അന്നമനട വൈന്തലയിൽ ബസുമായി കൂട്ടിയിടിച്ച് തകർന്ന വാൻ
മാള: അന്നമനട വൈന്തലയിൽ ബസും ബൊലേറോ വാനും കൂട്ടിയിടിച്ച് അപകടം. വാനിൽ സഞ്ചരിച്ച രണ്ടുപേരെ പരിക്കുകളോടെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. വ്യാഴാഴ്ച വൈകീട്ട് അന്നമനട വൈന്തലയിലായിരുന്നു അപകടം.
മാള അഷ്ടമിച്ചിറയിൽനിന്ന് അന്നമനടയിലേക്ക് വരുന്ന ബസ് വളവ് തിരിയുന്നതിനിടെ വേഗത്തിലെത്തിയ വാൻ നിയന്ത്രണംവിട്ടതാണ് അപകട കാരണമെന്ന് ദൃക്സാക്ഷികൾ പറയുന്നു. ബസ് മാള പൊലീസ് കസ്റ്റഡിയിലെടുത്തു. തകർന്ന വാൻ റോഡരികിലേക്ക് നീക്കി. ബസ് ഡ്രൈവർ ഡെൽവി (45), കണ്ടക്ടർ ലിന്റോ (44) എന്നിവരെയും മാള പൊലീസ് കസ്റ്റഡിയിലെടുത്തിട്ടുണ്ട്. അങ്കമാലി സ്വദേശിയുടെ ഉടമസ്ഥതയിലുള്ള വാൻ നിശ്ശേഷം തകർന്ന നിലയിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.