പു​ല്ല​ഴി കോ​ൾ​പാ​ട​ത്ത്​ രാ​ജാ​പ്പ​രു​ന്തി​നെ ക​ണ്ടെ​ത്തി​

തൃ​ശൂ​ർ: പു​ല്ല​ഴി കോ​ൾ​പാ​ട​ത്ത്​ അ​പൂ​ർ​വ ഇ​ന​മാ​യ രാ​ജാ​പ്പ​രു​ന്തി​നെ ക​ണ്ടെ​ത്തി. വ​ന്യ​ജീ​വി ഫോ​ട്ടോ​ഗ്രാ​ഫ​റും പ​ക്ഷി നി​രീ​ക്ഷ​ക​നു​മാ​യ ജി​ജോ​യ്​ ഇ​മ്മ​ട്ടി​താ​ണ്​ ഇ​തി​നെ ക​ണ്ടെ​ത്തി​യ​ത്. ‘ഇം​പീ​രി​യ​ൽ ഈ​ഗി​ൾ’ എ​ന്ന​റി​യ​പ്പെ​ടു​ന്ന ഈ ​പ​ക്ഷി​യെ 2003ൽ ​ക​ണ്ണൂ​രി​ൽ ക​ണ്ട​താ​യി റി​പ്പോ​ർ​ട്ട്​ ചെ​യ്ത​തി​ന്​ ശേ​ഷം ആ​ദ്യ​മാ​യാ​ണ്​ സം​സ്ഥാ​ന​ത്ത്​ കാ​ണു​ന്ന​ത്.

തെ​ക്കു​കി​ഴ​ക്ക​ൻ യൂ​റോ​പ്പി​ലും പ​ടി​ഞ്ഞാ​റ്, മ​ധ്യേ​ഷ്യ വ​രെ​യു​ള്ള പാ​ലി​യാ​ർ​ട്ടി​ക് മേ​ഖ​ല​ക​ളി​ലു​മാ​ണ് ഇ​വ പ്ര​ധാ​ന​മാ​യും പ്ര​ജ​ന​നം ന​ട​ത്തു​ന്ന​ത്. ശൈ​ത്യ​കാ​ല​ത്ത് വ​ട​ക്കു​കി​ഴ​ക്ക​ൻ ആ​ഫ്രി​ക്ക, മി​ഡി​ൽ ഈ​സ്റ്റ്, തെ​ക്ക്-​കി​ഴ​ക്ക​ൻ ഏ​ഷ്യ മേ​ഖ​ല​ക​ളി​ലേ​ക്ക് ദേ​ശാ​ട​നം ന​ട​ത്തും. ഇ​ന്‍റ​ർ​നാ​ഷ​ണ​ൽ യൂ​നി​യ​ൻ ഫോ​ർ ദ ​ക​ൺ​സ​ർ​വേ​ഷ​ൻ ഓ​ഫ്​ നേ​ച്ച​ർ ആ​ൻ​ഡ്​ നാ​ച്വ​റ​ൽ റി​സോ​ഴ്​​സി​ന്‍റെ ചു​വ​ന്ന പ​ട്ടി​ക​പ്ര​കാ​രം വം​ശ​നാ​ശ സാ​ധ്യ​ത​യു​ള്ള പ​ക്ഷി​യാ​ണ്.

തൃ​ശൂ​ർ-​പൊ​ന്നാ​നി കോ​ൾ​മേ​ഖ​ല കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്ന പൗ​ര​ശാ​സ്ത്ര-​പ​ഠ​ന-​ഗ​വേ​ഷ​ണ കൂ​ട്ടാ​യ്മ​യാ​യ കോ​ൾ ബേ​ഡേ​ഴ്സ് ക​ല​ക്ടീ​വ്​ ന​ട​ത്തു​ന്ന പ​ക്ഷി നി​രീ​ക്ഷ​ണ​ത്തി​ൽ നി​ര​വ​ധി പ​രു​ന്തു​ക​ൾ കോ​ൾ​പാ​ട​ത്തേ​ക്ക്​ ഇ​ത്ത​വ​ണ വി​രു​ന്ന്​ വ​രു​ന്ന​താ​യി കാ​ണു​ന്ന​താ​യി പ​ക്ഷി നി​രീ​ക്ഷ​ക​ൻ മ​നോ​ജ് ക​രി​ങ്ങാ​മ​ഠ​ത്തി​ൽ പ​റ​യു​ന്നു. ‘അ​ക്വി​ല’ ജ​നു​സ്സി​ൽ​പ്പെ​ട്ട ദേ​ശാ​ട​ക​രാ​യ പ​രു​ന്തു​ക​ളി​ൽ വ​ലി​യ പു​ള്ളി​പ്പ​രു​ന്ത്, ചെ​റി​യ പു​ള്ളി​പ്പ​രു​ന്ത്, കാ​യ​ൽ​പ്പ​രു​ന്ത്​ എ​ന്നി​വ​യെ ഇ​ത്ത​വ​ണ കോ​ൾ​പ്പാ​ട​ത്തു​നി​ന്ന് ക​ണ്ടെ​ത്തി. ഇ​വ​യെ​ല്ലാം വം​ശ​നാ​ശ​ത്തി​ന്‍റെ വ​ക്കി​ലു​ള്ള​തോ സാ​ധ്യ​ത​യു​ള്ള​തോ ആ​ണ്.