ഒല്ലൂര്‍: ബസ്സ്റ്റോപ്പിലെ ഇരിപ്പിടത്തിലെ കമ്പികള്‍ക്കിടയില്‍ കുടുങ്ങിയയാളെ അഗ്നിരക്ഷ സേന എത്തി രക്ഷപ്പെടുത്തി. കാഞ്ഞിരപ്പിള്ളി സ്വദേശിയായ അന്‍സാരിയാണ് (60) കുടുങ്ങിയത്. ഇരിപ്പിടത്തിനും സമീപത്തെ ചുമരിനും ഇടയിലേക്ക് കാലും അരഭാഗം വരെയും ഇറങ്ങിപ്പോയതോടെ ഇയാള്‍ക്ക് പുറത്തു കടക്കാന്‍ പറ്റാത്ത അവസ്ഥയിലായി. നാട്ടുകാര്‍ ഇയാളെ പുറത്തേക്ക് എടുക്കാന്‍ ശ്രമം നടത്തിയെങ്കിലും വിജയിക്കാതായതോടെ തൃശൂരില്‍നിന്ന് അഗ്നിരക്ഷ സേന എത്തി കമ്പികള്‍ അറുത്താണ് പുറത്ത് എടുത്തത്. സ്റ്റേഷന്‍ ഓഫിസര്‍ എ. ബാബുവിെൻറ നേതൃത്വത്തിലാണ് രക്ഷാപ്രവർത്തനം നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.