പോത്തൻകോട്: മുഖ്യമന്ത്രി പിണറായി വിജയൻെറ തുഗ്ലക്ക് പരിഷ്കാരമാണ് കെ-റെയിൽ സിൽവർ ലൈൻ പദ്ധതിയെന്ന് വി.എം. സുധീരൻ. കെ-റെയിലിനെതിരെ മുരുക്കുംപുഴ സമരസമിതി മംഗലപുരം ഗ്രാമപഞ്ചായത്ത് ഓഫിസിനുമുന്നിൽ നടത്തിയ പ്രതിഷേധ ധർണ ഉദ്ഘാടനം ചെയ്യുകയായിരുന്നു അദ്ദേഹം. മൂലംപള്ളിയിൽ 340 കുടുംബങ്ങൾക്ക് പുനരധിവാസം ഉറപ്പാക്കാൻ കഴിയാത്ത സർക്കാർ സിൽവർലൈൻ പദ്ധതിയിൽ ഭൂമി നഷ്ടപ്പെടുന്ന ഇരുപതിനായിരം കുടുംബങ്ങൾക്ക് എങ്ങനെ പുനരധിവാസം നടപ്പാക്കും. പരിസ്ഥിതികപ്രശ്നങ്ങളെക്കുറിച്ച് വേണ്ടത്ര പഠനം നടത്താതെയുള്ള പദ്ധതി വിനാശകരമാണെന്നും അദ്ദേഹം പറഞ്ഞു. സമരസമിതി പ്രസിഡൻറ് എ.കെ. ഷാനവാസ്‌ അധ്യക്ഷനായി. സംസ്ഥാന ജനറൽ കൺവീനർ എസ്. രാജീവൻ മുഖ്യപ്രഭാഷണം നടത്തി. രക്ഷാധികാരി ശൈവപ്രസാദ് പ്രതിജ്ഞാവാചകം ചൊല്ലി. ഡി.സി.സി സെക്രട്ടറി കെ.എസ്. അജിത്കുമാർ, ബ്ലോക്ക്‌ പ്രസിഡൻറ് എച്ച്.പി. ഷാജി, സമരസമിതി ജില്ല ചെയർമാൻ രാമചന്ദ്രൻ കരവാരം, ഷൈജു, യു.ഡി.എഫ് ചെയർമാൻ ജെഫഴ്സൺ, ബി.എസ്. അനൂപ്, തോന്നയ്ക്കൽ ജമാൽ, എം. മുനീർ, ഹാഷിം, ജി. ഗോപകുമാർ, വസന്തകുമാരി, എസ്. മിനി, ജെ.എം. അഹമ്മദാലി, ഷാജിഖാൻ എം.എ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.