കുന്നംകുളം: യുവതിയെയും ഭർത്താവിനെയും മർദിച്ച കേസിലെ പ്രതിയെ കസ്റ്റഡിയിലെടുക്കാനെത്തിയ പൊലീസിനെ ആക്രമിച്ച കേസിൽ ദമ്പതികൾ അറസ്റ്റിൽ. പെരുമ്പിലാവ് മയൂഖ ക്വാർട്ടേഴ്സിൽ താമസിക്കുന്ന ആലപ്പുഴ തലവാടി വടക്കുമുറി തറയിൽ വീട്ടിൽ അനിൽകുമാർ (51) ഭാര്യ ബേബി (38) എന്നിവരെയാണ് കുന്നംകുളം പൊലീസ് അറസ്റ്റ് ചെയ്തത്. കുന്നംകുളം എസ്.ഐ ഷക്കീർ അഹമ്മദിെൻറ നേതൃത്വത്തിലെത്തിയ പൊലീസ് ഉദ്യോഗസ്ഥർക്ക് നേരെ കഴിഞ്ഞ ഞായറാഴ്ചയാണ് കൈയേറ്റം ഉണ്ടായത്. ഇതേ ക്വാർട്ടേസിൽ താമസിക്കുന്ന സുഹ്റ എന്ന യുവതിയെയും ഭർത്താവിനെയും അനിൽകുമാർ ആക്രമിച്ചിരുന്നു. ഇരുമ്പുവടി കൊണ്ട് അടിയേറ്റ് ഭർത്താവിെൻറ കൈ ഒടിഞ്ഞിരുന്നു. ഈ കേസിൽ പ്രതിയെ അറസ്റ്റ് ചെയ്യാനെത്തിയതായിരുന്നു പൊലീസ്.
എന്നാൽ, അനിൽകുമാറും ഭാര്യയും ചേർന്ന് അറസ്റ്റ് തടയാൻ ശ്രമിക്കുകയും ഉദ്യോഗസ്ഥർക്ക് നേരെ ഭീഷണി മുഴക്കുകയും എസ്.ഐ മണികണ്ഠെൻറ കൈ പിടിച്ച് തിരിക്കുകയുമായിരുന്നു. ഇതുകണ്ട് ഓടിയെത്തിയ സി.പി.ഒ ഷിബിനെ അനിൽകുമാറും ഭാര്യയും ചേർന്ന് തള്ളിയിട്ട് ചവിട്ടി പരിക്കേൽപിച്ചു. അറസ്റ്റിലായ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.