വ​സ്തു ഭൂ​മി​യി​ൽ​നി​ന്നും കൊ​ണ്ടു​പോ​വു​ക​യോ ചെ​യ്യാ​ൻ പാ​ടു​ള്ള​ത​ല്ല.

ഇ​തു​പ്ര​കാ​രം വ​ന​ഭൂ​മി​യി​ൽ​നി​ന്നും ഒ​രു മ​രം​പോ​ലും മു​റി​ച്ചു​കൊ​ണ്ട് പോ​കാ​ൻ ക​ഴി​യി​ല്ല. 30 സെ​ന്റീ​മീ​റ്റ​റി​ൽ കൂ​ടു​ത​ൽ വ​ണ്ണ​മു​ള്ള മ​രം പൂ​ർ​ണ​വ​ള​ർ​ച്ച​യെ​ത്തി​യ മ​ര​മാ​യി​ട്ട് ത​ന്നെ​യാ​ണ് ക​ണ​ക്കാ​ക്കു​ന്ന​തും. ഈ ​സാ​ഹ​ച​ര്യ​ത്തി​ലാ​ണ് നി​ര​വ​ധി മ​ര​ങ്ങ​ൾ വ​ന​ഭൂ​മി​യി​ൽ​നി​ന്ന്​ മു​റി​ച്ചു​മാ​റ്റി​യ​ത്. എ​ന്നാ​ൽ, വ​ന​ഭൂ​മി​യി​ൽ​നി​ന്നും മ​രം മു​റി​ച്ചു കൊ​ണ്ടു​പോ​കാ​നു​ള്ള ഒ​രു സാ​ഹ​ച​ര്യ​വും നി​ല​വി​ലി​ല്ലെ​ന്നാ​ണ് വ​നം വ​കു​പ്പി​ന്റെ വി​ശ​ദീ​ക​ര​ണം.

ഇ​തു​വ​രെ​യും അ​ങ്ങ​നെ മ​രം മു​റി​ച്ചു കൊ​ണ്ടു​പോ​യ​താ​യി ശ്ര​ദ്ധ​യി​ൽ​പെ​ട്ടി​ട്ടി​ല്ലെ​ന്നും കൃ​ത്യ​മാ​യി പ​രി​ശോ​ധ​ന ന​ട​ത്താ​റു​ണ്ടെ​ന്നും വ​നം വ​കു​പ്പ് ഉ​ദ്യോ​ഗ​സ്ഥ​ർ പ​റ​യു​ന്നു.

മ​ര​ങ്ങ​ൾ മു​റി​ച്ചു കൊ​ണ്ടു​പോ​യ​ത് ഗൗ​ര​വ​ക​ര​മാ​യ വി​ഷ​യ​മാ​ണെ​ന്ന് പ​ശ്ചി​മ​ഘ​ട്ട സം​ര​ക്ഷ​ണ സ​മി​തി ജി​ല്ല സെ​ക്ര​ട്ട​റി റെ​ജി മ​ല​യാ​ല​പ്പു​ഴ പ​റ​ഞ്ഞു. വ​നം വ​കു​പ്പി​ന്റെ അ​നാ​സ്ഥ​യാ​ണെ​ന്നും സം​ഭ​വ​ത്തി​ൽ കൃ​ത്യ​മാ​യ ന​ട​പ​ടി ഉ​ണ്ടാ​ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ജി​ല്ല​യി​ലെ പ​ല ഭാ​ഗ​ങ്ങ​ളി​ലും ഭൂ​വി​ഭ​വ​ങ്ങ​ളു​ടെ കൊ​ള്ള ന​ട​ക്കു​ന്നു​ണ്ടെ​ന്നും വ​ലി​യ ജ​ന​കീ​യ പ്ര​ക്ഷോ​ഭം പ​ശ്ചി​മ​ഘ​ട്ട സം​ര​ക്ഷ​ണ സ​മി​തി മു​ന്നോ​ട്ടു​കൊ​ണ്ടു​വ​രു​മെ​ന്നും അ​ദ്ദേ​ഹം പ​റ​ഞ്ഞു.