ചിത്രം നേമം: പെട്ടെന്നുണ്ടായ പ്രകോപനംമൂലം സുഹൃത്തിനെ കുത്തിക്കൊലപ്പെടുത്തിയ സംഭവത്തിൽ ഒരാൾ പിടിയിൽ. കരമന നെടുങ്കാട് സോമൻനഗർ തുണ്ടുവിള വീട്ടിൽ വിക്രു എന്ന വിക്രമൻ (68) ആണ് അറസ്റ്റിലായത്. വെള്ളിയാഴ്ച വൈകീട്ട് മൂന്നിനായിരുന്നു കേസിനാസ്പദമായ സംഭവം. നെടുങ്കാട് തീമങ്കരി സ്വദേശിയും ഇപ്പോൾ പേരൂർക്കടയിൽ താമസിച്ചുവരുന്നയാളുമായ ബോസ് (46) ആണ് മരിച്ചത്. സംഭവദിവസം വിക്രമൻ നെടുങ്കാട് നടത്തിവരുന്ന ഷോപ്പിലെത്തിയ ബോസുമായി ഇയാൾ വാക്കുതർക്കത്തിലേർപ്പെട്ടു. തുടർന്ന് വിക്രമൻ കൈവശമുണ്ടായിരുന്ന പണിയായുധം ഉപയോഗിച്ച് ബോസി‍ൻെറ നെഞ്ചിൽ കുത്തുകയായിരുന്നു. ശരീരത്തിൽ നാലുതവണ കുത്തേറ്റ ബോസിനെ ഉടൻതന്നെ തിരുവനന്തപുരം മെഡിക്കൽ കോളജ് ആശുപത്രിയിൽ എത്തിച്ചെങ്കിലും ശനിയാഴ്ച പുലർച്ചെ മൂന്നിന് മരിച്ചു. തുടർന്നാണ് സംഭവവുമായി ബന്ധപ്പെട്ട് വിക്രമനെ കരമന പൊലീസ് അറസ്റ്റ് ചെയ്യുന്നത്. അവിവാഹിതനാണ്. ഓട്ടോഡ്രൈവറും ബിൽഡിംഗ് തൊഴിലാളിയുമായിരുന്നു. കെ. കുട്ടപ്പൻ-എൽ. ശോശാമ്മ ദമ്പതികളുടെ മകനാണ്. സഹോദരങ്ങൾ: കെ. പ്രസാദ്, എസ്. സുചിത്ര, വിർജിൻ ബിന്ദു, വിൽസൺ. ബോസി‍ൻെറ മൃതദേഹം തിരുവനന്തപുരം മെഡിക്കൽ കോളജ് മോർച്ചറിയിൽ സൂക്ഷിച്ചിട്ടുണ്ട്. കരമന സി.ഐ അനീഷ്, എസ്.ഐമാരായ സുധി, ശാന്തു, സത്യപാലൻ, അശോക കുമാർ, ബൈജു, സി.പി.ഒമാരായ ഷിബു, ഉണ്ണികൃഷ്ണൻ, ഹരീഷ്ലാൽ, അഭിലാഷ് എന്നിവർ ഉൾപ്പെട്ട സംഘമാണ് വിക്രമനെ കസ്റ്റഡിയിലെടുത്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.