തൃശൂര്‍: യുവാവിനെ വഴിയില്‍ തടഞ്ഞ് വെട്ടിക്കൊല്ലാന്‍ ശ്രമിച്ച കേസില്‍ കുപ്രസിദ്ധ ഗുണ്ട നേതാവ് ഓന്ത് ജോമോന്‍ അറസ്റ്റില്‍. പറവട്ടാനി സ്വദേശി വെളിയത്ത് മാരിയില്‍ ജോസഫ് ജെയിംസിനെ കൊല്ലാന്‍ ശ്രമിച്ചെന്നാണ് കേസ്.
കഴിഞ്ഞദിവസമാണ് സംഭവം. സ്ഥലത്തെത്തിയ ഈസ്റ്റ് പൊലീസ് ജോസഫ് ജെയിംസിനെ പൊലീസ് ജീപ്പില്‍ ജനറല്‍ ആശുപത്രിയില്‍ എത്തിച്ചിരുന്നു. തുടര്‍ന്ന് ജയിലിൽവെച്ച് പരിചയപ്പെട്ട സുഹൃത്തിെൻറ സഹായത്തോടെ തമിഴ്‌നാട്ടിലേക്കു കടക്കാന്‍ ശ്രമിച്ച ജോമോനെ പൊലീസ് പിടികൂടുകയായിരുന്നു.
തൃശൂര്‍ ഈസ്റ്റ്, മണ്ണുത്തി, ഒല്ലൂര്‍ സ്റ്റേഷനുകളെ റൗഡി ലിസ്റ്റില്‍ ഉള്‍പ്പെട്ട ജോമോന്‍ ഗുണ്ട നിയമപ്രകാരം ഒരു വര്‍ഷം മുമ്പ് നാടുകടത്തപ്പെട്ടയാളാണ്. ഈസ്റ്റ് സി.ഐ ഐ. ഫിറോസ്, എസ്.ഐമാരായ എസ്. സിനോജ്, അന്‍ഷാദ്, ജയചന്ദ്രന്‍, എ.എസ്.ഐ ഗോപിനാഥന്‍, സി.പി.ഒമാരായ ഷാരോണ്‍, കണ്ണന്‍, അലക്‌സ്, മുഹമ്മദ് റാഫി, ഗോകുല്‍ എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.